تجربتي مع التورس 2013 حياكم

34 3

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13917
قبل 6 سنه و 9 شهر

بسم الله الرحمن الرحيم
السلام عليكم ورحمة الله و بركاته
كيف حال اعضاء منتدى حراج ان شاء الله طيبين
قبل كل شي الموضوع هاذا بغيت انزلة قبل 3 ايام
لاكن رفع الصور كان فية مشكلة
وراسلت الادارة واشكرهم على التعاون السريع..

اليوم حاب اطرح لكم تجربتي للفورد تورس موديل 2013
الفئة قريبة من النص فل و اتمنى انكم تستفيدون من التجربة
طبعا تذكرون في شهر 8 يوم استشرتكم مابين الجينسس والتورس
وتم اختيار التورس .....
مشيت لجدة والمبلغ الي معي 55 الف
فريت الصالات صالة صالة

طبعا المتيد.غالية من 60 الى 70 الف
على حسب الون والممشى والنضافه
فقلت مامعي الا نص فل او اقل من نص فل
فاشتريت هالموتر وكلفني 51500 الف منقول جاهز
وممشاة 63 الف ميل .

طبعا السياره لها معي شهرين و ان شاء الله تكون فترة كافية للحكم عليها وراح اعطيكم نبذة كاملة
اكيد بيجي واحد بيقول كيف مالها شهرين معك وتحكم عليها
انا برد واقول خلال هاذي الشهرين مشيت عليها
جدة مرتين ومكه مرة وجيزان مرتين
وتم تجربتها مع عقبة الهدا في عز النهار
وايضا مرتين مع عقبة المخواة




الراحة و العزل :
السيارة مقاعدها مريحه و ايضا عند الحفر و المطبات مريحة نوعا ما يعني ما تحس بالحفره
بشكل عام سواقتها مريحة و هاديه و بالنسبة للعزل الارضي كمان معزوله بشكل حلو و هادي اما بالنسبة للعزل الخارجي تحس بهدوء و حتى و انت ماشي بسرعة ١٤٠ ما تسمع الا خفايف يعني هاديه لراعين الخطوط
و حتى صوت المحرك معزول كويس ماله حس
يعني مقارنة بمكينة الافالون او الاوريون
التورس هادئة بالحيل




الداخليه :
مساحتها الداخليه مقبولة ماهي ذيك الوسع ضيقة شوي
خاصتا المقاعد الامامية ضيقه
الكامري اوسع منها
السياره فيها شاشة وكاميرة خلفية
ومراتبها جلد ولون الداخلية بيج فاتح
ديكورها الى الان متماسك وافضل من ديكور الكامري 2009




قوة المحرك و استهلاك الوقود:
قوة المكينه مره حلوه و عزمها بطل لكن بالنسبة للاستهلاك احسها تستهلك بنزين على v6 طبعا بنزين ٩١
مقارنه بالكامري استهلاك الكامري افضل
الكامري فل اخظر يمشيني 700 كيلو
التورس يمشيني 550 كيلو

المواصفات الخارجية:
فيها كاميرا خلفية لكن بدون حساسات
و تحكم بالمرايات كهرباء اغلاقها يدوي
و المرايه يجيك لونها ابيض
و لا فيها تعتيم ذاتي
و الاسطبات الخلفية led
و الشمعات الامامية عدسات لكن هالوجين
وفيها كشافات حلوة معطيتها منظر جميل
بدون فتحة سقف
جنوطها 18وشكلها حلوو

بشكل عام :
السياره مره حلوه و عمليه و قوية يعيبها الاستهلاك ديكورها يعتبر متماسك
مواصفاتها حلوه و انصح فيها بشكل
اليكم الصور
اخوكم الرفاعي 33....

إبلاغ

الردود