أضف سؤال أو موضوع جديد          

موضوع الاخ ابو سلطان بخصوص قرض عقاري

up 4 down 1
سكودر 14904
قبل سنه و 9 شهر



السلام عليكم كيف الحال ياشباب المنتدى
واسف على الانقاطع لانشغالي في قناتي في اليوتيوب
ياشباب فيه عضو معنا قديم اسمه ابوسلطان راسلني واتساب وقال اطرح الموضوع في المنتدى وانا انقل لكم
موضوعه الرجاال محضور من موقع حراج ومايقدر ينزل مواضيع وهذا موضوعه

وهو قاعد يتابع الردود حقتكم اول بااول وهو معنا الحين يشاهد ردودكم

السلام عليكم ورحمة الله وبركاتة
ياشباب تكفون الفزعه افزعولي ولا تزدون الطين بله وانا مغبون ورطت نفسي ادري بس نبي فزعتكم للاهل الخبره

قدر الله علي وشريت قرض عقاري بسعر 120 الف ريال من شخص انا بالرياض وهو بمنطقه نجران وعلى كلامه انه قرضه بينزل في الرياض
عطيته الفلوس 120 الف وراح يخلص الاوراق على انه بينزل القرض بااسمه وانا اخذ قرضه واخذ فيه بيت

لكن الصندوق العقاري رفضو او قالو له اصبر مادري احس انه نصب علي واخذ فلوسي 120 الف الي عنده حل ينورنا لي 4 شهور يماطلني مارجع فلوسي
تفكووووووووووووووووووون افزعولي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
الله يعينك المفروض وقعته لاسند لاامر او شيكات ويبين كل
شي باالعقد
ثاني شي احب افيدك القروض العقاريه حولته الحكومه
للبنوك التجاريه 
ويمكن رفيقك عليه قروض من البنك اللي ينزل
عليه راتبه باهالحاله ماراح يعطونه اصلا كامل القرض
ولو عطوه راح يصير بفوايد
اذا انت معك مايثبت انك مسلم الرجال 120 الف قدم شكوى
ونصيحة ابعدو عن شراء القروض العقاربه 
الوضع خلص ماعد هو مثل اول



up 1 down 0
باترول 2020 2512
قبل سنه و 9 شهر



هلا سكودر الله يحييك 

مايبيلها واحد من إثنين اذا استوفى كل المحاولات بدون فائدة ماله إلا المحكمة

وحتى لو مامعه أي إثبات يرفع عليه قضية وتأخذ مجراها بالمحكمة

لكن الأفضل يحاول معه مبدئياً بدون محكمة وإذا شاف مافيه فايدة ماله إلا المحكمة

وللعلم ترى القرض ماينزل بإسمه الا اذا صاحب القرض عنده بيت من الاصل ينزله على البيت ويرهنه وصاحب القرض الاساسي هو المسؤول عن سداده

الموضوع معقد وانا أخوك واحتمال كبير جدا يكون فيه نصب

لأن تخيل اعطيك 500 الف وتاخذها وتروح على وجهك وأكون انا المسؤول عن سدادها ولا اعرفك ولا تعرفني!!!!!


up 2 down 0
دكتوراه في الحب 154
قبل سنه و 9 شهر



طريقة حرام تبيع المال بل المال.؟


up 4 down 1
حمود لجج 20
قبل سنه و 9 شهر



والله فعلاً ورطة 
واللي اعرفه يسوي هالحركة اول الحين معد فيه قروض وكانوا اول اذا اخذ يشتري قرض كان ياخذه من شخص ثقه ويعرفه معرفه تامه والشخص اللي يشتريه ايضا لابد يكون ثقه عشان يلتزم بالسداد مو كذا اشتري قرض من شخص لا اعرفه 
ع العموم الله يكون في عونه واذا ماتجاوب الرجال معه ليس امامه الا المحكمة والمحاكم يومها سنة 


up 0 down 4
abo- hassan -63
قبل سنه و 9 شهر



لاحول ولا قوة بالله
120000 الف
والله يا شباب من زمان ننصحكم
لاتحول فلوس لواحد ماتعرفههههه
الا اذ كان ثقه


up 1 down 0
ابو بدر للتقسيط 33
قبل سنه و 9 شهر



اذا ما معه اثبات باعطاه الفلوس يخلف الله عليه



up 0 down 0
meshal alharbi 223
قبل سنه و 9 شهر



اللي اعرفه وسمعته أنهم وقفو الدفعات من دون سبب!!
لذلك ما في قرض اصلا وأنه الرجال صادق ما يماطل والله اعلم


up 0 down 0
nwaf_sbe0 59
قبل سنه و 9 شهر



القروض موجودة . ولها اشتراطات ومتطلبات . وفئات مختلفة.
منها المدعوم بغير فائدة لمن تمت الموافقة عليهم سابقا.

واما موضوعك فصعب ويحتاج منك بعد اللجوء الى الله سبحانه وتعالى ..ان تبحث عن محامي شاطر يخرجك من الورطة بأقل الخسائر وبأقل التكاليف .

الله يعينك.


up 2 down 0
ابو.نايف999 125
قبل سنه و 9 شهر



بسم الله وبه نستعين
١/ لا ادري من ذا الذي يعطي واحد يعرفه او لايعرفه. مبلغ ١٢٠ من غير عقد واوراق
٢/ فعلا الصندوق والقروض فيها لخبطه.    وبعدين تدري انهم بيخصمون من راتبه ١٠٠٠ شهريا
كيف اتفقتوا وتفاهمتوا.   بمعنى كيف هو يضمن حقه منك بعدين لان الخصم من راتبه وليس راتبك
فعلا حاجه تلخبط لك وله.   ويمكن الاخ اذا جاه القرض ياخذه ويسددك ال ١٢٠.  كأنها سلفه
لأن بيقعد ينتظرك كم سنه تعطيه ١٠٠٠ شهريا
شوف انا تلخبطت ولخبطتك.  الموضوع صعب عليك وعليه هو 


up 0 down 1
عبدالله الشفيعي 1436
قبل سنه و 9 شهر



والله شغلتك تحير من جد ،

لاكن دام انه يماطل وله اربعه شهور. 

ودام انه بعيد عنك انت في منطقه وهو في منطقه 

بيماطل اكثر. لاكن. اذا تقدر تروح له لمنطقته وتتفاهم 

معه وجه لوجه. وقتها بتعرف. وش لك ووش عليك. 

افضل لك من مكالمه بالجوال  روح له. وقابله. 

وخله يثبت لك اذا التاخير ماهو من عنده. 

لا تعلمه انك بتجيه ابداًً 

روح له. واذا وصلت كلمه. قوله انا عندك ونبي نتقابل 

وقتها راح. يبين معك كل شي.  هذا.  رايي. 

وانت لك رايك والي يناسبك سوه. والله ييسر امرك ويفرج همك 


up 0 down 0



السلام عليكم ورحمة الله وبركاته
سكودر
هل المبلغ ال120الف كان تحويل ب البنك ولا يد ب يد تسليم؟
اذا كان تحويل من البنك هذا أثبات ل أبوسلطان اما أذا كان غير ذلك وماعنده سند الله يعوض عليه.


up 0 down 0
mq_16 84
قبل سنه و 9 شهر