أضف سؤال أو موضوع جديد          

الانتباه من التشاليح وبالذات ....؟

up 10 down 1
histyria 572
قبل 8 سنه و 6 شهر



السلام عليكم ورحمة الله وبركاته

يا اخوان قبل شهر تقريباً خبط موتري جي اس 2002 المهم رحت ادور مكينة لاني مابي توضيب المهم اول مكان دورت فيه الانترنت خصوصا السعوديين قلت مساكين ويترزقون الله تخيلوا يا اخوان وصل سعر المكينة 6000 ريال واقل واحد فيهم 4800 وش هالسخط والطمع اعوذ بالله

المهم قلت مالي الا الحاير ورحت ادور هناك وحصلت انواع الاستغلال ما الله به عليم قلت مالي الا الصناعية القديمة سمعتها زينه والله لايوريك اليمانيه انواع الاستغلال احد التشاليح اللي هناك حصلتها عنده 3500 قلت سعر كويس عطيته الفلوس الصباح على انه يأمنها العصر ونركبها جيت العصر حصلته متلخبط وقال بعتها كلها بس عندي وحده بدون طرمبة موية وسير التايمن قلت بسيطة هذي بسيارتي جبها مسكني يماني راعي الورشه اتعامل معاه قال انتبه تراه حضرمي ومايرضى الا بمكسب الدبل اخذ فلوسك وروح دور على المكينة اللي يقول عليها وفلان بياخذك بسيارة الورشة يدور معاك احد العمال اللي عنده المهم رحت انا وناصر ودورنا بالتشاليح وربي عماله سايبه وانواع الاستغلال بس اسعارهم تمشي مع اصحاب التشاليح السعوديين اللي يطيرونها بالسماء المفيد في الموضوع اني حصلت المكينة اللي يقول عنها اليماني عند تشليح البلاد ورب الكون ورب الكون واللي خلقني اني اخذتها من السوداني اسمه مالك بـ 2000 ريال بس قال لو كاملة كان بعتها عليك 3500 بس ناقص الطرمبة وسير التايمن المهم شريتها وركبتها بموتري والحمد لله احلى من العسل والحضرمي ناوي ياخذ مكسب 1500 بشي مايملكة

رحت له امس ادور مرايات حصلت عنده وحده بس اخذتها بـ 200 رحت لليماني خوينا حصلتها بـ 600 قلت شوف بكم اخذها قال ماعلي منك لو اخذها بـ 50 انا عندي 600 بتشتري ولا غيرك يجي يدفع اكثر ويشتريها

التشاليح اللي بالصناعية القديمة تشاليح اللكزس اللي عند ميزان اليرموك ونجد انتبهوا منهم بالذات تشليح نجد اللي بوسط الحاره اسعاره دبل دبل دبل مرتين او ثلاث واللي يبي اثبات وفواتير مستهد ارفقها بالموضوع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكووور على طرح الموضوع وبالفعل من المفروض الواحد يتأكد الجديدة كم وبعدين يروح للتشليح
اخوي كان ناقصه قاعدة كمبرسور اكورد في الوكالة120 ريال بس طلبية من جدة رحنا لتشليح في الصناعية القديمة والحمدالله خذينا عرض اسعار معنا من الوكالة
ولقينا القطعة بكم يقول ب300 ريال نقوله ياآدمي في الوكالة ب120 ريال وجديدة وهذا سعرها في الفاتورة 
اهئهئ بكل برود يقول روح اشترها من الوكالة تبون اهلا وسهلا ماتبون بسلامتكم
فالقصة ومافيها تخمين بسعر عشوائي وبس


up 2 down 0
elantra 6639 482
قبل 8 سنه و 6 شهر



الله يعين بس .....حماية المستهلك في شهر العسل.....


up 4 down 0
al-harbi- 988
قبل 8 سنه و 6 شهر



حبيبي انا اقلك نظام التشليح 

التشليح لاجيته عارف انك ماحصلت القطعة في الوكالة او غالية فيعطيك السعر دبل وبعض الاحيان تكون اغلى 
من الوكالة وهذا نظام التشاليح كلها


up 1 down 0
mr.abuud 1708
قبل 8 سنه و 6 شهر



كلها شلة ابو يمن الله لا يوفقهم بس ينصبو على الناس ويأكلو فلوس بالباطل


up 3 down 0
خطاي الشوق 2532
قبل 8 سنه و 6 شهر



الاجانب يستغلون المواطنين غالبا ولا يهون بعض السعوديين 


up 2 down 0
Ahmad356 516
قبل 8 سنه و 6 شهر



المكيان فيها حدث ولا حرررج ياعزيزي المكينه اذا ماتشتريها من سياراه راكبه فيها لا تاخذها نصيييحه والسبب انهم يفكون المكينه اللي بالسياراه المصدومه ويبيعونها وياخذون مكينتك القديمه ويوضبونها ويركبون قطع وسبايك تجاري ويلمعها ويبيعها برضو لكن شهر بالكثير وتخبطططط بذكر لك تجربه معي فكتوريا 2003 خبطت مكينته ورحت ادورمكينه لقيت ب 2500 وب 3000 قسسم بالله مكينتي انظف بميليون مره مصدييييه جايبينها من الامارات المهم دورت ولقيت برضو بفورد ماشي 400
هههه اكثر من ممشى سيارتي يعني رايحه فيها المهم حست حست الين مالقيت تشليح حق سيارات امريكيه بالدمام خذيت ودردشت وفصفصت الين ما عطاني الرجال المعلومات على بلااطه قالي تبي شي يمشي حالك/ شيل من اللي بالمخزن المطربله هذي نشتريها خرده من امريكا الى الامارات وتتلفق بالامارات وتجينا اذا بتبيع السياراه خذها اذا تبي شي نظظظظظيف خذ المكينه اللي بتكون راكبه على سياراه وفعلاً شفت المكينه على موتر مقصوص والله ورررده ودي اركب نص الموتر بدال موتري ههههه امهم فكها قدام عيني وشرطت عليه ما يغير ولا مسمار علبة باور كويلات دينمو كلووووو وفعلاً اخذت من عنده ولله الحمد ف انتبهو يالغالييين وبالتوفيق


up 3 down 0
شكلين مابحكي 3160
قبل 8 سنه و 6 شهر



ليش ماتاخذ جديد وترتاح نصيحه يستغلوك  
الحمدلله ولامراا رحت لتشليح


up 0 down 0
ياسر العتيبي .. 503
قبل 8 سنه و 6 شهر



افضل حل اذا انحديت على التشاليح .. " ورقة + قلم " اقرب وكالة لموترك وسجل قيمة القطع وقارنها بالتشاليح شفت الفرق في صالحك ويستاهل توكل على الله .. واهم شيء التاكد من نظافة القطعه


up 0 down 0
yousef456 161
قبل 8 سنه و شهر



حاير تقريبا ً 75 % منه سودانيين .. وباكستانيين وشوية ابو يمن ..
واغلبهم متفقين مع بعض خصوصا السوادنه .. ذاك اليوم ادور مكينة لموتري وجالس ابحث وادور على المكينة الزينة والنظيفة 
المهم اني شفت وحده نظيفة عند محل العامل فيه سوداني وقالي بـ 7000 ريال .. قلت خلني اشوف السوق .. المهم اني وانا ادور الا واسأل واحد من هالسوادنه قالي عندي هالمكينة بـ 10000 ريال 
قلت وينها خلني اشوفها قال عند صاحبي , قلت اي محل قال محل فلان الفلاني << اللي هو نفس المحل اللي قالي بـ 7000 ريال !!
يعني زيادة 3000 يبي يشيلها في جيبه هالسوداني .. 
لعب في لعب ولا فيه اي رقابة عليهم ابداً ونهائياً .. سوق مربح ولكن مستغلينه هالاجانب .


up 1 down 0
.. عبدالإله .. 419
قبل 7 سنه و 2 شهر