أضف سؤال أو موضوع جديد          

عمر الكفرات الافتراضي .. موضوع للنقاش

up 3 down 0
ابو هيثم 7 2253
قبل 3 سنه و 9 شهر



السلام عليكم ورحمه الله


لايخفى عليكم موجه الحر هالايام لدرجه ان الحراره وصلت فوق 50

هنا لازم تنبه للكفرات اللي مجتمع عليها حراره الاسفلت وحراره الهوبات

المهم مابي اطول عليكم .. لكن من وجهة نظركم كم العمر الافتراضي للكفرات اللي تشوفونه

انا عن نفسي 60 الى 70 الف كيلو .. واذا بتحدها بالسنين قل 3 سنوات (( من تاريخ التصنيع وليس تاريخ التركيب ))

بعباره اخرى يجيك واحد راعي خطوط يمشي 45 الف كيلو بالسنه ؟ هذا حده سنه و 4 شهور او سنه ونص بالكثيرررر ..لانه لو جلست معه سنتين بيوصل 90 الف !!!

بالمقابل واحد راعي ديره ومايطلع منها ابد يعني حده 20 الف بالسنه هذا عطه 3 سنوات .. طبعا عارف بيجي واحد ويقول انا الكفرات عندي ماشيه اكثر من 100 الف او جالسه معي 5 سنوات ولاشفت منها الا كل خير ؟ يارجل نحترم تجربتك لكن انت واحد من الف تنجح معاه ولو عممنا تجربتك على المنتدى فقط انا متأكد ثلاث ارباعهم بتنفجر عليهم

بالنسبه لي انا سنتين لان ممشاي 32 الف سنويا .. وطبعا اخذها من الوكيل لانها تكون اجدد تاريخ يعني مالها الا 4 او 6 شهور مصنوعه .. المفارقه العجيبه ان الوكيل دائما ارخص من البناشر ؟؟؟

الكفرات اللي استخدمتها هي 4 انواع (( نان كينيق تايواني + جينيو الصيني وكلها ضمان سنه .. النوع الثاني ماكسس التايلندي + كين فورست الصيني طبعا ضمان سنتين )) هذي تجربتي ماانصح احد ولا ارد احد ..

يعني ليش اشتري كفر بثلاث او اربع اضعاف سعر هالكفرات اللي ذكرتها وانا بالنهايه بغيرها كل سنتين ؟؟؟ خصوصا ان جنط 19 غااااالي مب زي 16 وتحت







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبة لي كل سنتين اغير طقم
تقريبا على ممشى 100 الف



up 1 down 1
الحميدي وليد 121
قبل 3 سنه و 9 شهر



العمر الأفتراضي للكفرات اذا كانت جديدة من 60 الى 80 الف


up 1 down 0
ahmad akk 561
قبل 3 سنه و 9 شهر



الوالد معه هايلكس 2011 و غير الكفرات السنه الماضيه ومشى عليها 100الف ولسع فيها عمر.
بالنسبه لي كل 80الف او 4 سنوات .


up 0 down 0
عبدالصمد00 200
قبل 3 سنه و 9 شهر



انا تقريبا كل 3 سنوات

ممشاي مو كثير يعني عال 80 الف ممكن خلال هاالمده


up 0 down 0
t1980 698
قبل 3 سنه و 9 شهر



الكفر ماتقدر تعطيه عمر افتراضي
لابالسنوات ولابالممشى

حسب حالة الكفر
اذا امتسحت الدعسة
او حبلت
او تشققت جوانب الكفر غيرها

كفرات ميشلان مشيتها 150 الف في 3 سنوات
كفرات هنكوك مشيت عليها 110 الف في سنتين الا شوي


up 4 down 0
سلطان4040 1237
قبل 3 سنه و 9 شهر



هذا شيء نسبي يابوهيثم فيه ناس يغيرون كل ست شهور

وفيه ناس يغيرون كل سنتين تختلف حسب الاستخدام 

الي يفحط والي دايم يمسك بريك هذي عوامل تعجل بتأكل الكفر

وفيه كفرات جودتها سيئة وما تكمل سنه حتى لو انك محافظ 

الافضل انك تغير الكفر صار ارتفاع النقشة مماثل لإرتفاع  

النقط الربل بين النقشه 


up 2 down 0
abomesal 1038
قبل 3 سنه و 9 شهر



أبو هيثم لاهنت من هم وكيل الكفرات الي ذكرته ؟؟


up 0 down 0
ابو نورة 74
قبل 3 سنه و 9 شهر



اكورد 2013 كفر وكالتها ميشلان استخدمناها الين ممشى 160 الف في سنتين الى سنتين ونص تقريبا ودعستها باقي ممتازة لكن طلع صوت ونة مزعج وغيرتها وفي النهاية هي على الاستخدام ونظافة السيارة


up 0 down 0
x-bariq 181
قبل 3 سنه و 9 شهر



انا تقريبا كل سنه اغيرها
او تحبل بنفسه

مشيت فيها تقرييا 130 الف

وغيرتها نوع الكفر صيني


up 0 down 0
بايع الدنيا 66 1472
قبل 3 سنه و 9 شهر



انا اشوف انها على حسب نوع الكفر والكفرات حدها ٤سنين او ٥٠-٦٠الف كيلو متر


طبعا في كفرات الممتازه مثل بيرلي او ميشلان "الفرنسي" هاذي تجلس معاك الى١٠٠الف وسبب جودة المواد المصنوعه منها


up 1 down 0
عبد العزيززز 191
قبل 3 سنه و 9 شهر



ميشلان أمريكي غيرتها من ثلاث سنين وزود كم شهر وماشي عليها ١٠٠ الف بس طبعًا الدعسه الان شبه ممسوحه ومحجره الكفرات من يوم وصلت تقريبًا ممشى ٨٠ الف بس اهم شيء ماشاء الله ماتلقط مسامير ولا تنسم وطبعًا يوم اخترتها راعيت فيها المواصفات زي مثلاً 
الحرارة AA
التماسك AA
مستوى التآكل او الاهتراء 620 ( هذا الرقم كل مازاد كل ماكان الكفر يطول معك ماينمسح او يتآكل عشان كذا تلقى اثنين مركبين ميشلان وكل واحد يختلف سعره عن الثاني وكذلك تجربته وانطباعه حسب المواصفات لانه فيه منه أمريكي وفرنسي وأسباني بس حاليًا مايتواجد الا فرنسي وتعبان ومستوى التآكل حقه ٢٤٠ )

طبعًا شريت الكفر الواحد ب ٥٧٠ على أيامه ولو شريت صيني وغيرت كل سنه راح يكون نفس تكلفة الميشلان تقريبًا او أغلى ب٢٠٠ ريال فأنت الحكم في هذي الحاله ياتشتري كفر بمواصفات اعلى ويمشيك ٣ سنين او تقعد تغير كل سنه وتفرق كمان حسب الاستخدام فمثلاً انا عندي سفر ٢٠٠ كيلو كل أسبوع ودوامي ٤٠ كيلو يوميًا


up 0 down 0
c a p r i c e ss 257
قبل 3 سنه و 9 شهر



كلامك سليم 
انا سيارتي نيسان و كفراتها بريدجستون تخيل البناشر عندنا بالخبر ما يوفرونه  ولو توفر تلقاه قديم مر عليه اكثر من سنة. 

وقلت هذه آخر مرة أركب كفر عند بنشري المرة الجاية آخذ من الطلائع نفسه و عنده التركيب و الترصيص و ميزان  مريت فرعهم في الدمام

والله شي راقي.   ماح بيت اجرب انواع ثانية لأنه خفت ما احصل مقاس البلد المصنع و الموصى في الكتالوج و مكتوب في الدرج حق الطبلون




up 0 down 0
بدر الباثفايندري 1116
قبل 3 سنه و 9 شهر



والله يا صديقي صعب تأخذ اجابه مفيده على هذا السؤال كل شخص وله رأي وكل شي له استخدامه بعضهم يكرف السياره في البلد اكثر من حقين الخطوط والكفرات فيها انواع بالنسبه لي عندي كامري 2014 غيرت لها كفرات مرتين نفس كفرات البلد









http://tatar3.com/ts7/register.php?ref=278



up 0 down 0
sa3d.99
قبل 3 سنه و 9 شهر



بالنسبة لي أغير طقم كل سنتين من تاريخ التركيب مع أني أمشي في السنتين 35 ألف بالكثير


up 0 down 0
أبو عبادة 4852
قبل 3 سنه و 9 شهر



سيارتي جنط 16 والكفرات تويو تمشيني 100 الف كيلو تقريبا سنتين وتنتهي مرة


up 0 down 0
يوسف 7001 58
قبل 3 سنه و 9 شهر



اخوي موترة كامري يوكوهاما وكاله جنط 16 تمشية 90 الف كيلو


up 0 down 0
يوسف 7001 58
قبل 3 سنه و 9 شهر