ساعدوني ارجوكم ياشباب

بكل بساطه وناخوك تروح لهم اول شي
وتقول ابي نسخه من العقد الي وقعت عليه يوم اخذت السيارة
اذا عندك صورة من العقد ممتاز
رح ابحث عن بند فيه ارجاع السياره راح تحصله
وقصة ان ممنوع ارجاع السيارة هذي طريقه
يستخدمونها لتصريفك
اذا رفضوا يعطوك نسخه من العقد
او رفضوا ارجاعها وفسخ العقد من طرفك
قل لهم ابي رقم شكوى خذ الرقم وتوجه الى
مؤسسة النقد مباشرة وقدم الشكوى وسجل رقم الشكوى الى اخذته
من البنك او الشركة الي مستاجر منها السيارة
راح يتابعون لك الشكوى ويجيك رقم سرى بالجوال وتدخل
حساب مؤسسة النقد وتجد رد البنك ع شكواك اذا ماجبك الرد
تصد الشكوى
فيه بند بالعقد يسمح لك بفسخ العقد مثل مافيه بند يسمح للبنك بفسخ العقد
تدفع 3 اقصاد كاش فسخ عقد و يحسبون عليك الكيلوات الزايده ب45 هلله
لك بالسنة حد مسموح ممشى كيلوات 30 الف كيلو مازاد عنه
ياخذون حقهم ويقيمون من ثلاث مكاتب اجار اجار السيارة اليومي
وياخذون المتوسط
ماعليك منهم ومن كلامهم نهائي انشب لهم وخذ صورة من العقد
وابحث عن البند وواجهم واذا رفضوا قدم شكوى عليهم

جيبها لهم تالف ويرجعون لك الدفعه الاولى بعد

انا معي سيارة من الراجحي. رفض التنازل. وارجاعها. وقدمت شكوى لمؤسسة النقد وبينت لهم ان شروط العقد فيها.فسخ العقد وارجاع السيارة. ردت على. اما تكيشها. او يحرج عليها بالمزاد العلني. واتحمل الخسائر. باختصار مؤسسة النقد. تقف بصف البنوك.

ايش الشركة. الي اخذت منها السيارة. قصدهم عالي. قيمتة. قيمت جيب. واحد من الشباب. ماخذ سوناتا فل كامل. قسطها 1480

حياك
والله هذي الغبنه والغبينه 
105000 الف لاانترا
والبنك منشار طالغ واكل نازل واكل 
هذا درس لنا كلنا 
مامعك سيارة ومتورط وبتاخذ سيارة اقساط 
الواحد يمشي اموره باارخص سيارة قصد مناسب سعر مناسب
ارجع للعقد واضن عقدهم مايخر الماء راح يدفعونك كل شي
الله يعينك

عساها تكون عظه لك ولغيرك.  اسمح لي.  يداك اوكتا وفاك نفخ.       ياخي قبل تقدم على خطوه.  اسأل قارن احسب اجمع اطرح
ليس لديك حلول كل حل اردى من الثاني.  ف.   مادامها وكاله حافظ عليها.  وعساها خيره.        استخدمها. وتعوض ربك

معقوله

شكلك طاق له فل الفل عشان كذا طلعت عليك فوق المائة الف

الله يعوضك ياعزيزي

خلها مفتوحة.
ويجيك سربوت يسرقهاااا ويتلفهاا وانتهئ الامر

والي يقول حرام. تعال. تقبلها عن الرجال. ويصقعون بقلبك 105 الف علئ طفسة ما تستاهل

اخوي اخذ كورد 17 ب 1460 ريال ولد عمي اخذ كامري ب1670 ريال مواتر تستاهل

علمنا شنهو اسم البنك او الشركة الي اخذت منها السيارة

جاي امس : تبيه يعلقها في ذمته يوم القيامة عشان انلعب عليه في اقصاد ، ياشيخ لو ادري انهم زارفيني ب 200 الف والله ما اسويها واعلقها في ذمتي وفي النهاية محد طقني انا اللي رحت لهم مستعجل ولا بتسافر فيه الف حل موجود لكن العجلة وعدم المشورة هي من تتسبب في ذلك


يعني من الحلول الممكنة انه يشتري له أي شي بمبلغ بسيط لو ريو ب12000 لو اتسلفها ولا قرض ب20 الف ويمشي فيها اموره سنة لين اجي وادبره يعني تبي تقنعني ان اجراءات شراء سيارة ايجار منتهي بالتمليك اسرع من لو شرا أي شي كاش وحسبها صح


عموماً ردي ليس عتاب الفاس طاح بالراس لكن حبيت ارد على جاي امس اللي يعالج الخطا بخطا اكبر منه يعني ماعنده مشكلة يتحاسب يوم القيامة على شي بسبت انهم مايقهروني ولا يلعبون علي


اولاً مسألة انه مافيه خيار ارجاع السيارة هذي غير صحيحة ، والعقد اللي متأكد انا 100% مهب 99% من الشعب اللي يطلع موتر ايجار منتهي بالتمليك ما يقراه ولا يطق له خبر وحتى ما يجي في باله وقتها يطرح اسئلة لاشياء مستقبلية قد تحدث له ويحصل على اجابه منهم


يبون الموتر وبس ولين مل ولا توهق قال البنك وما البنك وحرامية ، ماجو تلوك على اذنيك وقالوا غصب تتطلع

خلاصة الكلام عشان مانطيل في الحديث ارجع للعقد وراجعهم وقلهم انا برجع الموتر ماعاد اقدر على اقصاده مسألة قالك مافيه ارجاع هذا مهب صحيح قله عطني غير هالكلام وقابل اعلى مسؤول في البنك وانا متأكد انه فيه بس قد يظطر الامر انك تدفع مثلاً مقابل انهم ياخذونها يعني يحتسبون الممشى وغير وهكذا



الخيار الاخير لو فقدت الامل في انهم ياخذونها ولو اني متأكد ان هالخيار متاح ولو رجعت للعقد بتحصله ، الخيار هو انك وقف تقصيدها لعاد تقصدها شهر شهرين ثلاثة لين يسحبونها وبعدها قلهم انا ماعاد اقدر على اقصادها

ابراهيم. خلاص تقبلهااا عن الرجال والله يجزاك خير بدال ما يزرفونك 200 الف

هذي نص زرفه 105 الف بس (^±^)

^^ طيب بسألك سؤال سريع وصريح خلني من تقبلها انت وغيره


هل انت مستعد يوم القيامة تتحمل ذنب وتعلق في رقبتك سيارة اتلفتها متعمد ولا خليتها تنسرق عشان انلعب عليك في اقصاد ؟؟؟


اذا اجابتك نعم ف عندك مشكلة


اذا اجابتك لا فانا اقولك طيب ليه تنصح الرجال بهالخيار ؟؟؟


انا متأكد ان اجابتك لا بس بتكابر ولو نعم ف هذا شي راجع لك لكنك متأكد ان كلامك خطأ


ف عشان كذا اجابتك لأي واحد عارضك طيب تقبلها عنه وهذي دايماً اجابة اللي تثبت له ان كلامك مهب صحيح


ابي اجابة صريحة لو سوا هالشي حرام ولا لا ؟؟؟


انتهى الحوار

يا ابراهيم , مثل ماهم آحتآلو انت آحتآل
من له حيلة فليحتال

قريب لي طلع النترا مديل 2014 الدفعه الثانيه شكل 2015

جنط 17 وفتحه
الزبده طلعت عليه كامل مع الدفعه الاولى والاخيره 116 الف
لانه عن طريق شركه طلع
لو عن طريق بنك كان ماتتعدا 95 الف

لا تحللون الحرام بحجة ان البنك نصاب او انه اخذ اعلى من قيمة الموتر
الرجال راح لهم بنفسه وموقع بيدة على العقد
اخوي شف احد يتقبلها او مالك الا تشوف العقد وتدور فيه ثغره او زلة
والله يكون بالعون وهذا درس للجميع لاتستعجلون وفصفصوا العقد وشوفوا وش لكم ووش عليكم

الله يفرج همك ويكفيك شر الحرام والمسلمين جميعا.

اخصم من القيمه هذه.   قيمه التامين الشامل السنوي 

على ٥ سنوات. 

كل شي وله ثغره وانت شف وش بتلقى طريقه ترجعها لهم وصراحه قصدها عالي الحين سوناتا فل الفل اقساطها 1489 ريال واذا مره مافيها مجال مره خذها كاش بتطلع لك ارخص من انك تقسطها بمبلغ خيالي ع سياره عاديه والله يكون بعونك