اخي المدخن اذا ركبت سيارة غير مدخن
19
6
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
اخي المدخن هذي نصيحة لك بحكم اني غير مدخن. ويركبون معي او ياخذون سيارتي ناس استحي منهم اخوان وعيال عم وقرايب وربما رجال اكبار بالعمر اعجز اقوله لاتدخن وخاصة اذا استاذن مني غصب علي اقول خذ راحتك لاكن ابقولك بكل صراحة ترا الغير مدخن اذا ولعت الزقارة معه بالسيارته ( يتنرفز ) حتى لو مابين لك
انت تشوفه شي عادي لأنك تدخن وتشربه ومتعود عليه بس الي مايدخن عنده شي ماهو عادي. لماذا ؟
لأن لو المسئله انك اذا نزلت راحت الريحه كان اقدر اتحمل لين تنزل بس المسئله ان الريحه تبقى بالموتر وتطبع وجميع المدخنين مايلاحضون الشي ذا بس الغير مدخن. يعاني من ريحة الدخان اسبوع قدام طيب الوالدين اذا شلتهم بعدك ! اهلي ! عرفت حجم المعاناه
والاشد من ذالك تطبع بفلتر المكيف كل ماشغلت المكيف عجت ريحة دخان
انا تعبان ومعطر السيارة وتعبان على ريحتها من داخل عشان تكون ريحة زينه وبكل برودة تجي وتشب زقارتك داخل السيارة وتعبي والعطر الي انا حاط كله ولاشي عندك
ولو ان المشوار بعيد سفر 500 كيلو وتاخذ ساعات بالسيارة اقدر اعذرك. بس مشوار داخل البلد مايتعدى نصف ساعه وتدخن !
سيارتك دخن فيها زي ماتبي بس سيارات الناس حتى لو قالك عادي احترام له لاتدخن لأنه يتضايق منك وخاصة اذا صارت عندة عائله انتبه ! تحرجه
انا اعرف ناس مدخنين بس مايدخنون بسياراتهم حتى بالسفر يصفط عند محطه ويدخن ويمشي كل هذا يحافظ على ريحة سيارته حاسب حساب اهله والناس الي يركبون معه رغم انها سيارته
عاد كيف انت اذا ركبت سيارة الغير ودخنت
اسئل الله يعصمني ويعصمكم عنه
ترها فرصه مادام رمضان ويبي يرتفع سعره اقطعه وارتاح
انا كنت مدخن . بقولك : وناسة التدخين وخرمته حاجه نفسيه فقط لأكثر . يوم كنت ادخن كان فيه واحد من شلتنا غير مدخن وكان معنا وين مانروح نكشت سفر تكيه روحات جيات وهو معنا مبسوط زي ماحنا مبسوطين بس فقط حنا مدخنين وهو غير مدخن لاحظت انه اسعد منا لأنه مافيه شي معلقه بباله ان ماتكتمل الوناسه الى فيه لذالك تلقاه يستانس اكثر منا
مثلاً مره قلنا نبي نخيم بالبر ومشينا المسافه بعيدة شوي وكان ربيع وأجواءحلوة والمقرر انا نبي ناخذ 3 ايام لاكن ماحسبنا حساب الدخان مايمدي ناخذ نص يوم إلى خلص الدخان الي معنا قلنا ماعليه نكمل تخيمتنا بدون دخان لأن الجوء مايفوت بس ماش عجزنا نصبر ماقدرنا ننبسط وخوينا الي مايدخن مبسوط ومستانس وقررنا نمشي ونرجع كله عشان دخان
قال خوينا الغير مدخن ( انا ماعلقت وناستي فيه صرت استانس بدونه زي مانتم شايفين ولاني ناقص عنكم بشي ولانتم زايدين عني بشي وانتم لو تجيكم الوناسه من اوسع ابوابها ماستنستم بدونه )
من هنا تعرف انه مجرد حاجه نفسيه
لاصداع ولاشي
إبلاغ
الردود
9
12
9
0
ولو الدعواء علي انا الحالي كان تحملته لاكن السياره لي ولهلي
غير كذا تعود على الريحهه ( ماتنطاق ) وتبقى اسبوع
1
0
والله عن نفسي ماراح اعذر احد
ومثل ماقال عبدالعزيز الكلمة اللي تستحي منها بدها يعني من الاخر لاتجامل وتستحي من احد
ولو خايف يزعلون ياخي اللي بيزعل علي وهو مخطي عمره مارضى
4
1
7
0
الي يركب معك قل له ممنوع التدخين وإذا ما يناسبه لا يركب معك
أنا غير مدخن ولا أسمح لأحد يدخن بسيارتي حتى لو يكون أعز أصدقائي
والي ما يقدر لا يستحق صحبتك أبداً
4
3
2
1
وكان غير سامح له بالتدخين واذا حاب يدخن يوقف ف الخط وينزل ويدخن ويخلص سيجارته ويركب ويمشي وهذا هم على طريق سفر
كان من الاولى انك ما تسمح له بالتدخين
2
1
1
0
لا ويطفي بعد بالمطفاه ، هي اصلا وكاله ماتطفى فيها سيجاره
1
1
2
2
يعني ولد عمك الكبير او احد خوالك او عمانك او او او تبي تستحي منه. غصب
ولاهو معقوله كل ماركب احد معي منعته من الناس الي تعزهم وانت ماتمون عليهم واحيان ياخذ اخد الموتر ويجيبه معطب ان تكلمت قد يفهم غلط
يفترض ان المدخن تكون عندة ثقافه خلاص سيارة غيري مادخن فيها بلاش يحرج نفسه ويحرج غيرة
كان قديم بزمن الطيبين كان فيه ناس وياكثرهم. يدخن والناس تدري عنه وهو يدري بس ماكد احد شاف الزقارة بفمه وهالحين يدخن وولده بحضنه عند الاشاره وعايلته مالين السياره !
1
1
المفروض الواحد يمنع الناس تدخن في سيارته مهو عشان ريحه وما ريحه،عشان إن هذا حرام وما يرضاه الله.
1
0
رغم الغسيل والتهوية اصبحت متشبعة ..المشكلة ليست هنا المشكلة كيف صدر هذا المدخن
1
1
3
0
بس طبعا اول شي اسويه انزل القزاز
واطفي المكيف لن المكيف بيلصق الريحه بالسياره والملابس
وخل السجاره بره وانفخ بره
0
1
صدقت,, الله يهديهم,, التدخين كذبه صدقها كثير,, ولا يطيح فيها إلا الي تعود أو عودوه أهله ما يرد نفسه عن شي, ويحس بالنقص أو كسرة الخاطر إذا رد نفسه عن حاجة, بينما غيره يحس بقوة الإراده إذا منع نفسه من شي بالغالب الناس تشوفه ماهو زين, فما بالك بحرمته أو انه يضر بالصحة.
0
0
أنا لو بركب مع أحد بسيارته بنطلع مشوار و هي سيارته
أقوله قبل ما أركب تدخين بالسيارة ممنوع أو أللحقك
بسيارتي لو المشوار مهم
و اذا بسيارتي نفس الشيء أشرط عليه من البدايه
اذا انك مستحي حط عبارة ممنوع التدخين
و اذكر فيها ان حتى بعد التدخين تبقى الريحه و تضايقك
ولا أنت مضطر تخلي سيارتك سبيل
قبل 7 سنه و 6 شهر