يبغى ينصب علي لكن ما عطيته فرصه

8 98

لايمكنك التصويت حتى الحصول على 20 نقطة على الأقل
إضغط هنا للإخفاء

b or not be 1422
قبل 7 سنه و 5 شهر

السلام عليكم ورحمة الله وبركاته:

كنت ابغى اروح من ديرتي
في الجنوب الى الدمام
وشيكت على السيارة من برا بالنظر
بعدين فتحت الكبوت وفحصت الزيوت والمويه
وما جاء في بالي اشغل المكيف ولا انه بيصير فيه
شيء وقت السفر

ومشيت الساعه 9 الليل والجو وش زينه
وقفت في محطة بعد 30 كم عشان أعبي بنزين
وبعد ما خلصت قلت پأشغل المكيف عشان الهواء
اللي برا ما يزعجني لاني كنت فاتح اادريشه
لكن انخرشت لانه ما اشتغل واطفيه
قلت يمكن ماله نفس يشتغل الحين ههههههههههههه
واكمل الين الافلاج على الساعة 4:30
وجاء وقت المكيف واشغله الا ما فيه امل يشتغل
نزلت اشوف يمكن تطلع المشكلة بسيطة وافحص
الفيوز والكتاوت وتطلع سليمة،،
لكن ما يشتغل الكمبريسور.
و اخذ لي غفوة ساعتين واقوم من الحر
والنامس هههههههههههههههههههههه

واكمل الين وصلت الدمام الساعة 1 الظهر في الحر
والرطوبة واللواهيب
وامر على محل كهربائي نكييف يماني في صناعية
الخضرية ما كنت ابغاه لاني جاي لمحل باكستاني
صلحت عنده مبطي الرديتر ولا لف ولا دار

المهم فحص الفريون وطلع كامل.
قلت له : اكيد ان المشكلة حساس ،، لا تطلع لي مشكلة
كبيرة.
وقام يقربع جنب القربة بعدين شبك حساس الهواء
قال لي روح شغل المكيف
واشتغل المكيف،، قلت ايش سويت ،،
اي حساس كان مفصول؟؟؟؟
قال حساس الهواء كان مفصول ،،، قلت وش علاقته
قال ابو يمن هذا كمبيوتر لازم كل شيء موصل تمام
قلت اقولك لا تسوقها علي وين الحساس اللي شبكته؟
حساس الهواء انا اللي فاصله من زمان ولا بيأثر
لان ماله علاقه

في النهايه علمني وعطيته 10ريال وهو كان طالب
.20ريال على شبك حساس ويقول اااه يدي شوف
احترقت من المواصير عطني ال 10 ريال الثانية ههههههههههه

قلت له : لو لبست قفاز ما جاك شيء مثل الدول الثانية
وثاني شيء لو انه غيرك كان ما اخذ شيء
خلها مره ثانية اذا جيتك،،، واروح وانا اقول في
نفسي :تبطي اجيك مره ثانيه ي النصاب

فانتبهوا لا تتعاطفون مع احد
وخاصة اللي يقولك الجهاز الفلاني مكلفني المبلغ
الفلاني عشان كذا شغل اليد شوي غالي،،،

طيب اذا ما أنت كفو للشغل لا تشتغل
تبغاني اسدد لك الكهرب و قيمة الجهاز،،
والا تبغى تصير عندك ملايين في شهر وإلا سنة!!!!!

إبلاغ

الردود