الزبده وختصار
الي يسمع عن شخص يسدد عنك مبلغ اسمه ابوخالد
حياته بمعارض النسيم اهرررب منه

سواء ابو خالد ولا ابو صالح اللي يحط اعلان بسدد عنك وبطلعلك قرض وبقسطلك سيارة ولا بيت اعرف انه نصاب ولد نصاب
لو عندي ديون الدنيا ومبلغ عني مطلوب وموقفة خدماتي ما اطالع في النصابين ذول

عاشق الليل

قال تعالى


( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )


وانا خصيمك يوم قيامه

واصابع يديك ماهي سواء

أبو خالد بديت احس انه البعبع الي كنا نسمع عنه زمان فيه ناس وده يملك الدنيا كلها ويسلم رقبته لبو خالد البعبع

ابو بدر قصدي اللي يسلكوا الطرق الملتوية اما النظاميين يا مرحبابهم والشغل النظامي مافي زيه

يمحق الله الربا ويربي الصدقات.  صدق الله العظيم

في مكاتب تقسيط كفو تفك ازمه وشروط واضحه
وتتاخر عليه شهرين وقف خدماتك ومن حقه


لاكن ذا الهامور ابوخالد المختفي نصاب ولا شفته ودبل المبلغ خلال 48 ساعه

ياخي بالنسبهه لي نفسيا ما ارتاح لذول اللي يلصقون فالاماكن العامه تحس وراهم نكبه 
وغير كذا يتخبون ورى اسامي مجهوله ابو خالد ولا ابو فلان والكثير نشوفهم يتخبون ورا الاسماء هذي 
في حال صار شي وبروح اشتكي وش بقول ابشتكي على ابو خالد ولا ابو فلان سلامات !! يتخبون ورى الاسامي المستعاره ذي الا وراهم بلا والله يفرج هم كل واحد ينحد على ذي الامور يارب 

sloo00
صدقت وماتشوف اسمه الحقيقي الى اذا وقعت الشيكات ب اسمه
وموب هو يرسلك ناس اشكالهم ثانيه

انا مارفع ضغطي الى يوم دقيت ابي ابو خالد استفسر منه
وكلمت اكثر من 6 اشخاص كل واحد يتصل بي يشوف وش ابي
طفشوني ولا ادري مين هوا

والله العظيم مرة كنت ابي مبلغ لشغلة ضرورية جدا
وقلت مالي الا الارقام الي الصرافات وكلمت شخص اسمه ابو بدر
وبديت اعطية الموضوع وكم الفوائد
اول سؤال قال عندك كفيل حكومي قلت عندي.
قال تمام
قال بعطيك 10الاف ريال وتصير عليك 16 الف ريال
قلت ياشيخ اتق الله
قال هاذا مو حلالي حلال ايتام
وقفلت والهمني الله واكلم واحد من الجماعة. وقلت بسددك كل شهر با1000
قال تم
واول قسط سددتة اتصل على وقال 5 الاف هاذي فزعة مني باقي عليك 9 الاف
وسلامتكم

نصيحه لاتسدد دين بدين اخر النتيجه تتدبل عليك الديون

أحسنت يا زيت زيتون
الواحد عندما ينضاق يتجه للأصدقاء أو الأقارب ويأخذ دين أفضل من هؤلاء الذين يمارسون الجشع وسيزيدون ضيقتك
وبشكل عام التقسيط برأيي خطأ وورطة
ودوم عيش على قد مستواك المادي

ما له داعي الواحد يطالع سيارة فخمة وبعد أشهر يدور شخص للتنازل

شوف بتنازل السيارات فيه مستعدين يدفعوا خمسة وعشرة وخمسة عشر ألف ليتخلصوا من الورطة،

والله يفرج عن جميع المسلمين، ولا يبارك في الجشعين ولا المرابين

ردودكم جميله جميعا

والحمدلله ربي فكني منهم وباقي لي كم شهر واسدد المبنك حقه كامل
الله يوفق الجميع

كل هؤلاء في وضعهم شبهه شرعيه
لانه يعطيك مال وياخذ منك مال بزياده
فالمسأله ربا كفانا الله الشر
احذروااا منهم

هذول نصابين حرامية مرابين اكالين سحت يهود 
ليس ترحلهم برجلك 
استغرب من الناس الي توقع في عملية نصب واضحة مثل الشمس 

واحد نصاب ورط اخوي لأنه صغير وجاهل استغله واعطاه مبلغ ٣٠ الف قيمه سيارة على انه يسدده ٤٥ الف اقساط ولما وقع على اخوي على الاوراق بدون يطالع وش مكتوب مدري ثقه او لا مبالاة وقتها طلع المبلغ بعد الفوائد ٧٠ الف وقال له اخوي اتق الله ما اتفقنا على كذا قال هذا توقيعك وخلك لاتسدد والله لأسحبك سحب المهم وصلت المحكمه وحلف عند الشيخ! هو ولحيته لاتغركم المظاهر وسددنا مرغمين وكل طقه بتعليمه

اعلانات سداد الديون كلها نصب واحتيال وتوريط لخلق الله في ديون متراكمة

لكن العتب على من يوقع على أوراق بدون ما يقرأ التفاصيل

لما شريت سيارتي الكامري طلبت العقد من موظف عبد اللطيف جميل وقال لي باستغراب ليش تبغى العقد؟ قلت له طالما بوقع من حقي أقرأ العقد وإذا ما ناسبني رح ألغي الفكرة بالكامل

وقرأت في العقد تفاصيل كثير من الناس يجهلها

والله العضيم ان الربا هو نفسه نفس اللي يقولك خذ ١٠ ورجعها ١٦
وانا اعرف محلات كثيرة يسونها بعدين يقولك يالله خذ بطاقات ولا تايد وبالاخير يرجع ياخذها منك ويعطيك فلوسك
ياجماعة تضحكون على ربكم ؟
وبعدين والله لو اموت جوع ماسلمت رقبتي لواحد يعطيني ٢٠ الف اسددها ٣٠ !!!
٥٠٪ فوايد ؟؟؟ البنوك الربوية الكافره ماسوت كذا !
فكروا قبل ما تسوون زي كذا صدقوني حرام وغبنه

حاولو بقدر المستطاع تتجنبو الاشخاص الي يقسطو
والي مضطر ومحتاج يدور جمعيه مع ناس ثقه ويدخل لافوايد
ولا مشاكل ولا عقود وكذب
ولايك لجميع الردود وشكرا