تجربة عزل تيريوس دايهاتسو من الحرارة والصوت

85 3

لايمكنك التصويت حتى الحصول على 20 نقطة على الأقل
إضغط هنا للإخفاء

lowtsho 265
قبل 7 سنه و 5 شهر

تجربة عزل الصوت والحراة لجراند تريوس
ملحوظة كل الخطوات عملتها بنفسي وأعتمدت على الله وبعدين على البحث على الأنترنت

السلام عليكم، وكل عام وأنتم بخير
من سنتين وأول لما أستلمت العربية جراند تريوس ٢٠١٥م لاحظت أن مستوى عزل الصوت مكانش كويس زي عربيتي الي قبلها،
وكمان بنتي كانت بتقول أن الأرض تحت رجله بتسخن قوي (المكان الي ورا السواق).

أولاً المواد المستخدمة ولينك للمكان الي أشتريتها منه من أمازون

لفة واحدة من عازل للحرارة متوسط الأداء
Thermo-Tec 14120 48" X 72" One Sided Thermo Guard Flame Retardant

https://www.amazon.com/gp/product/B001GFQ1XI/ref=oh_aui_detailpage_o07_s01?ie=UTF8&psc=1


٢ لفة من عازل للصوت والحرارة (ذاتي اللصق)
Thermo-Tec 14620 60" X 36" Heat and Sound Suppressor
https://www.amazon.com/gp/product/B004PILLZG/ref=oh_aui_detailpage_o07_s00?ie=UTF8&psc=1

لفة واحدة من عازل للحرارة عالي الأداء ذاتي اللصق
Thermo-Tec 13600 Gold 12" x 24" Anodized Heat Barrier
https://www.amazon.com/gp/product/B007CDKIWI/ref=oh_aui_detailpage_o06_s00?ie=UTF8&psc=1

بكرة لفرد العازل
Thermo-Tec MAT ROLLER

https://www.amazon.com/gp/product/B000TVN5B6/ref=oh_aui_detailpage_o05_s00?ie=UTF8&psc=1

بخاخ لزق (3m) علبة
3m adhesive spray
http://www.3m.com/3M/en_US/company-us/all-3m-products/~/3M-Super-77-Multipurpose-Spray-Adhesive?N=5002385+3293242460&rt=rud

لباد عادي من محلات التنجيد

التطبيق:
————————————

أبتديت أولا بفك كراسي العربية كلها
مربوطة بمسامير عادية، فكتها كلها ما عدا كرسي السائق كان فيه كابل واحد والخاص بالحزام

بعديها فكيت الغطيان البلاستيك الخاصة بالقوايم والديكور
ودي كلها عبارة عن كليبسات
بتتشال بسهولة بس بتحتاج تبقى حريص شوية علشان متتكسرش
(أنا كام واحد أتكسر ورحت التوكيل جبت كيس كلبسات وركبتها بدل الي أتكسر)

أخر خطوة في الفك كانت فك الموكيت
وده كان مجرد ٤ كليبسات ورفعت الموكيت بكل سهولة


بعد فك كل الحاجات تحتاج تنظف العربية من التراب كويس خصوصاً علشان اللزق يمسك كويس

وضعت العازل الذهبي القوي أولاً على نفق الجير
وبعدين العازل الفضي ذاتي اللزق عند الكراسي وناحية المتور
وبدوس على كل حاجة بالبكرة علشان أتأكد أن مفيش فقاعات هوا وأنه مسك كويس

سبت العربية حوالي ساعتين وبعدين رشيت من اللزق من البخاخ وأبتديت أحط اللباد عليه وأمشي بالبكرة علشان يمسك

طبعاً هتحتاج مقص أو مشرط (كتر) كويس علشان تقص الزيادات

بعدين سبته ينشف
وخلال الإنتظار كنت فكيت الأبواب كمان بنفس الطريق
كلبسات وتتفك

وأبتديت أرشها من جوة باللزق وأحط لباد وأقص

بعد كدة أبتديت أرجع الحاجة كلها لمكانها ودي كانت عملية مملة بس سهلة

حاولت أصور كل الحاجات وأنا بفكها علشان أرجعها مكانها

الشغل خد تقريباً ٨ ساعات متوزعة على يومين
النتيجة النهائية

مستوى عزل الصوت أتحسن بنسبة كبيرة جداً
والحرارة راحت خالص

أي سؤال أنا حاضر بس سامحوني لو أتأخرت في الرد

إبلاغ

الردود