هل أنا مظلوم في هذه المخالفة المرورية ؟ شاركنا برأيك

13 2

لايمكنك التصويت حتى الحصول على 20 نقطة على الأقل
إضغط هنا للإخفاء

zy23j 119
قبل 7 سنه و 6 شهر

السلام عليكم ورحمة الله وبركاته
مساك الله بالخير وكل عام وانتم بخير
الصراحه يا اخوان والله اني مقهور من مخالفة جتني يوم 5 رمضان
السالفه وما فيها قاعد اتمشى انا وولد خالي وما دريت الا في وجهي تفتيش والحمد لله رابط جزام الامان وماني مظلل وأموري تمام
المهم وصلت عند العسكري قال ( الرخصه والاستماره ) قلت ابشر
ادور للرخصه يا ولد وينها منا ومنا افا يا ذا العلم قال جنب ( لاحول ولا قوة إلا بالله )
قلت تفضل هذي الاستماره اما الرخصه والله نسيتها في البيت لكن اعذرنا وانا اخوك في هذا الشهر الفضيل وانا مثل اخوك وعلي ديون ما يعلم فيها إلا الله قال( كلنا علينا ديون وبتاخذ جزاك ) يابن الحلال غير بدل قال ( لا تحاول خلك عند سيارتك وبس )
قلت يا رجال الشكوى لله سبحانه والله يعيننا على 150 ريال ( عدم حمل رخصه )
المهم صور سيارتي من ورا وقال توكل على الله وبعد ساعه انصدمت من المخالفه
عطاني مخالفه ( قيادة المركبة قبل الحصول على رخصة ) وقيمتها 500 ريال
والله يا رجال اني انقهرت وضاقت الدنيا فيني :(
رحت لإدارة المرور وقدمت اعتراض ولي الان اكثر من اسبوعين ومحد حولك وخايف تتدبل علي

الان هل المخالفه هذي صحيحه ولا انا مظلوم فيها ؟

ملاحظة / المخالفه جتني في مدينة الباحه واقول لأي واحد شغال في المرور .. تكفى وانا اخوك خافو الله في المسلمين ما فيه الا قوة مخالفات على أدنى شي الناس اوضاعها صعبه ويالله يدبرون امورهم وانتو شغالين في خلق الله والله ما يصير كذا اتقو الله )

هذه قصتي كامله واتمنى للجميع التوفيق

إبلاغ

الردود