أضف سؤال أو موضوع جديد          

صار لي حادث والطرف الثاني صغير وما عندهم تامين

up 3 down 4
99abo0dy 12
قبل سنه و 5 شهر



اتمني من الاداره عدم حذف الاعلان للضرورة الامر !!!!!

السلام عليكم ورحمه الله وبركاته

اولا الحمدالله عل كل شي
قدر الله وما شاء فعل

صار لي حادث بسيط ثاني يوم
والحمدالله سلمت انا والطرف الثاني

الحادث غلط عل الطرف الثاني ١٠٠٪

كنت عل طريق الخدمات بالف يمين وشفت واحد مسرع
فا وقفت
(وعل حسب كلامه) لف علي بحكم ان في سيارة كانت جنبه

الطرف الثاني الله يهديه عمره ١٤ سنه
يعني لا رخصه ولا هويه
موديل سيارته ٢٠٠٦ جيب و ما عندهم تأمين عل السيارة

انا سيارتي مازدا ٢٠١٦ إجار منتهي بالتمليك من البنك الاهلي حتي ما عدت ال ١٦ الف كيلو .. طبعا يعني تأمين شامل عل السيارة


جا نجم وسوا تقرير
وحمل الطرف الثاني نسبه ١٠٠٪
ومكتوب بالتقرير تحول الي قسم المرور
وخليته يسجل الحادث باسم الولد الصغير
( حتي لو سجلتها ب اسم اخوه الكبير ما تفرق بسبب ان السيارة مسجله ب اسم امهم )
وسجلتها ب اسم الولد عشان يكون له درس
لانه سرق المفتاح بدون ما احد يدري عل كلام اخوه .....


السوال الحين
هل التأمين يصلح سيارتي ؟ وهل التأمين بيطالب الطرف الثاني بالمبلغ ؟
ولا ايش يلي بيصير !؟؟
ابي الاكيد الله يسعدكم
ولا هالشي بينحل في قسم المرور ولازم شيخ الورش و تقدير ...

عل حسب كلام اخوه الكبير ( الطرف الثاني)
ان حالهم ماش ...
ياخوي لمن اروح قسم المرور وتكون مثلا تكاليف الاصلاح ١٠,٠٠٠
ويقول ما عندي غير ٥ الاف
والعسكري يقول ذا يلي يقدر عليه واذا ابغاه او لا ....

ماني عارف والصراحه اول مره وباذن الله اخر مره يصير لي حادث

يلي عنده شي يفيدني ياليت يقوله ولا يبخل عل اخوه
ويلي يذم ويلوم ... جزاك الله الف خير عل مرورك


والسلام عليكم ورحمه الله وبركاته

امكن ينحذف الاعلان فا يليت ترسلون عل الخاص افضل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خير تفعل شر تلقى
بقولك قصة زميلي بالعمل يحكي لي طالع من الدوام ذاك اليوم ولا ذاك اليوكن موديل جديد 2015 جاي من التقاطع بسرعة هائلة وصدمه بالرفرف الخلفي طبعا جاء نجم وقاله ايش رايك دام انه معاه تأمين وكذا ونخلي السائق ابوه لانه اذا حطو الولد ماراح يكون في دفع وممكن انه يماطل فيك وكذا خليها على التامين افضل لك .

صاحبنا سيارته فورد 2010 وقيموها قبل الحادث ب 40 وبعد الحادث ب 17 الكلام هذا قبل سنتين وهو بحكم سيارته جديده يصلحونها التامين.
يقولي فوجئت بان المرور يتصل به ويقول تعال نبيك تتنازل وتعطي الرجال فلوسه اي رجال ياناس قالوا اللي صدمته.
يقول جيته ولا صاحب اليوكن ها ياولد سلامات قال والله البنك رفض الا يصلح وكالة واليوكن يكلف تصليحه تقريبا 40 الف وقالوا تدفع انت 10 الااف بحكم ان الخطا عليك 25% قلت يابويا ولدك اللي يسوق ماهوب انت قالي هذاك امس ماهوب اليوم تدفع يعني تدفع ولا نشتكيك.
ويقول والله دفعتها وقلت ان شاء الله نتحاسب يوم الحساب.


نصيحه يأما تتنازل لوجه الله تعالى ولا تخليها حسب النظام لان الوقت ذا وقت ماهوب فزعات وجمايل.

الله يهدي الجميع.

عذرا على الاطالة.


up 1 down 0
بوحمد4445 76
قبل سنه و 5 شهر



شف وانا اخوك 
اعتبرها لوجه الله والله راح يساعدك شي انت تتمناه من زمان 
ومن عفى وأصفح له الأجر والثواب 


up 0 down 0
ابو جهاد 9935 146
قبل سنه و 5 شهر