كشافات الضباب الخلفية والاستعمال الخطاء

اغلبهم الورعان هم اللي يركبونها ما تجي بالسيارة اساسا الا بعض السيارات

و بعض المناطق عندنا الجنوب و الطايف بكثير من الاحيان تحتاج أنوار الضباب

ولكن باقي المناطق ما تحتاجها و هذي غلطة المرور المفروض أي شخص يشغلها

بدون وجود ضباب يوقفه و يطقه مخالفة ولكن مرورنا نايم

ما همه الا يطقك مخالفة رخصه و حزام رغم أنها ما تأثر الا عليك ما تأثر على الناس لو صدمت

ما أحد بيتأثر ربطت حزام أو لا غيرك

ولكن أنوار الضباب تضر كثير ناس و تشوش الطريق عليهم و لو ربط فرامل لأنها قوية

تغطي على نور الفرامل و تحصل حوادث بسبتها المفروض يدققون عليها أكثر من رخصة و حزام و تفاهات

بردت قلبي بالموضوع ... اشوف رنجات والا سيارات فخمه اللي اسعارها فووق والله خساره فيهم شغل وامشي ويعمي خلق الله بكشاف الضباب الخلف هو غبي او يستغبي او مظهر ومايقهرني الا السوناتا نفس اللي بالصوره قبل يومين نفسه عماني يمين كان نفسي اسوي نفس الدوريات الامريكيه ادف صدامه الخلفي واخليه يلعب |.. على باله راكب فورملا ون مركبه بالنص

انا عارف يفكو اللمبات لل AUTO ياخي بس غباء وقله جهل

مثل ماقال ابو عبدالله
الحل بالنسبه لي اطق العالي وانا وراه
هو يعميني بصطب واحد
وانا ارد له الصاع صاعين بشمعتين

بالنسبة لي اي واحد يشغل لمبة الضباب الخلفية بس بعلق على العالي
ولابد العالي زينون علشان يزين امورك
وما اشغلها الا اذا واحد يكبس مليون مرة كأن الطريق باسمه
هنا بركب زينون على لمبة الضباب الخلفي ههههههههه

يا علي يكبس لك مليون مره يا تفتح له الخط او تجاهله لو فيه سيارات قدامك او جنبك و كان صعب تفتح له الخط

تجاهله ولا كأنك تشوفه ولا تشغل لمبات الضباب تعمي غيره و يصير عناد بينكم

و تتوقع يكبس لك بالعالي و تشغل أنوار الضباب خلاص يهجد اصلا يكون لازق فيك

و نور الضباب يكون تحت غالبا بالصدام يعني ما يشوفه يالله يشوف شنطه سيارتك وهو لازق فيك

يعني ما فيه فايده و حتى لو نور الضباب عالي و تعميه

لا تتوقع واحد مثل هذا يضايق خلق الله و تولع له أنوار الضباب خلاص بيسكت

الا يعاند اكثر و يحدك و تحده و تجيبون مصيبه بالخط

فيه بعض الناس نفسيات انا اليوم كنت في شارع مظلم وحاط العالي بسيارتي ودخلت شارع منور ونسيت العالي والله مادريت عنه الا واحد قدامي معه كامري ودق فلشر وانتبهت وطفيت العالي المهم هدى وجاء وراي وحط العالي وجلس يمكن 2 كيلو طبعا انا مادقيت له فلشر ولا شي ارتفع ضغطه وقام يكبس وجينا مطب ووقف جنبي وجلس يصيح قلت له ياخي اسف مانتبهت لك والمشكله انه نحيف معصقل مافيه من العافيه شي واقوله يامسلم انا اقولك اسف ورح فكنا من المشاكل يوم شافني يحسبني رخمه او شي من هذا القبيل وانا ارتفع ضغطي وانزل عليه وابي افتح بابه قفله وزبن طيب يوم انك تهايط ليه منت قدها والمشكله تاسفت له ومن ناحية لمبات الضباب حطوها حتى في الهايلكسات والله ازعجونا فيها وشكلي بركب زينون في الريوس واجي قدامه واشغله ههههههههههههههههههہّ'هُ  

السيارات موديلات 2017 فما فوق اجباري تكون فيها لمبة ضباب خلفيه هذا نظام هيئة المواصفات والمقاييس
لكن البعض يشغلها مع تشغيل النور وهذا غلط المفترض ماتستخدم الا اوقات الضروره لو فيه غبار او ضباب او امطار
لانها صراحه تعمي اللي وراك كأنك مشغل النور العالي في وجهه

انا بديت افكر زنون بالعالي , عشان اضيعهم

للاسف مواصفات مالها داعي

صحيح الاغلب يستخدمها استخدام خاطئ
لكن مر علي اكثر من واحد ولا هو عارف ايش هي
يشغل كل الللمبات على اساس هي المفروض وخاصة الشيبان
تكلم عن تجربة شفتها اكثر من مرة

علي مسائك جميل سالفة واحد يكبس لك بالنور مليون مره وماتفك له الخط ترا انا مرتين صارت معاي ظرووف جدا صعبه واحتاج اني
اسرع واكبس بالنور للي قدامي وظروف مي مستعجل عشان شي تافه لا والله ابلحق المستشفى مانت عارف الي وراك يكبس ومستعجل
ممكن يكون معاه احد مكسور بالسياره معاه واحد متشنج معاه مصيبه بتقولي اكثرهم شباب وطيش شباب وسرعة انت دايم حط ببالك اسوء
الاحتمالات حط ببالك معاه مصيبه معاه شي واذا انها طيش شباب والله مايعقل اذا مافكيت له خط بالعكس راح يسبب لك اذيه ومشاكل
والله الواحد بالزمن ذا مو ناقص مشاكل ولا احد بيقدر يعقل فلان بالخط يعني بفعلتك هذي بيعقل والله مايعقل وسلامتكم

طيب ايش الحل افا كان قدامك مرور ولا شرطه ولا دفاع مدني ومولع البراقات والخط زحمه ولا واقف وش تسوي فيه كيف التصرف معاه ..؟؟؟

هي صارت اجباري بجميع السيارات اللي تدخل المملكه عن طريق الوكلاء موديل ٢٠١٧ وفوق