أفضل كفرات للبرادو

الدنلوب احسن شي عن تجربة

وعندنا البرادو القديم اللي قبل هذا 2003 و نفس مقاس الكفرات ترا.

انا غيرت كفرات نفس المقاس 265/65/17 
نوع هنكوك الواحد ب350 ريال من الوكيل  
في رمضان بس تاريخ الكفرات نصف 2016 
2017 مانزلت في السوق 

سعره طيب ولينة وفيها كل المواصفات 

افضل شي عن تجربة 
الميشلان نقشتين التاير الواحد ( بولندي ) 
البريجستون ( الياباني ) 
اليوكوهاما 
شرط اذا الانتاج حق السنه اللي انت فيها 
اسوء تواير بالنسبة لي 
التويو يابس جدا يطلع اصوات الديكورات 
البريجستون ( الاندونيسي )

اخوي مدرس في الشرقيه.  له سنتين.  وعياله في الرياض كل خميس وجمعه يروح ويرجع
دنلوب  مايركب غيرها
وعندك يوكوهاما.     الافضل 

عليك السلام ورحمة الله وبركاته 
شوف يامشعل انا معي فورد مركب كفرات هانكوك لينه بشكل ماتتصور وهادية ماتحس ب الزفت اللي على الاسفلت بس حدها سنتين مجربه ع الفورد والهايلوكس بالنسبة ماكسس اكثر كلام عنها ماهي ممتازة وشفت كذا واحد بالمنتدى يسب فيها انا مدري عنها مررره مره ولا قد ركبتها كنت بركبها بس نصحوني ابعد عنها اضغط ع اسمي تعرف السالفه  للفائدة فقط فقط مقاس 65 ممتازه جدا ع جنط 17 ماتحس بمشيه طبعا انا ماجبت الكلام من الناس ولا شي انا مجربها بنفسي والله يختار لك اللي فيه خير لك 

ياليت لو  كل واحد يعطي صاحب الموضوع عن الكفرات اللي(( ذكرها فقط)) علشان مايتشتت فكره جميع انواع الكفرات كلها انذكرت هنا  واعذروني كلكم علي عيني وراسي 

لازم ي مشعل تعرف مواصفات الكفرات  بغض النظر عن الشركات لو تعرفها صدقني غير تعرف الكفر  هل هو قاسي او لين من مواصفاته .

اذكر قبل فتره واحد بيغير للجيب
نوع دنلوب قاله البنشري اصبر يومين اطلب لك نوع كويس نفسها دنلوب

الزبده رحت شفت الي يبيعها جديده ومكتوب نفس كل شي وتاريخ جديد

السالفه ومافيها انو في مغشوشه بالسوق ( البنشري خويه)
بعد ماركبها سئلته ايش السالفه يطلب لك وعنده نفسها
قال تجي نوعين في درجه ثانيه تمسح سريع خلال سنه او سنتين
وفي تجلس فتره طويله الي تجي من الوكاله وكلها ضمانها واحد

تجنبا للغش والابتعاد عن ضعاف النفوس اخذ الكفرات من الوكيل الرئيسي للاطارات مثل بن زقر وكيل دنلوب والطلائع وكيل برجستون وبن شهيون وكيل هانكوك

ماكسس تجربة ٣ سنوات 

كلكم على العين والراس وردودكم فخر وتاج ع الراس وبالذات الاخ نواف الحربي كلامك عين العقل وصدقت بكل حرف فيه وصراحه ابي اعطيك لايك وماقدرت
يقول لازم يكون عندك 30 لايك ولكن لك ولجميع من ردوا دعوة بظهر الغيب ان الله ييسر لكم كل عسير ويوفقكم ويبارك لكم فيما رزقكم ياحي ياقيوم

بعد راسي والله مايحتاج لايك يكفيني هادعوه الحلوه الله يسرها لك وتشتري افضل وارخص كفر ان شاء الله والله يعطيك خيرها وخير هالموتر ويكفيك شره يا رب العالمين اهم شي وانا اخوك ابعد عن السرعه اللي ماورها الا الخساير مجرد نصيحه ياخوي  

يسلم راسك .... والله يجزاك خير على النصحية الأخويه والله لايوريك مكروه أنت وجميع من تحب والسامعين

التويو جربت مقاس عريض..... صار الموتر يرقص لو امر على حصاة صغيرة مافيه مثل دنلوب مقاس الوكالة