أضف سؤال أو موضوع جديد          

الشريطي تعريفه ومواصفاته واساليبه تنبيهات هامه للحذر منهم

up 12 down 5
ابـو يـوسـف 86
قبل 9 سنه و 2 شهر



بسم الله الرحمن الرحيم
السلام عليكم ورحمة الله وبركاته
الشريطي الا من رحم الله هو رجل نصاب محتال لا يخاف الله وأحيان تجدهم مجموعات تتكون من ثلاثة إلى أربعة أشخاص لا تجد خامس بينهم , يتجمهر في مدخل المعارض أو على سيارة بائع للعب على السذج من بعض الناس الذي جاء لبيع سيارته أما لحاجة أو لتغيير سيارته .

أساليب الاحتيال :-
- دائماً تجد الشريطي يخفي عن العالم أنه شريطي فمرة تجده ( حاسر ) ومرة لابس ( طاقية ) ومرة ( نظارة سوداء ) ومرة ( جنتل ) وهكذا , وإذا جاء يسوم منك السيارة يقول لك أنا مو شريطي أنا جاي من الحفر ( حفر الباطن ) أو من القصيم وتحصله دائماً يسب ربعه الشريطية ويقول يلعبون على العالم وما يخافون الله ( يبعد الشبهه عن نفسه ) .

- في بعض الأحيان تجد الشريطي معه ولد صغير ( أبنه ) حتى يبعد الشبهة عن نفسه , كأنه جاي يدور سيارة لولده وهو شريطي محتال .

- ودائماً يبخس ثمن السيارة حتى لو كانت جديدة وينزل سعر السيارة إلى أبخس الأثمان _ يعني _ سيارتك تسوي في السوق 70 ألف أول ما يسوم يقول لك _ 48 ألف _ ومن بعدها يسوم بسعر أعلى , وأحيانا لم يقرب من سعر السيارة يعني 62 أو 63 والسيارة سعرها _ 70 ألف _ تشوف الشريطي يرمي عليك العربون ويطلبك بنخوة عربية , أو تشوف ثلاثة أذناب _ شريطية _ معاه يقولون لك ( تراها قيمة طيبة والله ) ومن هذا الكلام .

- تجد الشريطي يحاول يركب السيارة أو يقول لك أنزل بسوقها وهذا ( غلط ) لأن ما يركب السيارة أو يحاول يسوقها الإ اللي أعطى سعر يعجب صاحب الحلال أو فرق سعر السيارة عن سومة وقبل صاحب الحلال بالسعر اللي عطاه الشريطي ولا تنسى أن الشريطي المفروض ما يركب السيارة الإ تكون أخذت عربون _ أقل شي 500 ريال _ وبعضهم محتال ونصب يقول لك ما عندي عربون ..!! هذا لا تخليه يحرك السيارة ( أطرده ) .

- بعضهم يتفقون شريطية أثنين عليك حتى يعرفون حدك في السيارة يعني أنت دخل السوق ووصلت السومة 64 ألف ولم تعجبك السومة يقولك الشريطية كم حدك , لا تقول له كم حدك قول لك أنت سوم عشان _ تكفشه _ يعني لو فرق وقال 65ألف تقدر تقولهم عطني عربونك وكذا يكون أرتبط معاك وتحصل دائماً مكالمات جوال بينهم ( مثل الحرامية ) .

- دائماً حاول أنك ما توضح السعر اللي أنت تبيه وترضى بالسومة الأولى _ في أول مرة تجي المعارض لبيع نفس السيارة _ لان الشريطية يعرفون شكل السيارة لو جيت مرة ثانية ويعرفون أنك مضطر للبيع وينزلون سعرها لأن يخبرون بعضهم بعض فتحصل الشريطي أول ما يسألك عن السومة يوقف بعيد ويدق جوال يستفسر .

- لا تخلي شريطي يجرب السيارة أو يركب مكان السائق الإ والعربون في جيبك لا يلعب عليك ويقولك دقيقة ولا شوي ولا روح للمعرض الفلاني ثواني والإ يركب معاك يقول أمش شوي في السيارة الإ والعربون معك عشان ما يدخل إلى معرض تابع لهم ويجتمعون عليك أربعة والإ خمسة شريطية يضيعون وقتك في السوم الفاسد , يعني السيارة قبل 10 دقايق أنسامت ب 65 يقولون لك هاه راحت بال 60 ألف ...!!! أنتبه .

- لا تعطي حدك في السيارة دائماً وأصر على كلمة ( سوم ) للشريطي حتى لو كانت السيارة مسيومة قول له أفرق السوم لأنه بعضهم يقولك والله فيه رجال موصيني على نفس الموتر ويبي يعرف سعره عشان أخلص معاك , وبكذا يعرف حدك ويصير تعميم عن حدك وبعدها الكل ينزلك ألف وألفين من حدك في السوم .

- لا تعطيهم رقم جوالك الإ اللي ( صامل منهم ) لأنهم أنذال يأخذ رقم جوالك يدق عليك دقة وحدة عشان إذا ما بعت السيارة تتصل عليه وتقول له أنت اللي سمت سيارتي بهذا المبلغ خلاص ببيع يروح ينزلك 4 ألاف ولا خمسة ألاف .

- لا تقول لشريطي عن سيارتك أن فيها كذا وكذا وأتركه يكشف السيارة وإذا سألك عن شي قول له الموتر قدامك , لأن هذه طريقة تعاملهم ما يعلمك إذا في السيارة صدمات , أو تخبيط أو غيرها الإ إذا كنت واثق من سيارتك .








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


صح لساانك ومشكور على الموضوع المفيد


up 4 down 1
شكري95 267
قبل 9 سنه و 2 شهر



هاذي حركاتهم واكثر من كذا كمان كنت واقف قدم المعرض استناء الرجال يجي ابنقل السيارة بسمي وكانو قدامي شريطية وقفو راعي جيب مار 2008 او 2009 لاند كروزر وقالو له كم مسيوم وتجمعو عليه واحد منهم راح عند الاصطب الخلفي وحك السيارة بالمفتاح


up 3 down 0
al-harbi- 988
قبل 9 سنه و 2 شهر



وبعدها بفتره سالت قلت لخويي عن الي حصل قال دايم يسوونها الشريطية يشوف الموتر مرشوش ولا لا المعجون كثير ولا لا وزي كذا هذا قبل مايطلع الجهاز كاشف السمكرة



up 3 down 0
al-harbi- 988
قبل 9 سنه و 2 شهر



الله يلعن اي شريطي ابن احراااام


up 6 down 4
tafsan 30
قبل 9 سنه و 2 شهر



على اختلاف الاجناس والأديان وحتى في أمريكا يبقى الشريطي شريطي ...


up 3 down 1
why not547 647
قبل 9 سنه و 2 شهر



الشريطي نوعان البائع والمشتري
البائع يشترط بسومه ماتسوى بموديل سيارته
ووالمشتري يشترط ويكذب ويحطم السياره ليشتريها بااقل قيمه
فكلاهما في الهواء سواا 



up 3 down 0
ياسر العتيبي .. 503
قبل 9 سنه و 2 شهر



بيع وشراء السيارات زيها زي اي سلعة تباع وتشترى ... ولكن المشكلة ان بيع او شراء سيارة يتطلب خبرات خاصة وفحص دقيق وهنا ياتي تدخل البايع بمحاولة الغش وخداع المشتري .. وفي نفس الوقت محاولات تنزيل قيمة السيارة اذا كان العكس والسبب هو ان يستطيع اعادة بيعها باكبر مكسب ... ولكن لو كان الشريطي عنده ذمة وامانة لكان الوضع مختلف ...


up 3 down 0
صاحب السمو 2 1501
قبل 9 سنه و 2 شهر