وش رايكم فالامباالا ؟

موتر حلو و كشخة وفخامة بس عيبه الوحيد دفع امامي 

الا اذا هذه ما عندك مشكلة فيها توكل على الله و دور النظيف. 

اخي الكريم الامبالا شفر ودفع امامي والسيارات الامريكيه لم تنجح بدفع الامامي مثل الابيكا والافيو وغيرهم ادا تبغا سياراه امريكيه لاتاخد غير الفورد والجمس والله الموفق

انا مستغرب الرجال ماقال الامبالا يصلح للتفحيط ترى عبارة عيبه دفع امامي مايقولها
واحد عنده خبره بالسيارات بعدين الامبالا والتورس بالثبات بالمنعطفات وبالفرامل افضل من الكراون فكتوريا والكابرس بمراحل

وهل السحب الامامي صار عيب !!!!؟

قريبي معه 2016 مشى عليه 20 الف (معه ls) مايذكرها الا بالخير رساوه وعزل وموصفات للستاندر تعتبر جيده . ميزه عجبتني من الاستاندر
انه حساس الكفرات يخبرك اي كفر منسم وتحكم كامل باطاره و 10 ايرباقات (باذن الله ماتحتاجها)
عيبها فقط قطع البودي غاليه شوي .اما القطع الاستهلاكيه متوسطه .
مثل سعر الزيت بالوكاله ايسي دلكو 25 ريال مع الفلتر ايضا 25 ريال (عكس تويوتا 50ريال )
فقط يعيبها من تجربه شخصيه السياره تكيفها سيء إلى مقبول في النهار اما بالليل ممتاز

سيارة ممتازة جدا وراسيه راسيه راسيه
وعزل الصوت فيها خرافي
القزاز مدبل

انه ماشين 160 كأننا ماشين 80 ما تحس انك مسرع
الطبيقي قال المكيف سيء اختلف معه في النقطة هذي
بالعكس والله يا مكيفها بطل بس انه عيبه دفع الهواء سيء

لكن كتبريد
اذكر جربته في ينبع وكان الجو حار والله
انه صدع براسي من قوة البرد

بس دفع الهواء ضعيف

انتبه ترا مكيفه ماينفع بريال جربه وبتعرف كلامي

الشفر صاير وضعه م يطمن تاخذ سيارة جديدة فيها اعطال الدنيا

ms3al ^^^ المكيف في المناطق الرطبه ممتاز مثلها مثل الكوري بس في المناطق الجافه تكره ام السيارة مثل الرياض وغيرها مايسوى ريال

الامبالا مثل الكوري ياشيخ من جدك انت
الامبالا تاريخ من اقدم السيارت اخوي من تجربه انا ساكن في المدينه المنوره وجوها جاف ومعي امبالا 2014 والله ان مكيفها ماعليه كلام واللي ما جرب ماهو زي اللي جرب انا اشهد ان الامبالا موتر عز وطرب ان بغيت قوه وان بغيت فخامه عزل تسارع وسع راحه نظام صوتي جبار للفل انا سيارتي فل ماشيه 180 الف كارف امها كرف ماغيرت فيها الا فحمات الفرامل مره وحده على فكره الامبالا تصنع في كندا نفس مصنع اليوكن والتاهو عيبها بس الانوار الخلفيه لو انها ليد كان كلام ثاني

ممتازة السيارة ولها تاريخ قوي 

مالك ومال العنا
مالك ومال الهموم
......

اخوي الطبيقي
قريبي معه 2016 مشى عليه 20 الف (معه ls) مايذكرها الا بالخير رساوه وعزل وموصفات للستاندر تعتبر جيده . ميزه عجبتني من الاستاندر
انه حساس
.............
20 الف ك ماغير الزيت الا مرتين ع 10 الاف

يعني ماتبين شي من السياره تكد او لا
لو اشتري صينيه تمشي اكثر من 40 الف ماتقول واط
لاكن العلم بعدين اذا طوت العدادات وجا الموتر خط والحراره 41
اما 20 الف هذا تمرين

والله ي رجال لحستو مخي 
اشتري و اتوكل ولا اكنسل 
لان صراحه مواصفاتها و سعرها محفز 

ليش تديني دس لايك
بدون ماتبرر ذالك
هذا انتم يابتوع الدس لايك
اي رد مايعجبك دس لايك

وانت ياصاحب الامبالا
بختصار اسألك هل السياره تشوفها دارجه بالشارع ومع البشر

والله اشوفها بالشارع بس موب مره واجد 
ترا ذا موب مقياس ، 
انا اهم شيى عندي بالسياره شيى مايقبل المفاوضه عندي 
اولاً مكيف خلفي ثانياً مساحه خلفيه مريحه وكافيه موب ضيقه 
الباقي ممكن نتفاهم عليه اما ذا الاثنين بالنسبه لي ضروره

السياره عزم رساوه عزل فخامه .. شي من الاخر ..
ولكن قطعها غاليه .. واحد صدمني من الخلف كلفت مبلغ خيالي
أنصحك فيها وأمن شامل وبترتاح ..