جهاز توفير الوقود

اكثر اللي في السوق و النت و سوق كوم 
(( مغشوشة )) ما تفيد نهائي و يمكن تضر
انا تعبت في البحث عن الاصلي 
كل واحد يقول عندي انا
 

سواء اصلي ولا تجاري ولا من اليابان الفكرة كلها كذب ونصب على العالم (لاتفيد ولا تضر) مجرد ديكور فقط

ابي اعرف مين الي يصدق ان هالقطع تزيد العزم 35% ههههههههههههه ياشيخ لو انك مركب فل هوائيات ماوصلت للرقم ذا

شوف هذا الرابط تجربة شخص امريكي/ https://www.youtube.com/watch?v=ytwlDVaFbec

لو يزود عزم بيرتفع استهلاك البنزين, و لو بيقلل الاستهلاك بيقل العزم. اما هذا الجهاز عزم وتوفير!!!! يعني اثنين عكس بعض, والشركات ماتدري عنه وهم الان في منافسة شرسة بين بعض.. مخترع هذا الجهاز المفروض يأخذ براءة اختراع

معي هايلكس16
فيها زر توفير اذا ضغطته العزم يثقل
واشوف البنزين ماتغير شي
اذا فكيته العزم يخف
وفيه بور يعطي عزم زياده جدا
وكلها خرابيط مخربطه

الجهاز هذا مامنه اي فايدة
يقولون فيه برمجة لصرفية البنزين , بس مشكلتها العزم يثقل
لان البرمجة تخلي السيارة م ماتدعس بقوة عشان تقتصد الوقود

شكرا شكرا للجميع .
الخلاصة :
الجهاز غير فعال ومجرد كلام في كلام والغرض المتاجرة بالضحك على الناس .

المصنع بنفسه ماقدر يسوي توفير وقود لسياره
لانه من صالحه لو قدر كان سوا توفير من بدايتها يكسب سمعتها

يجي مصنع يسوي قطعه خدعه ويقول موفره مدري كيف

صحيح 
لو بيد المصنع جعل السلعة ماتصرف قطرة واحدة .

هذا الجهاز خدعة نفس خدعة جهاز توفير الكهرباء

الجهاز كذب لا يوفر ولا شي للزينه فقط

خذها قاعدة اي جهاز ليس له شهادة براءة اختراع او شهادة اعتماد جودة ومصداقية 
فشطب عليه وانطله بالزباله ( اكرمكم الله ) .. الدعوة نصب في نصب .
لو انه صحيح كان المصانع من صالحهم انهم يأيدون استخدامه . 
وتوقع بعد يعدم كمبيوتر السيارة لا سمح الله 

لان الجهاز يشبك بالمدخل OBD حق الكمبيوتر 

عندي لك حل يوفر الوقود عندك ويزيد العزم ولصالح سيارتك بعد
غير فلتر الهواء والبواجي والبوابه لو معدومه نظفها 
وعبي البنزين المرشح من الوكالة 
وخفف دعستك بالسياره بالذات بالقومات لاتدعس بزيادة
وصدقني بتنزل صرفية السياره ل 35بالميه ان ماكان40بالميه

بيض الله وجوهكم يوم العرض.
وجزاكم الله خيرا. 

بصراحه كذا واحد جرب الجهاز و عادة يفرق
للي سواقته هادئه
اما كم يمشي يعطيك زياده 80 كيلو تقريبا
مثلا سيارتك الفل يمشي 400 كم على استخدام خفيف
بالقطعه يوصل 480 كم

وانا مجرب القطعه على فورد
و ايضا في شخص اخر مجربها على لكزس es

بس لازم من البرمجه الصحيحه
و القطعه تستخدم بالخارج ايضا.

احسن طريق لتوفر الوقود ::؛؛
1 قلل من مشاويرك الغير مهمه
2 لا تدوس للسياره وتجور عليها
3 تأكد من الفلاتر جميعها.....والبواجي وغيرها
4 تأكد من فلتر المكيف ...وضع التكييف على البروده المتوسطه
5 ضغط الكغرات لا يقل عن 25

الميزة هاذي اصلاً تجي بالموديلات الحديثة وتسمى نظام استهلاك الوقود الاقتصادي وموجوده عندي بسيارتي لمبه خضراء بوسط الطبلون رمزها ECO لما ادوس بقوه تطفي ، فا اعتقد ان هذه القطعه مهمتها ان يستمر هذا النظام حتى لو تدوس ماعاد يصير فيه عزم ومعنى هذا انها لاتنفع الا للسيارات التي هي اصلاً بها نظام استهلاك اقتصادي .