عمر الكفرات الافتراضي .. موضوع للنقاش

3 0

لايمكنك التصويت حتى الحصول على 20 نقطة على الأقل
إضغط هنا للإخفاء

ابو هيثم 7 2260
قبل 7 سنه و 4 شهر

السلام عليكم ورحمه الله


لايخفى عليكم موجه الحر هالايام لدرجه ان الحراره وصلت فوق 50

هنا لازم تنبه للكفرات اللي مجتمع عليها حراره الاسفلت وحراره الهوبات

المهم مابي اطول عليكم .. لكن من وجهة نظركم كم العمر الافتراضي للكفرات اللي تشوفونه

انا عن نفسي 60 الى 70 الف كيلو .. واذا بتحدها بالسنين قل 3 سنوات (( من تاريخ التصنيع وليس تاريخ التركيب ))

بعباره اخرى يجيك واحد راعي خطوط يمشي 45 الف كيلو بالسنه ؟ هذا حده سنه و 4 شهور او سنه ونص بالكثيرررر ..لانه لو جلست معه سنتين بيوصل 90 الف !!!

بالمقابل واحد راعي ديره ومايطلع منها ابد يعني حده 20 الف بالسنه هذا عطه 3 سنوات .. طبعا عارف بيجي واحد ويقول انا الكفرات عندي ماشيه اكثر من 100 الف او جالسه معي 5 سنوات ولاشفت منها الا كل خير ؟ يارجل نحترم تجربتك لكن انت واحد من الف تنجح معاه ولو عممنا تجربتك على المنتدى فقط انا متأكد ثلاث ارباعهم بتنفجر عليهم

بالنسبه لي انا سنتين لان ممشاي 32 الف سنويا .. وطبعا اخذها من الوكيل لانها تكون اجدد تاريخ يعني مالها الا 4 او 6 شهور مصنوعه .. المفارقه العجيبه ان الوكيل دائما ارخص من البناشر ؟؟؟

الكفرات اللي استخدمتها هي 4 انواع (( نان كينيق تايواني + جينيو الصيني وكلها ضمان سنه .. النوع الثاني ماكسس التايلندي + كين فورست الصيني طبعا ضمان سنتين )) هذي تجربتي ماانصح احد ولا ارد احد ..

يعني ليش اشتري كفر بثلاث او اربع اضعاف سعر هالكفرات اللي ذكرتها وانا بالنهايه بغيرها كل سنتين ؟؟؟ خصوصا ان جنط 19 غااااالي مب زي 16 وتحت

إبلاغ

الردود