وش الفرق بين الميزان و الورشة العادية ؟

الميزان عندة اجهزة حديثة مثل جهاز ترصيص الارضي وباليزر واجهزة تظيف البخاخات واجهزة كثيرة اما الورش العادية يشتغلون يدوي بدون اجهزة 

الميزان مثل العضيب هذا مثل الوكالات يسوون ترصيص كفرات و ميزان اذرعة

وتلقى عندهم قطع غيار تشتريها من عندهم و تركبها

اما الورش العادية شغلهم بدائي يعني أشياء بسيطة يستخدموها و كلفة اقل. 

الميزان شغله  بالاذرعة والعضلات  والامور التي تحتاج وزن  دركسون.   العمود الكردان.  الجلب   السست   المساعدات.  الصلبان . عاد سواء اجهزة متطوره او يديوي
والورش   شغلها عام السياره والمكانيكه محركات او كهرباء  وغيرها. 

مافيه زي أبو يمن اللي في ورش الفحص الدوري يوزنها لك بالملي ومن أول مرة صاروا محترفين من كثرة السيارات اللي تجيهم يوميا ☺

بس ابو يمن اذا شافك عليمي او جاهل صغير سن او شايب او سايق او شخص ينلعب عليه مخفه 
حتى لو شغله زين وممتاز الا انه يدبل السعر بدون مبالغة ٥ الى ١٠ مرات .

واحد اعرفه راح للورش اللي بجنب الفحص الدوري .. بس وزن له اذرعه بالمتر والحديدة وزين له شغله
ثانية بسيطة جداً ما خذت دقايق وبأدوات بدائية جداً من عهد الدولة العباسية الاولى .
تدرون كم اخذ منه >>>>>   ٣٠٠ ريال ... والله يا جماعة الخير اني انفجرت عليه بغيت اثووور فيه 
لو معي مسدس .. على طووول قلت له يلا بنرووح لابو كلب الحرامي .. ليه ياخذ ٣٠٠ ريال .
الشغله ما تكلف اذا طق بوووزها اكثر من ٤٠ الى ٥٠ ريال ونتكرم عليه بعد .. واحاااااول فيه 
ورفض يروح معي .. يمين يسار فوق تحت .. يا ولد طيب عطني اسم الورشة .. طيب وصفها لي 
رفض قال خلاص رزقه ... قلت يا حمااااار هذا مو رزق .. هاذي سرقه استغفال .. شافك دلخ 
تدربي راسك .. ما خلى ابو يمن وابو شكيب اللي جايين ما يعرفون شيء بالدنيا ذي الا انهم 
رايحين للسعودية لشعب انت فرد منه غبي .. قلت له والله ما اسوي له شيء اذا رفض يرجع فلوسك
باتصل على الشرطة واخليه يرجع لك فلوسك ودمعته على خده ... بس ماش رفيقنا كأنه حاط له 
سحر في السيارة .. الا يومك اذا جاني يستشيرني في شغله قلت له روح لابو يمن اللي خذا منك ٣٠٠ ريال 
خله يصلح لك سيارتك يمكن يخصم لك بدل ٣٠٠ ريال اتوقع بـ ٢٩٥ ريال .. وارحبوووووا يا رجال .

شكلة راح لنفس النصاب الدحباشي اللي رحت له أنا أول مرة حتى مارحت له هو نشب لي ووقفني غصب

كان عندي كسر بالأصطب يبيلة تلحيم والصدام داخل على جوا ولازم يترجع وكان يبيلي وزن اذرعة قلتلة بكم قالي ب٣٥٠ قلتلة افااا ياذا العلم قلتلة انا بيتي قريب من الفحص الدوري بجيب فلوس وبجيك

والله مارضى يفكني قال اصلحها ألحين وجيب الفلوس بعدين عرف اني ماراح ارجعله قلتلة يبن الحلال بجيب فلوس وبجيك ما ابي امشي بالسيارة وعندي امانة لحد وخلاني اروح وعطيته سيفون

قعدت الف على ورش الفحص الدوري كلها حصلت ابو يمن محترم وملتحي وشكله يخاف الله قلتلة عندي كذا وكذا بكم تسويها قالي ب٢٠٠ كل هالشغل قلتلة توكل على الله وضبطها والحمدلله ضبطها لي كويس وتعب بالصدام يالله رجع لأنه صدام دوج دورانجو ٢٠٠٦ وداخل من زاوية اخوي صدم عامود لمبة وهو راجع هههههه

وماشاء الله وزن الأذرعة مضبووووط بالملي لها سنتين ألحين ومازالت موزونة وزي ماقلت وازنها بأدوات بدائية من عام الفيل ههههه ☺

ياعزيز كلهم الهدف مادي مافي فرق الفرق بالعامل اللي بيظبط السياره ويشتغل بضمير

كل الطرق تؤدي الى روما المهم الورش العادية لاتدفع الا بعد التجربة لكن المهم تتفق معه من بدري الدفع بعد التجربة