هل ترك الوقود يفرغ للنهاية صح أم خطأ

كما بين الفديو العوامه تحت
وهي اللي تشفط البنزين يعني اذا كان ماء ينزل تحت وتشفطه السياره
وايضا رمل

انا عرفت الموضوع هذا من سنتين لما درست نظام الوقود على المحركات, هذا شيء يوضح الشائعات اللي نكررها و نتوارثها ومالها أساس من الصحة.

انا مالي علاقة بفيديوهات انا لي بكتاب المصنع اللي صنع السيارة ايش يقول وانا انفذ لا فلان يقوللي ولا علان يقوللي.

دليل سيارتي يقول لا تخللي البنزين يصل لحد النفاذ لأنه على المدى البعيد راح يخرب طرمبة البنزين.

كتاب المصنع هو الدي يقرر . لان الصانع افهم من اصحاب الرأي ،، وهو من يتحمل المسؤلية
في حال حصل مشكلة للسيارة

^^ صحيح المفروض مايوصل لحد النفاذ, لين البنزين مايوصل للبخاخات و تبدأ تنتع, المقصود ان السيارة ما تفرق معاها 5 ليتر او 70 لأنها في الأخير تأخذ من اسفل نقطة في دورة الوقود اللي اسمها strainer وهذه هي المنطقة اللي يأخذوا منها عينة للوقود في محركات الطائرات والابوات البحرية لكشف أي شوائب قبل وصولها للمكينة. اما لو شاهدت فيديو توضيحي لعمل الطرمبة راح تعرف ان مالها علاقة بكمية البنزين, وكل ماكان التانكي كبير الطرمبة لازم تكون اقوى. يعني العكس

خير الأمور اوسطها اذا وصل للربع عبي ب عشرة لين قبل الفل وخلاص

هههههه ريان يعني حتى فل ما نعبي

ذكرتني بالملاحيس اللي يقولون السيارة تنفجر

هالسالفه مثل سالفة تسخين المحرك او ما تحركه
او تشغيل المكيف و السيارة تمشي فوق سرعة ٦٠

ما في اجابة حاسمه الاراء بتختلف
و صعب نحكم من تجربة واحد او عشرة او حتى مية

انا ما ابي فل إلا إذا مسكت خط لأن مشاويري داخل البلد قليلة

يبو عبدالله الفكرة كذة لان الضغط عالي والحرارة 50^^هههه
الا اذا تمسك خط عادي فلل التانكي
والله اعلم

أبو نجوى

تبيني أنزل فيديو أمشي 160 و أشغل المكيف

عشان أسكتهم

كان معي صني 99 مشيت على البنزين الين طفت وانتعها الين
اقرب محطة وعبيت بعدها صار في تقطيع استمر فترة وراح
ممكن البخاخات عندي اصلا متسخة على العموم بجرب ذي المرة اخليها الين تطفي ههههههه
طبعا الي بجرب عليها كيا سيراتو 2016 واعلمكم وش صار معي

كنت من الناس اللي مايعبي السيارة حتى تولع اللمبة ومرة انقطعت السيارة في طريق الملك فهد وسويت زحمة وجاني المرور ودف سيارتي واعدم علي الصدام وبعدها لايمكن اخلي البنزين يقل عن الربع

هو خطاء التصفير اذا ماتغير الصفايه وماتغير فلتر البنزين وصح اذا تغير الصفايه مع الفلتر  اللي يهتم بها تعيش واللي بس يشغل ويمشي ماتعيش الكرف مع الاهتمام تعيش