هل زيت موبيل 1 جيد

رأيي كامري حط لها زيت تويوتا و كثير عليها او اي زيت ما يتعدى سعره 25 ريال العلبة كحد أقصى

أما تأخذ زيت غالي على كامري بدون مجاملة لا تخسر نفسك

تبي تحافظ للدرجة هذي خذ لك جاغوار او سيارة تستاهل حتى لو موديل قديم و فخمه و حافظ مثل ما تبي

تحط فلوس بشيء يستاهل و شيء مناسب لها

اصلا موبيل ون مخصص لسيارات التوربو و الجهد العالي ماهي لكامري 4 سلندر و أمثالها

لا تخسر نفسك يا إبن الحلال

خلك من مجاملات الشعب و زيت كويس ما قلنا شيء لكن ما يسوى تحطه بكامري

اذا تقول يحافظ على المكينه حط زيت مخصص لها تويوتا او اي زيت ممتاز سعره ماهو غالي

بتطق 500 ألف السيارة وهي ما فتحت مكينتها

ولو بتحط موبيل ون تتوقع بتمشي 3 مليون

نفس الشيء

يابو عبدالله   اولا شكرًا على الإجابة الوافية
أنا كنت أحط زيت تويوتا 20w50 
بس السيارة فيها ثقل ماهو طبيعي والدعسة مكتومة
وصوت المكينة عالي وصرف البنزين حدث ولا حرج
وقريت عن هالزيت ومدحوه اللي هو موبيل 1
وأول مرة أغير عن زيت تويوتا 
قلت خلني ادلع الموتر لأنة داخل على 300 الف كم
ونأمل سماع آراء باقي الأعضاء وخبراتهم في عالم الزيوت

حبيبي خذها نصيحة اي زيت"تخليقي كامل"ممتاز لاتحتار ولا يدوخونك بآراءهم بس خذ 10w30 وكل 8000 غيره مع السيفون وخلاص وبعضها يوصل ل 15الف و20 الف بس انت ماتي شي غالي رح خذ لك كرتون من محلات الجملة وخله في الشنطة

الزيت مايحرق بسعر كثير عن باقي الزيوت التخليقية العلبة ٤٥ ريال
ولأبي اغيرة الا بعد ١٢ الف كم
يعني لو تحسبها قيمته مثل الزيت ابو ٥٠٠٠ كم 
لكن انا اللي استغربت ان مافيه غطاء داخلي زي باقي
العلب البلاستيك والبندري ماعرفه اول مره أغير عندة وتعرفون الغشش
كثير بالبيوت اخاف يكون معبأ ماهو اصلي
ياليت اللي قد غير موبيل يفيدنا هل يوجد غطا داخلي قصدية او لا

الزيت ما عليه  شعار ديكسوس شكلة مضرووب ماهو اصلي

اذا لزوجة 0w40 تراه يجي بدون قصدير وبدون شعار ديكسوس وانا دايكم اغير منه بس تاكد انه فرنسي 

والله سبقوني بالردود عن هذا الزيت .. فعلا هو مخصص للمكائن المعقده ميكانيكا او السيارات الالمانيه بشكل عام ماصنع للهونداي والتويوتا

ثاني حاجه هالزيت يجي صناعتين الاول فرنسي وهو الاصلي والمتعارف عليه بقطع غيار بي ام الناغي ومرسيدس الجفالي

النوع الثاني صناعه مصريه وماينفع بريال مع احترامي الشديد بالعكس زيت تويوتا ارحم منه اللهم فرق اللزوجه

ثالث حاجه تبي زيوت 5w30 ترى فيه بدائل بنفس الكفائه مثل بترومين A1 وفوكس تيتان سوبر سن (( والثاني افضل )) لكن هذي هي الزيوت المخصصه لموتري ولموترك

او اختار موتر كرافت 10w30مع انه نصف تخليقي لكن يؤدي الغرض وهو افضل زيت بهذي اللزوجه بشكل عاااام

وعلى فكره لا يهم تخليقي او نصف تخليقي (( صح الاول افضل )) لكن دامه تصنيف SN احدث تصنيف فما فيه خوف منه

الخوف لاجاك زيت معدني مكرر وتصنيف قديم اللي هو SL مثل كاسترول GTX 10w30 هذا اللي انحش عنه صدق