رايكم في شراء سياره تاجير منتهي تمليك من الراجحي

الراحجي مغري لانه اقل نسبة تقريبا ولكن عيبه الكبير انه لايوجد لديه تنازل  وفي هذه الحالة  لا احد يضمن الظروف التي قد تأتي له وبذلك تكون السياره نقمة  عليه لذا اذا كان بإمكانك  ان تغيره انا اشوف افضل 

انا ماانصح اي احد ياخذ ايجار منتهي بالتمليك لانه نقمه والله .. لكن لو احتجت سيوله شاور اخوانك او اخوياك او اي احد قريب منك
يساعدك ولو احتاج ضمانات قدمها له عشان يضمن حقه وبكذا اخذت سيوله بدون فوايد مثل ماسويت انا

انا معي سيارة من الراجحي ورفض يرجعها . وحتى اتنازل عنها يقول هذا عقد مطور. واشتكيت على مؤسسة النقد. وقالو. قدامك حلين. اما تدفع قيمتها كاش. او يحرج عليها بمزاد علني. واتحمل الخسائر. حتى مؤسسة النقد واقفة بصف البنوك. فما انصحك الا اذا كنت مضطر. لها. وماعندك تشتري كاش.

حياك
ماني زايد علا كلام الشباب
اذا انت مضطر حيييل
شف لك سيارة من فئة الصني والااكسنت الخ
لاتتورط باالسيارات الغاليه
وباالتوفيق

ياخي اجمع فلوسك كم شهر واشتري سياره بحدود 25 او حتى ال 40 خذلك اكسنت او يارس موديل شبه جديد مستعمل . ما افهم ليش بعض الناس يحبون الديون والهموم دام الله معافيك وما عندك عيال وبيت واجار تروح تحط على ظهرك 120 الف ريال على سياره ب 70 ؟ اشتري راحت بالك وخلي حياتك تمشي سهالات ترى السياره توصلنا مشاوير بس ما هي للفشخره والمفاخر

لاتكلف نفسك ديون عشان سيارة جمع فلوسك
و خذ من المواتر الصغار جديد إلى أن تتحسن أمورك
الصني أصفار ٢٩ ألف و الأكسنت ٣٥ ألف مو لازم تشارجر كلها بتأدي الغرض بالنهاية

التشارجر حلو

وسيارة فخمه

ولكن قيمتها عاليه

وراح تنبسط فيها اول سنه سنتين وبعدين راح تملها
وتتذكر ان عليك فوق 140 الف اقساط ودفعه اخيره ويزيد همك

والمشكله الراجحي كما ذكر الاخوان ياتدفع كاش قيمتها ومافي تنازل


استخير الله قبل كل شئ

ولو تقدر تاخذ قرض وتشتريها اوفر والفائده اقل من التاجير المنتهي بالتمليك

التاجير منتهي بالتمليك للضروره فقط
افضل من سياره قرنبع تعطل كل يوم او حادث وتلاقي عليه مطالبات بالاف او تسجن
لاكن

المفروض الي ياخذ ايجار منتهي بالتمليك ياخذ سياره رخيصه وعمليه ( اكسنت - يارس - صني ....) ولا ياخذ سياره غاليه ابد الا كاش فقط
هذا والله اعلم

السلام عليكم
تابع اخر موضوعي بيفيدك بخصوص استرجاع السياره المستاجره بنظام التمليك

اليوم سمعت في الرادو عن عرض كيا الجبر يقولك اشتر سياره من عندنا واذا مليت منها رجعها

ي اخوان المقصد ماهو تفشخر ولا شي يعني انا السياره عاجبتني
ونفسي فيها ، والله م ارد نفسي عن حاجه بتاخذ من راتبي الف ولا الفينء
لكن انا للامانه السياره ماجربتها لفتره طويله وخايف من خراباتها فقط وهذا 
الشي اللي يخليني افكر ارجعها ، وحلو ان معك موتر يعزك لا تحتاج احد ولاشي
ان بغيت تدور الخط تدق سلفه وتحرك اما لو باخذ صني ولا اكسنت ماهي مجملتني بالخط
مع العلم ان معي النترا حالياً