تجربتي تركيب مراوح ايظافيه

15 4

لايمكنك التصويت حتى الحصول على 20 نقطة على الأقل
إضغط هنا للإخفاء

نمر 2 81
قبل 6 سنه و 10 شهر

السلام عليكم ورحمه الله وبركاته

تقبل الله صيامكم وقيامك وطاعتكم

كان عندي مشكله في تبريد المكيف دفع الهوا ضعيف جدآ ومايبرد كويس في الزحمات
والموتر يسخن شوي في الطعوس بعد

والحمدلله رحت لصناعيه القديمه عند واحد مختص في المكيفات
وفك الثلاجه ونظفه وعبا الفريون .
اخذ من وقتي اقل من ساعه. تقريبآ وبعده
جربت المكيف مشاءالله تبريد ممتاز ودفع الهو قوي جدا واخذ علي 200 ريال .

وفكرت اركب مراوح ايظافيه ف سألت راعي المكيفات ودلني على ورشه مختصه في ترهيم المراوح ومشاكل الحراره المهم رحت يمه

وقالي بركبلك مروحه حقته الددسن شد بلد تكون خلف الشبك الأمامي قيمتها مع التركيب 450ريال الشاهد شغلها لي وشفت قوته حسيت انها ضعيف ماهي قوي ماتخدم صح 
طبعن جربها لي قبل لايركبه على السياره
وعيت يعني رفضت قلت لا ابي حقت مرسيدس قالي مانصحك فيه ؟؟ ليش قال
حقت المرسيدس ماتنفع صوته قوي وتسحب كهرب زياده والكهرب عندك مايتحمل
قلتله ماعليك انت بتركبه ولالا اهاااء !! سكت شوي وقال جبلي المروحه والحمدلله رحت قطع غيار مرسيدس وحصلته عنده 3 انواع 

اصلي وكاله ب 370 ريال
والماني ب 170 ريال
وتجاري ب 80 ريال
حبه وحده فقط
اخذت الماني افضل وسعره معقول 170

الشاهد ياخوني صاحب المحل كان حريص اخذ من عنده المراوح علشان يمشي البضاعه الي عنده . 

واخذ على شغل يده مع تركيب فاصل داخلي وفيوز وكتاوت 150 ريال الكتاوت انا الي جايبه الماني قوته 24 
بس مشاءالله بعدالتجربه في الزحمات والظهر تبريد المكيف ممتاز افضل من اول 100%

وحبيت انقلكم الموضوع للفائده

للعلم صارلي اكثر من شهر وانا ابحث عن المراوح وش افضل شي وحصلت افضل شي حقت
السوبرو
والمرسيدس
والفرد
وفيه صيني يركب على كل السيارات بس مايسوا ريال تتكسر الريش وتسخن ...

وهذا ماعندي  
(ان اصبت فمن الله وان اخطئت فمن نفسي والشيطان )


تم اضافه صور واعتذر على الصور غير واضح

إبلاغ

الردود