كمبرسور المكيف ما يفصل..والورش يقولون...

قبل ما تسوي أي شي وتغير قطع وتخسر  اقرأ التالي وطبقه:

تقول بأنك (خفضت المكيف لأقل درجة برودة)، ايش قصدك بالضبط؟؟

إن كنت ضغطت زر تخفيض درجة حرارة المكيف (الزر الأزرق) فهنا ما عاد يفصل أبداً إلا في المربعانية، لأنك ضبطت المكيف على حرارة 16 درجة مئوية، وهذي ما راح تجي أبداً بالمقصورة إلا في عز البرد ثم يفصل، لأن المكيف له حساس يتحسس درجة حرارة المقصورة ومتى ما وصلت الحرارة لها قطع الكهرباء عن الكمبروسر.

- اركب السيارة وشغلها وشغل المكيف.
- اضغط الزر الأزرق حتى أبرد درجة.
- زد سرعة المروحة لأعلى سرعة.
- اجلس في السيارة خمس دقايق على الأقل وريح لين تبرد كل المقصورة.
- بعد ما تبرد المقصورة جداً قصر المروحة لأدنى سرعة وزد درجة الحرارة بالزر الأحمر لحد 28 درجة مئوية.
- انزل من السيارة وشوف يفصل أو لا.

إذا فصل تمام.
إذا ما فصل فحساس حرارة المقصورة عطلان، وموقعه خلف الفتحات الصغيرة اللي على يمين لوحة المكيف وليس تحت الدرج.

وأتمنى التوفيق للجميع.

إذا فصل

يمكن حساس اخوي شيك