لماذا التخريب في البيع وعدم الجديه؟

اغلب الي يسومون يا بزارين ما بجيبهم ريال ولا شريطيه انجس من الشريطيه ما شفت الى من رحم ربي

المفروض مافيه سوم 

كل واحد يعرض سلعته ويكتب سعر البيع 

اعجبك اشتر .. ما اعجبك دور غيرها .

تدري وش المشكله اللي يجيك بالخاص ودي اني اعرف كيف اقفل الخاص محد يرسل فيه

السلام عليكم
بقول شي واكيد بيزعل كثير
الي يعرض بضاعه عالسوم يستاهل حتى لو ساموا بريال لان مبداء
السوم نصب بنصب حتى البايع يدور غشيم يبيعه بسعر اعلا المفروض
مثل كل بقاع الارض تقيم سيارتك وتحط سعرها اون بضاعتك وتحط سعرها
مبدا السوم اختراع شريطيه

حتى انت لو عرضت سياره وقيمتهاى الحقيقيه 20 الف وجاك غشسم وحط 40 الف
بتقول له لا قيمتها 20 غير تطسه فيها بين عيونه

يعني الجزاء من جنس العمل هذا ما نبي نتكلم عن التعزيز والي يدخل يسوم بيرفع سعرها
والي يفزع لخويه بالسومات

بختصار لا تتكلم عن البخس وانت اصلا عارض عالسسوم

انا اسوم في الخاص وجاد عشان سبب بسيط لان مابي اشعارات الاعلان تزعجني

اتفق مع رعد 777
حتى المواقع الامريكية يعرض السيارة مثلا ب 1000 دولار او اقرب مبلغ لها
يعني سعر السيارة المطلوب محدد او اقرب سعر للمبلغ المطلوب

يارعد بالنسبه للسوم المقصد منه اني القى اللي يعطي الشي حقه واغلب اللي يسومون ماهب غشمان وبالنسبه للي يعززون لخويهم هذا نجش وموجود في كل مكان في المعارض وفي محلات الجوالات وغيره الكثير واكيد اي واحد وده بالمبلغ الزين اللي تستاهله السلعه حقته وكلامي واضح من اللي يجون يخربون البيع وغير جادين ولاهنتوا على مشاركتكم

المواقع الاجنبيه لك الخيار وبوضع الحد ان كنت تريد الشراء مباشره وبنفس الوقت يتم فتح المزاد للسوم .
المشكلة لين جاء واحد وقال السوم يبداء من كذا ، ليه تحدد خل السوم يبداء من ريال ايش المشكلة وخليه يستمر المزاد لين تجيك السومه الي بخاطرك ، اما الي يحد او يحدد من اي مبلغ يبداء السوم تمر الشهور وبضاعته جالسه . وياما واحد الان نشوفهم جاتهم سومات حلوه ورفضو والان يتمنى لو اقل منها . اما الي يحط سلعه وبدون سعر ويقفل الردود هذا اتركه وانا واحد ماعمري عطيت بال لواحد مقفل الردود لاني ابي استفسر مباشره ماعندي استعداد اتصل عليك واسوم تقول سابقك السوم والمبلغ لاتستحقه . الثاني الي يشوف السوم وقف من امس على 10 ريال مثلاً ويسوم 8 ريال هذا صراحة ودك تقول تعال بعتك انا بالقريات خله يمشور . وهناك ناس يعرض موتره يقول محركات سيارته من الماركة الفلانيه اليابانيه وماشيه مادري كم على الشرط ولما تسئله بالخاص تطلع سيارته ماركة صينه ، طيب من الاول اكتب ماركة سيارتك الحقيقية واذكر وشهي محركاته
. بعضهم لما ترسله خاص وتعطيع عرض موسومه عرض خاص يقفز بقيمه السلعه ويلطلعها من المزاد فمايوافق ويرج للعام يقول انسامت بالمبلغ الفلاني على الخاص ! فيه فرق بين العرض والسوم لازم ننتبه جيداً . خطاء اخر لما يجي واحد ويسوم على بيعه معينه وتناسب السومه البائع ويكتب انه تناسبه ويقول تواصل معي يجي واحد مولع النور ماهوب عمى ويسوم سومه أعلى على بيعه تامه وهذا مايجوز فان كانت الباضاعه جايزه لك ماهنا مشكله تبارك البيعه وتقول للمشتري باسمه على العام اربع بكذا وتتركها لي فلاباس كذا صح .
والله فيه امور كثيره لكن يصعب علي اذكرها لان صياغتها بتوضح المعني .

*اسف على الغلطات المطبعيه لان اثناء الكتابة مادري ايش المشكله ما اشوف السطر يختفي يسارمافيه التفاف لسطر جديد وانا استخدم كمبيوتر

اهم شي وصلتك فكرتك ههههههههههههههههههہّ'هُ  وشاكر لك مشاركتك الجميله