محتاج نصيحتكم للكليات العسكرية

ما دام تقديرك ممتاز فادخل جامعة افضل لك

اول شي الف مبروك وانشالله. تنقبل
بخصوص اي مشكلة لاتحطها فبالك انها مشكله وعائق
لأنك تخليها ترسخ في ذهنك مشكله وبمجرد ماتمر فيها ماراح تقدر تتجاوزها لأنك اوهمت نفسك بالفشل

حاول من الآن تسوي بشم لو خفيف بدون ماتعرف نفسك لحد ماتتعدا عليه
وترا اجتياز الفحص الطبي يعتمد بشكل قوي على خلو الجسم من جميع الأمراض والعاهات الصحية وتناسب الطول مع الوزن

إذا عديت هذي الأمور تأكد أن التمارين الرياضية ماهي شرط انك تكسر الحاجز
لأنهم عارفين المتقدمين حاليآ ماعندهم لياقه بدنيه
وكل الي يبون يوصلونه انك سليم وتقدر تمارس الرياضه بدون اي مانع

ونصيجه صغيرة
وقف المشروبات الغازية والعصيرات المعلبة وعليك بالعصيرات الطبيعيه ولو مالقيت خلك عالمويةكلها صوديوم وسكريات وعندنا يجون شباب صغار دخلتهم أمراض السكر بسبب هذي الأمور
بتشوف فرق فصحتك ونشاطك

يارجال الله يوفقك

ماعندي كلام بعد كلام شويخ من ارض مكناس

ياعبدالله الشمري
صحيح الجامعه كويسه
لكن حاليا الوظائف أصبحت نادرة وصعبه
وكل سنه تقل الوظائف وتزيد العطالة
فلو درس 4 سنوات جامعةوترك العسكرية هل تضمن يجد وظيفه؟
اعتقد بيكون الحال أصعب
الأفضل يدخل العسكرية ويمسك وظيفة ومنها تحسب له فمسير التقاعد
بعدها يدرس جامعة انتساب
اربع سنوات دراسة مع 4 سنوات وظيفة
يكون كسب شهادة ووقتها تجيه ترقية وعنده الشهادة الجامعية تفيده مع الترقيات

افضل من دراسة 4 سنوات واخرتها يرجع يبحث عن وظيفة والله يعلم بعد 4 سنوات كيف بتكون الوظائف

الله واكبر حياك الله ياشويخ وينك يارجل اخر موضوع لك قبل 10 شهور
داخل احيي بك والله لو انك قريب قهويتك وذبحتلك قعودين وحشتنا انت والطيبين اللي اختفو من المنتدا الله يرد الجميع وتحياتي لك وبالتوفيق لصاحب الموضوع ان شاء الله تنقبل

ادخل الكلية العسكرية اذا بيقبلوك افضل

الجامعة ابعد عنها حاليا

او شوف لك مشاريع صغيرة وابدأ فيها وتصير تاجر كبير باذن الله

لاتفكر تدخل انتساب لانهم الغوها خلاص

والله يوفقك ياغالي

الف مبروك و الله يوفقك لا توسوس  في  شي و ادخل و انت واثق 

اولاً بتوفيق ، 

وثانياً بقلولك تجربتي سابقه في كلية الملك فهـد البحرية بالجبيل 

** لا تشيل هم المقابلة وحصة اللياقة زي ما قال شويخ هم يدرون ان اغلب المتقدمين اللياقه ضعيفه ويبغون يتأكدون انك سليم تقدر تمارس الرياضة بشكل صحيح ، والباقي تحليل ما تحليل دم وبول وانتم بكرامه وكشف على الجسم بشكل عام ، طبعاً في ثلاثه او اربعه ايام موب يوم واحد كلها والموقع لحد علمي في وقتي في اسكان البحرية على طريق الخرج 

** وكلية الملك فهد البحرية ممتازة اذا عندك لغغه لأنها مهمه مهمه والدراسة الثلاث السنوات انقلش وانا قدر الله وما حصلي اكمل فيها بسبب لغتي كانت ضعيفه وفيه تقرير موقع عليه في حال رسوبك في كيذا اختبار تفصل ، بيعطونك توقع اذا انقبلت قبول  نهـائي 

** وطريقة الدراسة فيها طبعاً بعد ال ٤٥ الفرد الأساس تختبر تحديد مستوى انقلش وعلى حسب مستواك يعطونك الكتاب اللي تبداء فيه .

^^ والكتب اللي تدرسها في السنه الأولى بوكات مستويات ٤ ٧ ١٢ .... ، نفس طريقة المعاهد بس اللهم منهجم عسكري شوي . والكتاب الواحد تدرسه اسبوعين ونهاية الأسبوع تختبره ، وعندك خمس فرص رسوب متفرقه وثلاث فرص متتاليه .

** للتعدي مرحلة الأعدادي اللي السنة الأولى لازم على الأقل تكون متجاوز كتاب رقم ١٢ . 

* ونصيحه اذا اللغة عندك ميح مرره ما انصحك فيها لأنها هي وكلية الملك فيصل الجوية مافيها اعادة سنه بنسبه للأعدادي ، اما كلية الملك عبدالله للدفاع الجوي وكلية الملك عبد العزيز الحربيه موب مركزين على الأنقلش وفيها اعادة سنه ،، والله يوفقك ان شاءءلله وعليك بالحوقله ( لا حول ولاقوة الا بالله ) وحصن نفسك ، 

بالنسبة لكلام اخوي شويخ على ان العسكرية اضمن
الرجال يقول تقديره ممتاز و فرصة قبوله ممتاز فيقدر يدخل صحي : طب او طب اسنان او صيدلة او علوم طبية او حتى تمريض و الفرص فيها كبيرة جدا و اسال اي احد يشتغل بهذا المجال و دخلها ممتاز و مكانه اجتماعية عالية لها

الله يجزاكم خير على المعلومات الوافية 

عبدالله ال شمري انا قدمت على جامعة الطايف المسار الصحي (الطب) ولكن الرغبة الاساسية هي بالكلية العسكرية ولكن في حال عدم القبول لاسمح الله ف بأتجه لجامعة الطايف 

انت عارف نفسك 
اذا انت حق دراسة كمل في الجامعة وطبعا لازم تتخرج بتخصص قوي 
واذا انت منت يمها ادخل العسكرية وتوكل على الله كلها 3 سنوات 
والشيء الثاني ما انصحك بجامعة الطائف للمسار الصحي 
انا كنت فيها وضيعت سنة 

السلام عليكم

شوف يا اخوي ترا كلية الملك فهد تحتاج انقلش ولياقة

اذا تبي نصيحتي دامك طول ووزن وصحة قدم على الجوية تطلع طيار

او خلص جامعة وعلى الامنية ضابط في الداخلية وهذاني متخرج منها ومنزل لها موضوع نصايح عنها

حتى لو ماقبلوك ادرس جامعه واخذ البكالوريس وقدم على الكليات العسكريه فيه ناس كثير سوو كذا درسو جامعه وبعدها دخلو الكليات العسكريه دراسه سنتين وعلقو ملازم اول

لاتفوتك العسكريه شفني ماخذ بكالوريوس هندسه كهربائيه وعاطل لي سنتين والرزق من عند الله لكن الاجانب كل سنه يتمددون في بلادنا العزيزه وياخذون فرصنا الوظيفيه من مسؤول فاسد للاسف سعودي والله يرزق الجميع

حياك 
طلبت الشور العسكريه خله اخر حل 
كبت وغمت انهض اجلس 
حتا السفر ماتقدر لزم اجازة وثيقة الخ
نجي للمدنيه ادرس جامعة وانت معدلك طيب وشف التخصص اللي
عليه طلب 

سوال محيرني معنا ناس باالدوام خذو الجامعة انتساب
وعلى طول تنزل لهم وضايف طبعا مراتب مدنيه سادسة خامسه
وفعلا فصلو وراحو
طيب الطلاب اللي اخذو الجامعات انتضام 
اغلبهم يصيح ومتعطلين لهم سنتين وثلاث واربع 
شي يحير