في خاطري كم جمله

و عليكم السلام و رحمه الله و بركاته

سبب ترك المنتدى و قله الأعضاء فيه لأن أغلبهم ورعان

اللايك و الديسلايك شغله مزاجيه

تجي تسب تويوتا او تسب ساهر تجيك لايكات

تنقل لهم نظام أو قانون الدوله حاطته ما يعجبهم يجيك ديسلايك

طيب وش دخلني بالنظام روحوا للدوله أعترض عندها ماهو عندي

و فيه أعضاء لو دعس مسمار و صلح الكفر نزل موضوع

و يجبه تعزيز كأنه مخترع الذره

من وجة نظري السبب صغار السن الموجودين خربو المنتدى وسلامتكم 

اللهم انك عفو كريم تحب العفو فَاعْفُوا عنا.

من وجهة نظري اللي خرب المنتدى وخروج بعض الاعضاء
المتميزين هو الدسلايك

‏هناك فرق بين النقد والحقد وبين النصيحه والفضيحه

وبين التوجيه والوصايه

حياة الناس لم تدون بأسمك لتخبرهم كيف يعيشون..

هذا حال كثير من الأعضاء يجي يسوي ينصحك

بطريقه غلط و يلومك على كلامك بطريقة اوسخ و أقذر

من كلامك كيف ما تدري

والله اتفق معك انا اللايكات عندي بالسالب المشكلة مدري ليه اساسا نادر ما اشارك بالمنتدى
وقبل شهر تقريبا ً كنت ابي انزل موضوع اسال فيه عن الاوبتيما لاني كنت على وشك شرائها
وتفاجأة اني ما اقدر انزل موضوع لين ما يصير + 5 رحت بحثت عن السيارة بشكل عام واستخرت
وشريتها ... مع احترامي لادارة موقع حراج لازم يعيدون نظر في موضوع التقييم هذا

بعض الوراعين هنا عنده جيش معرفات يستخدمهم حق اللايك لنفسه وتلاقي نقاطه كل يوم زي البورصة يا نازله الأرض يا تقب فوق
لكن لو الإدارة تلغي التقييم السالب يعني يصير اقل نقاط صفر ويلغون -1 ، -2 .... ويسمحون تنزل مواضيع و تقيم حتى لو نقاطك 1 كان حنا بخير

من وجهة نظري ان المسألة نفسية !!

وش الفائدة لو عندك 10 آلاف نقطة .. او عندك خمسين نقطة ..


الشخص هو هو ماراح يتغير ... أشغل تفكيرك بشي أفضل 

الأخ شرقاوي شي بديهي مافي فرق بين 10 الاف نقطة و 20 نقطة
لكن الكلام عن اللي عنده -100 و -200 بالسالب عندك له حل؟

مثل ماتفضلت
اخونا معاويه الدس اصبح شغلة مزاجيه
او تقييم شخصي يعني ماشوف الموضوع او الرد اشوف العضووو نفسه
اهااااا هو دا . ثم اديه دس لايك دبل×3
انا اذا احد استفسر اروح له بالخاص ارسل له اللي عندي
اما ارد عليه بالمنتدى واندبس دسك .

دخلت المنتدى تقريبا" قبل ٤ سنوات
بعد عيد الفطر ١٤٣٤

بدايتها على ردود خفيفة و اشوف النقاط ترتفع و تنزل
حماس و كلما زادت ابنزل موضوع لكن اشوف الموضوع في اشكالية
فمن جهة اللايك يرفعك ٣ نقاط لكن ديسلايك ينزلك ٣ نقاط
يعني الردود ارحم و كذا مرت السنوات و كل هالنقاط اللي عندي فوق ٢٠٠٠
من ردود فقط ما نزلت و لا موضوع
قبل سنتين سويت عضوية للاعلانات و صرت ادخل و انزل مواضيع
شوي شوي وصلت فوق ال٨٠٠ نقطة الوضع طيب

المهم بنظري و من خبرتي البسيطة

رد بعقلانيه بدون تسرع او تهور او استعجال و بدون تهجم

صحح المعلومات الخاطئة بأسلوب محترم

لا تنزل موضوع الا اذا تعديت ٥٠ او اكثر من الردود

في ناس يختلف معك يرجع مواضيعك يقيمك ديسلايك و تنزل النقاط

اذا توهقت بموضوع او اخطيت عدل فيه او اعتذر لا تحذفه تروح عضويتك تنزل نقاطك

لا تطلب اللايك طلب رد بشي مفيد و الا ما تحصل على لايكات

اخر شي لاحظته كلما ارتفعت نقاطك يجيك ديسلايك هههههه مدري وش السالفه
ما ارتاح بعضوية أبو نجوى اسبوع بالشهر ادخل و بدل ما تزيد النقاط تقل ليتها تثبت
ما يدرون انها من تعب ردود سنوات تعب اصبعي الابهام ههههه

مدري كيف كان المنتدى قيل ما اشارك فيه و في اعضاء ما شاء متعدين ١٠ الاف نقطة الله يزيدهم
و الشغلة معنوية المهم ما تنزل نقاطك تحت ال١٠٠ بر الامان

في اعضاء ادعمهم مهما ردوا او نزلوا مواضيع ههههه
الرفاعي و المطلق و توماهوك اللي اختفى و غيره
ابو عبدالله و معالم التقنية و دحوم معنا علطول و غيرهم اللي يشارك و تنقطع مشاركاته

جتني فترة من المشاكل ما ارتاح الا اذا دخلت المنتدى سبب لي ادمان
و للحين هو هوايتي مع ان كلن يضحك علي يقول راح زمن المنتديات
بس فيه فايده و استخدامه بسيط من الجوال
افضل عندي من حسابات تويتر و غيرها من برامج التواصل

و المعذرة اطلت عليكم بس هذي ذكريات و رأيي بالمنتدى و نظامه
ودي ما يقفل و ان شاء الله يستمر
او نقط و نشتريه من صاحب موقع حراج اذا بيوقفه
و نعدل شوي فيه بدون تعقيد او اعلانات

و دمتم بخير تحياتي للجميع

لا تطلع يا معاوية ابشر بالدعم

راسلت ادارة المنتدى عدة مرات اي شخص يضع ديسلايك يفترض تظهر له ايقونه يوضح فيها السبب
فعلا ورعان واصحاب مصالح
من عام 1407 وانا افك واركب في السيارات وكتبت طريقة تغيير القسام للمكيف بدون فك الطبلون لان الورش كلهم فك طبلون وياخذون عليها من الف الى الف وخمس شغل يد وليتهم يرجعونها تمام
لقيت ديسلايكات بالكيلو