أضف سؤال أو موضوع جديد          

عملية نصب جديدة

up 1 down 2
ma77am 500
قبل 5 سنه و 11 شهر



السلام عليكم شباب اريد استشارتكم في عملية نصب
بسم الله نبدا
اول الموضوع صار مع واحد من اخوياي اسمه خالد
الى صار اتصال عليه صاحبه بخصوص انه شاري سيارة من معرض و عليه مخالفات مايقدر ينقلها ويبي ينقلها باسمه
الرجال وثق برجال وقاله ماعندك مشكله
وراح المعرض ونقلو السياره باسمه وكتبو ورقة مبياعه ونقلوه باسم الرجال و سلمو السيارة له بورقه من المعرض
الرجال طلع السياره من المعرض وودها لخويه وباعه لشخص ثاني

بعدها اكتشف الحقيقة
ان المعرض لم يستلم من صديق خالد مبلغ السيارة و لا شيك حتى وتم المبياعه على صورة شيك بالجوال

الان المعرض يكلم خالد يقول صديقه وينه
ايش رايكم بوضع خالد القانوني هل عليه مشكله اولا او
ولكم جزيل الشكرا







إبلاغ إبلاغ



الردود


المعرض غلطان كيف يسوي مبايعه و يسلمه السيارة

بصورة شيك حتى لو شيك استلمه لابد يكون مصدق

لضمان وجود رصيد


up 1 down 2
ابو عبدالله 1398 -487
قبل 5 سنه و 11 شهر



وعليكم السلام ورحمة الله وبركاته
الله يعين خويك ويسهل امره لكن ذا الزمان لا تثق الا في اخوانك فقط مسألة خوي صديق صاحب ما يمشي ومحد يفيدك ويوقف معاك
قريب لي فزع لخويه في مضاربة ووقت المضاربة الرجال اللي ضربوه توفى وشوفه هالحين في السجن له سنتين الله يفك اسره ويخرج بالسلامة
.
.
.
الله لا يبلانا الحمدلله على كل حال والله يستر على جميع المسلمين


up 5 down 1
ryyan555 702
قبل 5 سنه و 11 شهر



واضح ان المعرض متفق مع صديق خالد على خالد

ولا فيه معرض تطلع السيارة من عنده بدون ما يضمن حقة الشغله ملعوبه


up 2 down 0
fanar1 665
قبل 5 سنه و 11 شهر



مستحيل المعرض يطلع السياره بدون المبلغ او شيك مصدق يستلمه مهو صوره
اتوقع المعرض له يد في الموضوع


up 0 down 0
عادل الانصار 107
قبل 5 سنه و 11 شهر



الموضوع مشترك بين خالد والمعرض

وصاحبك للأسف طاح مع ناس ما تخاف الله


up 0 down 0
أبو عبادة 4853
قبل 5 سنه و 11 شهر



حتى لو صديق والا ان شاء الله اخوي يقول اكتب السيارة باسمي 
والا مثل هالمواضيع اللي فيها مسائلة أ و ملاحقة قانونية واحتمال سجن 
اقول له بالفم المليان ( توكل على الله ) خلص موضوعك بنفسك والا عمره ما خلص 
انت بتتورط مع الناس والحكومة وهو طالع منها .. سلامات ( القانون لا يحمي المغفلين ) .


up 0 down 0
nasser1430 872
قبل 5 سنه و 11 شهر