حادث مروري والحمد لله على السلامة
7
0
إضغط هنا للإخفاء
السلام عليكم ورحمة الله وبركاته
الى خبراء النظام الحقوقي والمروري تحية طيبة
حدث معاي حادث قبل اسبوع وتفصيله كالتالي
كنت متوقف في اشارة وباقي عليها تقريبا 90 ثانية
والخط اللي اشارته خضراء تقريبا ماعليه سيارات اللي حصل ياسادة انه اللي موجود بالشارع الثالث تطمن لان الاشارة خضراء ومافيها سيارات
وللاسف خرجت سيارتين من الاشارة الثالثة عيال عم يتجاكرون وفي اثناء خروجهم الاشارة حقتهم كانت حمراء وصفرت بالشارع الثاني
ولكن اتت الاقدار بسيارة تمشي بسرعتها تلحق الاشارة قبل تقفل وحصل اصطدام
واتجهت الثلاث سيارات الى اشارتنا اللي متوقف فيها انا اول واحد اطمنكم الحمد لله اني تحسنت بعد اصابات ورضوض بمختلف الجسم
لكن عندي مشكلة بالكف الايسر وبفك الاسنان السفلي ومن قوة الاصطدام صدمت قرابة 5 سيارات .
اعطيت مدة الشفاء شهرين للرضوض والفك و6 اشهر اذا لم تحدث مضاعفات لتنميل اللسان
والحمد لله على سلامتي وجات بالحديد والسيارة قدرتها من شيخ المعارض
وهي للعبداللطيف اجار منتهي بالتمليك واعتبروها تالف لان سعر الاصلاحات تجاوز سعرها قبل الحادث
سؤالي يا اخواني هل لي بطلب تعويض مادي يعوضني ما ساخسره في حال طلبت شركة العبداللطيف اي اموال مني
مع العلم ان المتبقي لي من الاقساط سنه واحدة فقط وهل لي ان اطلب مبلغ من المتسببين لاستخرج سيارة اخرى وكم اطلب ؟
والسؤال الاخر هل لي بطلب تعويض مادي عن ماتسبب لي من اصابات وتكلفة لعلاج لفك الاسنان واطالب به
افيدوني وجزاكم الله خير ولا اراكم الله مكروه
إبلاغ
الردود
0
2
1
0
خل الحمير الي توها بالغه ومسويه هياط تتأدب
4
0
1
0
الظاهر ان السيارة تعويضه بيروح للشركة وانت الله يعوضك خير
اما تعويض اصاباتك فلا تتركه اولاً حقك شرعاً و قانوناً وثانياً لو تركنا كل
مستهتر ومتهاون بحياة الاخرين على كيفه راح يسوونها مره ثانية .
والله يفكك من الواسطات في اخراجهم من القضية .. ويجعل قضيتك عند شيخ
او قاضي اللي قال عنه الرسول صلى الله عليه وسلم ( وقاضٍ في الجنة )
1
0
1
0
بخصوص حالتك تقدر تطلع اوراق تثبت حالتك وتخلي المرور يحولها عالمحكمه علما ان بيطفشونك ويقولون لاتحولها
والعوض مو زين واعتبرها لوجه الله ويلفون براسك بس اجبرهم بتحويلها تتحول عالمحكمه اسبوعين ويحددون موعدك
وتبدا الجلسات
واتمنى منك اخي الغالي ان شئ اسمه تنازل باي شكل من الاشكال لاتوافق ويحقولون لك تنازل وبعدين بنعطيك وبنجيك البيت
بيلفون براسك مزبوط انتبه من هالنقطه لاتوقع الورقه الى بيدك كل حقوقك ولا تسامحهم باي شكل من الاشكال
عشان لايتكاثرون ويصدمون بالناس هالعوض من حقك ومن حق اصابتك
2
0
بعد 12 شهر ن استحدام السيارة انصدمت
تقررت تالف . كان الخطاء على الطرف الاخر.
البنك ابلغني ان مالي دخل لان السيارة باسمهم وبمتابعتي للموضوع تم تحويل الخطاء على سيارتي 100%
اعترضت على النسبة قال مالك حق تعترض وبيتحملها التامين
اللي حصل
1500 نسبة تحمل
يتم حساب نسبة الاستهلاك وخصمها من الدفعه الاولى واذا تبقى شي رجعوه لك واذا لم يتبقى طالبوك
الاقساط هذي ما ترجع لانها بمثابة اجار شهري للسيارة
نسبة الاستهلاك تختلف شركات وبنوك تحسبها باليوم وبعضهم يحسبها بالكيلو بالمسافة المقطوعه
نظام تويوتا مماعندي خلفيه عنه
0
0
0
0
بالنسبه للتعويض السياره افادوك فيها الشركه التامين يتحمل ويدفع للشركه وانت اذا دافع دفعه اولى
ممكن يعطونك القليل منها
اما بخصوص الحمير الحيوانات اللي تسببوا لك تقدر ترفع عليهم قضيه تعويض
ولاتسامحهم ولاتاخذك الحنيه والرئفه فيهم
ولايرسلون لك رجال يطلبونك (( انسى )) اطلب تعويض مالي وخلهم يلطعون بالسجن
0
0
وتبرر ذالك بعدم القدرة على العمل وانت مصاب والشيخ بيحكم لك
لكن اضرار السيارة وتطلب مالي علم بها
والله يشفيك ويقومك بالسلامة
قبل 7 سنه و 8 شهر