استشاره في شراء سياره

عليكم السلام ورحمة الله ان شاء الله الشباب يفيدونك اخوي والله يرزقنا ويرزقك

والله بصراحة فيها بركة شفت فلوسها فيها بركة أكثر من راتبي لأنها ماتجي الا من تعب مرات انزل من السيارة ما أقدر امشي زين من الساعات اللي جلستها بالسواقة ونصيحة سجل في اوبر وكريم مع بعض

وبخصوص السيارة كريم واوبر يطلبون انك تغير السيارة كل اربع سنين مبلغك مايكفي لسيارة ٢٠١٤ عندك حلين تشتري اي سيارة حتى لو صغيرة وتشتغل توصيل في كريم او ال٣٠ الف تحطها دفعة أولى في النترا ٢٠١٧ وتقسط الباقي على سنتين مثلا بس لازم تشوف حد يقدر يطلعها لك لأن ماراح تقدر تطلع سيارة بدون راتب انا أخوي مطلع لي الكامري ايجار منتهي بالتوهيق واسدد له اقساطها كل شهر أهم شئ انك تصمل وتشتغل ساعات واجد مو تطلع تدخل قيمة العشاء وترجع وأفضل وقت تطلع فيه الصباح والظهر هذي اوقات الذروة ويكون فيها تدبيل أسعار والله يوفقك ويرزقك من أوسع أبوابه

ملاحظة: خذ سيارة جديدة بآخر موديل أفضلك عشان تشتغل عليها ٤ سنين وانت مرتاح

انصحك تروح مكتبهم لان فيه قائمة بالسيارات المسموح استخدامها ولاتشتري سيارات الميني الصغيرة لانها غير مقبولة مثل الصني واليارس وربي يوفقك اهم شي ادع الله التوفيق

رينو ميجان 2017 افضل خيار وجديده سعرها جديده  52 الف واكبر من الكامري ، ضمان 5 سنين و 150 الف كيلو صناعه فرنسيه
وكيلها افضليه الخليج
شوفها على اليوتيوب واحكم

لا ياخي وش اللي رينو روقنا شف سيارات رينو اللي مر على عمرها اكثر من ٤ سنين يارجل شكلها تقول مر عليها ١٥ سنة وقطعها نار أجل رمان لرينو ميجان موديل ٢٠٠٦ ب٢٥٠٠ ريال سلامات

لقيت لك أعلان في حراج كورولا 2017 ماكينة 2.0 ب62000 نصيحة فكر فيها الكورولا مكيفها ثلاجة ماشاء الله وحمارة مكدة حط المبلغ اللي معاك دفعة أولى

https://haraj.com.sa/1122768895/%D9%83%D9%88%D8%B1%D9%84%D8%A7_2017_%D8%A8%D8%B1%D9%8A%D9%85%D9%8A_2_0_%D9%81%D9%82%D8%B7_62300/

نظام كريم شروطهم مبالغ فيها والعاطل المحتاج صعب يوفيها اذا مافيه احد يدعمه بسياره أو يطلع له سياره تاجير..
غير كذا مشاويرهم على 7 ريال و 10 و 15 يعني تتعب عشان تطلع دخل كويس..ويأخذون نسبة من تعبك فوق شروطهم. .

اذا ملزم ب شغله التاكسي دور لك اي سياره بالمبلغ ذا حتى لو 2010 واشتغل توصيل برا المدينه..

وصدقني اذا كنت رجال صامل تقدر تطلع مرات بمشوار واحد عن دخل أسبوع كامل في كريم ..
وانت حاكم نفسك وتعبك محصور عليك انت بس ماحد يشاركك فيه. ..وموفق خير

النترا 2015 مكينة2.0 ب29 الف رقم الاعلان 22558078

والله اللي تسب في الرينو . تتكلم من راسك . الرينو الحين تغير عن اول ومعلوماتك قديمه . يا راعي الموضوع انصحك بالرينو ميجان اذا نيتك تشترك باوبر وكريم ، السياره واسعه وضمانها ممتاز

جرب في البداية تاخذ تكسي يمكن تزين امورك فيه اكثر من كريم ووبر اذا ما شفت منه شي نزله سياره خاصه وشتغل
في كريم
وعلى فكره التكسي في وزارة النقل ما يقبل الا من 2012 وفوق وبعد سنه من 2013 وفوق وكذا

لازم سيارة من فئة الالنترا والكورلا فما فوق .. والموديل 2014 فما فوق دور لك النترا او كورلا مستخدمة موديل 2016 ع الاقل تضمن نفسك في كريم 3 سنوات

الي يقول شروطهم صعبة، ترى مايبون منك الا جوال اندرويد وانترنت فقط وبديهياً لازم تكون السيارة باسمك او مفوض لها ومأمنة ورخصة سارية هذي اشياء ملزوم انك تسويها سواء تبي تشتغل بكريم او لأ

الحين عرفت ان اللي يدخلون المنتدى نصهم شريطيه حقين تايوتا
والنص الثاني بزران حقين الكوري ابو كلب