أضف سؤال أو موضوع جديد          

لأهل الخبرة مبرد قير للكابرس

up 1 down 0
ولد الرياض 2010 753
قبل 8 سنه و 7 شهر



السلام عليكم ورحمة الله وبركاته,,,
يااخوان انا عندي كابرس 2009 ال تي زد 8سلندر وابي اركب مبرد قير لها وللمعلومية القير 4 تعشيقات وليس 6 مثل الاس اس والرويال,,,
وبالنسبة لحرارة القير اشوفها بين ال95 وتصل اذا دعست 105او107 احيانا....فما ادري هل هي طبيعية ام لا؟؟؟
وفيه ناس نصحوني اركب مبرد قير خارجي مثل الرويال والاس اس,, فاللي عنده خبره بالمبردات انواعها وين يركبونها؟؟والسعر التقريبي يفيدنا جزاكم الله الف خير...
وايضا اذا ركبت المبرد كم بتكون الحرارة الطبيعيةللقير؟؟وهل له اضرار على السيارة؟؟ وشكرا............







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخوي اذا السيارة شد بلدها مو ملعوب فيها فمعناتة طبيعي وماعليه خوف ولايلعبون فيها الورش ... مجرد نصيحة .


up 1 down 0
مستر بن . 10379
قبل 8 سنه و 7 شهر



اذا انت راعي دعس وخطوط وخايف على قيرك ركبه  اخبر فيه ناس يركبونه من تريس ستار وانت شوف لك مركز معروف  

  يساعد على حماية الكلتشات عشان ماتحتر  والله شفروليه هذي مادري متى تتوب وترفق على زباينها اجل حاطين قير اكس بي  على مكينه v8مكينه جباره

 



up 1 down 0
سكودر 14928
قبل 8 سنه و 7 شهر



المبردات تحصل عند تريستار في الرياض او جده سعرها مع التركيب على حسب الحجم فيه صغير وصط وكبير ركب الوصط والطريقه الصحيحه زيت القير يروح للمبرد الاساسي تبع السياره بعدها يطلع ويروح للمبرد الاضافي ويرجع للقير بالنسبه للاسعار بين 300 و500 مع التركيب 


up 1 down 0
princ 18875
قبل 8 سنه و 7 شهر



والله مبرد له حمايه للقير لانه لو تركب المبرد يوصل من 80 الى 90 حدها 



"المبرد القيير الخارجي"


المبرد القيير الخارجي يكون بعد مبرد الوكالة , يعني دورة الزيت تكون بالشكل التالي:
الزيت يطلع من القير ====> إلى مبرد الوكالة ====> ثم إلى المبرد الخارجي ====> ثم يرجع إلى القير مره اخرى.




* المميزات :
- تقليل حرارة القير بشكل كبير وعلى جميع السرعات وبجميع طرق الإستخدام (الرياضي والعادي).
- تقليل حرارة القير يؤدي إلى تقليل احتمال انفجار مبرد الوكالة وخلط الزيت بالماء.
- انخفاض الحرارة بسرعه بعد الدعس والإستخدام الرياضي (فقط تحتاج تمشي بالسيارة على سرعة 80 أو 90 لمدة 10 أو 15 دقيقة للتبريد).
- مع المشي بسرعات منخفضة داخل المدينة نستفيد من تبريد مبرد الوكالة...واثناء السرعات المتوسطه والعالية نستفيد من المبرد الخارجي + مبرد الوكالة.


* مثال للتوضيح :
- لو قلنا ان حرارة الزيت اللي طالع من القير حول 120 درجة...
- الزيت يمر في مبرد الوكالة وبتنخفض حرارته إلى حدود حرارة المكينة (90 إلى 100 درجة)...
- ثم ينتقل الزيت إلى المبرد الخارجي وتنزل حرارته بالتبريد بالهواء حول 10 إلى 15 درجة أقل...يعني الزيت بيرجع للقير وحرارته حوالي 70 إلى 80 درجة....
- في دورة التبريد اللي بعدها راح يكون الزيت طلع من القير بحرارة أقل (115 درجة مثلاً)...وبالتالي راح يتواصل انخفاض الحرارة مع الوقت.
- راح تلاحظو ان حرارة القير تكون حول 75 إلى 85 مع الإستخدام العادي.
- مع الدعس المتواصل (حوالي 7 أو 8 قومات متواصله) توصل حرارة القير إلى حول 95 إلى 100 درجة.
- دورة تبريد لمده 10 دقائق إلى ربع ساعه على سرعة 90 كيلومتر كافية لتبريد القير إلى درجة حرارة أقل من 80 درجة.




================================================== ==============


ملاحظة مهمة في التركيب:
- مبرد القير في كل الحالات لازم يكون أمام الرديتر وفي منطقة يتعرض فيها للهواء بشكل كبير.
- تأكد ان اللي يركب المبرد شد على جميع الليات (الأهواز) بشكل كافي عشان ماتفلت.
- تأكد انه ماأستخدم أي ليات من عنده لأنها ممكن تكون مستهلكه أو ناشفه.
- تأكد انه مايقطع أي لي من ليات الوكاله...العملية كلها تركيب بدون تقطيع شي من ليات الوكالة...وجميع التوصيلات موجوده مع المبرد وجاهزة.
- تحتاج إلى شدات اضافية عشان يركبها على الليات عشان ماتفلت من مكانها (زيادة في الحرص)
- تحتاج زيادة نصف علية زيت على القير عن المقاس المعتاد...المبرد الجديد يحتاج نصف علبة زيادة.






up 1 down 0
ss 2007 1799
قبل 8 سنه و 7 شهر



واهم شي اذا جيت تركب مبرد انتبه يفصلون مبرد وكاله  ويلغونه لك  خل القير لها مبردين  لن الزيت يحتاج هواء  


  انتبه انتبه  يلغون عليك مبرد وكااله  المبرد الخارجي يكون بعد مبرد الوكالة 


up 0 down 0
سكودر 14928
قبل 8 سنه و 7 شهر



والله قبل كذا استشرت مكانيكي بهالموضوع
وقال ما يصل انك تركب مبرد
مع اني اشوف اكثر الناس ينصحون فيه


up 0 down 0
w1w1 2206
قبل 8 سنه و 7 شهر



انا عندي كابرس ٢٠١٣ شلت مبرد القير حق الوكاله كان يوصل من ٩٠ الى ١٠٠ و زياده و حطيت مبرد قير تروكولر يوصل حرارة القير الحين من ٧٥ الى ٨٥ و مع التدعيس يوصل ٩٠ ٩٥ 
و ركبت مروحه للاحتياط اشغلها بزر 


up 0 down 0
مشاري قف
قبل 4 سنه



انا عندي كابرس رويال ٢٠٠٧ اقدر اركب مبرد مع وجود حق الوكاله يعني اضافي ؟


up 0 down 0
ابو ريتتال
قبل 3 سنه و 10 شهر



ياخوان كابرس 2011 يجي على شبك كيف اركب الاضافي


up 0 down 0
عمرضيف
قبل 3 سنه و 8 شهر