أضف سؤال أو موضوع جديد          

تفكيك وتشليح الكامري حياكم

up 33 down 1
الرفاعي33 13012
قبل 2 شهر و أسبوع



السلام عليكم ورحمة الله وبركاته.

مساء الخير على اعضاء منتدى حراج .
اليوم جايبلكم تقرير يتبع لتقرير نزلته قبل فترة
تذكرون موضوعي قبل فترة عن الكامري الامريكي 98
الي بغا اخوي يبيعه تشليح وما اعطوة الا اقل من 4000
واشتريته منه ونويته تشليح وتفكيك وبيعه قطع.......،،
مالكم في الطويلة؛؛؛؛؛؛؛؛؛ّوالله

بعد ماجربت وفكيت وبعت والله التشاليح فيها ذهب
من جد ذهب لاقالو ذهب
يعني تخيلوا السيارة مثل ماتشوفون باقي قطع كثيرة مافكيتها
وعلى وضعها هاذا بعت مايقارب بحول ال10000
اخر مابعت اليوم المكينه والقير وبيجي بكرة يحملها المشتري
مكينه وقير فقط بعتها ب3500
والباقي واجهية وديكورات وايرباقات وطارة
وباب الشنطه والجناح واصتبات خلفية
وتانكي البنزين والمراتب ومكائن الابواب
وقطع كثيرة وباقي فية الخير ...

طبعا يبيلها روقان وكل ماجاك وقت فضاوة
تفك على حبة حبة
انا والله مانزلت الموضوع الا تشجيع
للي عنده موتر مخبط ولا معدوم يفكه قطعه قطعه ويبيع
افضل من تبيعه تشليح بسعر بلاش
طبعا الفلوس مابتجي بيوم وليلة
يبيلك وقت مرة تعرض صدام ومرة اصتبات
ومرة دينمو ومرة سلف ومرة ديكورات وهكذا ......
يعني مثلا عندك نفس هالموتر
افضل تبيعه كامل تشليح ب3500
ولا تشلحه وتطلع دبل الدبل اقل شي 15000
ولاتقولون شغلة متعبة
بالعكس تسلية وقت الفضاوة وتكسب خبرة ماتتوقعها وتستفيد قرنقش
وتكسب عملاء وعلوم طيبة
هاذا ماعندي يالطيبين والي عنده موتر يشلحه ذهب ياخوان
اليكم الصور :

واخر صورتين هاذا الكامري الاسود كان معي واشتراة اخوي الثاني
قلت عطنية اشلحه مع الابيض هههههههههههههه قال مانت بصاحي
الموتر باقي نضيف وتوة يدخل ال600 الف قلت موفق
واذا خبط عطنية اتفاهم معه .
بالتوفيق لجميييييع الاعضاء

اخوكم /* الرفاعي33*


















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كفو يالرفاعي على موضوعك واخوي لا للغلاء اتفق معك ياليت نكافح البطالة بالتعاون بيننا يعني مجموعة شباب براس مال بسيطة يشتغلون بنفسهم ويشترون سيارات مستعملة ويشلحونها والله الرازق


up 0 down 0
نبيل110 342
قبل 2 شهر و أسبوع



ما شاء الله عليك وكثير من الشغلات فيها رزق كبير بس يبغالها نفس طويل ورواقة وتدخل منها ذهب
وفقك الله


up 0 down 0
الوسم شمالي 35
قبل أسبوع و يوم