مقبل على شراء اكورد؟

تبي شور واحدن مايغشك

انا معي ازيرا وحاليا افكر بالماكسيما لاني اشوفها الافضل بفئتها بجميع النواحي

مكينه 6 سلندر 3.5 وتطلع 300 حصان وقير cvt موفر للبنزين لدرجه ان الفل يوصلك الى 1015 كيلو (( ممشى حقيقي مب مثل باقي المواتر يطلعلك 800 ويمشيك 500 )) واعتقد بما انك مقتنع بالاكورد اذا ماعندك مشكله بقير السي في تي .. واصلا طوروه وعدلو عيبوبه بنهايه عام 2014 واللي جاء ب 2016 يعتبر جيل جديد

حتى الاستاندر منها تجيك بصمه وتشغيل عن بعد وتكييف النيسان مافيه مثله لا بالكوري ولا بالتويوتا .. وحاليا مع دخول بترومين كوكيل ثاني تحسنت الاوضاع كثيررر وبصراحه انصحك تاخذ منه وتسحب على العيسى والامر الاول والاخير يتعلق بقربك او بعدك منهم .. والموتر جديد ان شاء الله ماتحتاجهم

طبعا الاستاندر فئه S تبدأ من 88 الف والنص فل فئه SV ب 105 والفل الكامل ب 125 وتسمى SR تعليق رياضي فيها قساوة نوعا ما ومختلفه عن تعليق نص الفل والاستاندر (( حل القساوة تغيير كفر برجستون وتبديله بكفر ناعم ويستحسن زياده الارتفاع مثل مانا مسوي بالازيرا جنوط 19 .. اذا مانفع تغير المساعدات وغالبا ماتحتاج هالخيار ))

طبعا الفل فيها ميزة تبكي واتمنى من كل قلبي تتوفر بالازيرا 2018 وهي نظام نويز كانسوليشن وفكرته تقليل الضوضاء والازعاج كل ماسرعت بالموتر .. مب مثل البقيه كل مااسرعت كل مازاد الازعاج .. واذا فلوسك ماتكفي عندك الاوبتيما استاندر ونص فل 4 سلندر .. والفل الاوبشن 6 سلندر تحصلها ب 80 الف مكينه ماكسيما

قبل ماتسمع كلام الناس انصحك تجرب بنفسك وتقتنع .. انا كنت اعتبرها فاشله لكن بعد مااخذت تجربه قياده عند بترومين اعدت النظر بموتري اللي هو يعتبر من افضل مواتر الدفع الامامي 6 سلندر راحه وفخامه ورساوة فما بالك بمواتر 4 سلندر

اذا ناوي على الاكورد بقير CVT
عندك التيما باقل من ٧٠
او الماكس ب٩٠ - ٩٥ استاندر
او جيب اكستريل

اذا ما حولك الا تويوتا مالك الا الكامري

لاتتكلم بالتويوتا لو سمحت اعفن سيارة عندهم قيرها تعشيقات لو الCVT كويس كنا شفناه في الألماني والأيطالي وحطوه عشان اذا خرب مايتوضب ويالله رح اشتري جديد

إذا الأكسنت نفسها قيرها CVT الستاندرد والفل كامل تعشيقات

الكورولا من موديل ١٦ و اليارس ١٧ قير CVT
الغوا قير الاربع تعشيقات القديم

المازدا حلوه بس قطعها نااار هي والاكورد الشمعه حقت المازدا 4000 ريال والاكورد اكثر الظاهر