الايجار المنتهي بالتمليك

و عليكم السلام و الرحمة
لازم تمر الوكالة و تجلس مع الموظف او مندوب المبيعات
و معك تعريف بالراتب مع ذكر الالتزامات
بدون دفعة اولى اذا راتبك على الراجحي فقط

احذرك الجميع من عروض هونداي رمضان و غيرها
لان الدفعة الاخيره مبالغ فيها ٣٥%

مثال
جيب كريتا الصغير كاش ب٥٥ و بالمعارض اقل
دون دفعة اولى قسط ٩٨٠ على ٦٠ قسط = ٥٨٨٠٠ ريال
و الدفعة الاخيرة
٥٥٠٠٠ سعر السيارة كاش × 0.35 = ١٩٢٥٠ ريال
مجموع قيمة الاقساط مع الدفعة الاخيرة ٧٨ الف
بزيادة اكثر من ٢٠ الف لسعر الكاش
المناسب بالكثير دفعة اخيرة ٢٥% من قيمة السيارة كاش زيادة ٦٠٠٠ او اكثر
نفس الطريقة على عرض نيسان التيما اللي قسطها ١٠٧٠ ريال

اي اعلان قسط مخفض
تأكد من نسبة الدفعة الأخيرة و على أي فئةالصورة تخدع
أيضا" الموديل بعضها على ٢٠١٦
والمعذرة على الاطالة

حياك الله عزيزي

نصيحه اذا يمديك تطلع قرض لاتترد واشتري السياره اللي تبيها ويكفي انها باسمك والقرض بيكون اقل
فائده


لكن لو اخذت اجار ينتهي بالتمليك بتكون باسم البنك او الشركة المالكه
ومالك حق التصرف فيها او هبتها او بيعها وفي تفويض كل شهرين تجدده من عندهم

واذا تاخرت قسطين سحبوا السياره وطالبوك بالمتاخرات وغرامه سحب حول 1500 ريال

احسب قيمة السياره كاش وفوقها حول 40 الف فوائد


متطلباتهم

اقل راتب لاينقص عن 3000 الاف ريال

للشركات تعريف بالراتب مصدق من الغرفة التجاريه
كشف ثلاث اشهر
صورة عقد اجار البيت وصورة من فاتورة الكهرباء
رخصة سارية المفعول مع الاحوال
مايكون عليك مخالفات مرورية عشان تفويض السياره


واذا انحديت عليها لاتحاول تدفع دفعه جامده كثير شباب دفعوا دفعات مارجعت لهم بعد ماصارت عليهم
حوادث والسياره حالتها تالف

هونداي. عندهم الان عروض رمضان 
قبل ثلاثه ايام شفت لهم اعلان عروض 

الإيجار المنتهي بالتمليك مايجوز حسب ما أعرف،وأتمنى لك التوفيق.

مجرد نصيحه ؟

انا اخذت سياره ايجار منتهي بالتمليك فايدتهم اكثر من 20 الف - اخوي اخذ قرض واخذ عليه البنك فايده 9 الاف وطلع نفس سيارتي @@ قارن الفرق