أضف سؤال أو موضوع جديد          

خداع ابواب كراج الموسى من تجربه ..ارجو الحذر

up 25 down 9
midnight_963 676
قبل 4 سنه و 5 شهر



السلام عليكم. ادري انه الموضوع بعيد شوي عن السيارات لكن حبيت احط تجربتي المريره هنا للعظه والعبره والانتباه لاني لاحظت تلاعب كبير وغش وخداع وتدليس ايضا والناس مو منتبهه . مشكلتي مع ابواب كراج الموسى فرع الخفجي وراح ابين لكم كيف طريقتهم في التلاعب وسرقه جيبك باحترافيه. معاناتي بدت اخر عام 2014 ركبت عندهم باب رول وبعد اقل من شهرين تعطل الباب صار يعلق كلمتهم وطبعا جو بعد موعد وصلحو الباب قلنا هذي اولها الله يستر من تاليها لاني مركب ابوابي كلها من شركه انفال ولها سنين ماتعطلت. بعدها بكم شهر ايضا تعطل الباب وانا ماغير رايح وراجع مالي شغل غيرهم . وكل 3 الى 4 شهور والله العظيم دون مبالغه على هالحال. قبل تقريبا 8 شهور (قبل انتهاء الضمان الشامل بشهرين تقريبا ). الباب اذا اغلقته ووصل للنهايه يرتد وينفتح كامل (يعني لو ماانتبهت ومشيت بسرعه ممكن بيتك يتعرض للسرقه ). تخيلو معي الغبنه يصكر للاخير ثم يرتد ويفتح... طبعا اتصلت فيهم وقامو يصرفون ومايردون حتى مركزهم اللي بالدمام صرفني. تواصلت مع وزاره التجاره بالتطبيق وجزاهم الله الف خير ماقصرو كلموهم وخلو الفرع يتواصل معي . وكلمني المندوب المصري وليه بتكلم الوزاره وحنا مابنقصر ومن هالسوالف للاسف اقولها والله العظيم كلهم يلعبون لانهم يتوقعون مافي انظمه بالبلد....المهم ندخل في خدعهم للاسف...جاء الفني وغير لي المكينه او التروس وقال لي بنركب لك الاسترالي اللي يكلفنا 4000 ريال قلت له طيب ليه ماتقولون للناس انه في وطني وفيه استرالي ليه الكذب (اكتشفت انهم يركبون مكينه وطني سيء للاسف نفس شكل ولون الاسترالي ) والحركه هذي المقصود منها ان القطع تخرب بعد فتره السنتين عشان تشحتهم قطع ويسلخونك وبوضحها تالي..طبعا ركبوها واشتغلت وانتهت فتره السنتين والحين بدو لعبتهم القذره...ضمان 10 سنوات...امس خرب الباب كالعاده لاجديد يفتح للربع فقط...اتصلت عليهم جوني الظهر بسرعه البرق حتى انا استغربت (لاحظ انه بعد انتهاء مده السنتين يجونك بسرعه عشان قطع الغيار والسلخ )...شيكو عالباب تشييك سريع وعلى طول وكان عندهم تعليمات ..المشكله من علبه الفيوز وتكلفتها 400 ريال ...حسبي الله ونعم الوكيل طبعا الضمان منتهي وباقي ضمان النصب حق 10 سنين عشان يشلحونك بقطعهم...قلت له طيب كم ضمان الفيوز الجديد بعد ماتركبونه قال لي 6 شهور ...طبعا بعد 6 شهور تخرب مره ثانيه ويسرقونك وتظل فاتح لهم جيبك على طول....للاسف للاسف اقولها ويشهد الله علي بكل كلمه هذا اللي صار ...طبعا ضحكت وقلت لهم لا ...وشكرا .وان شاء الله اشلع بابهم واركب باب ثاني ولا اصرف عليهم...انا ذكرت القصه للتنبيه والتحذير.
ملاحظه: ليس مدح بالشركات الاخرى لكني مركب من شركه انفال اكثر من باب ورغم ظروف الغبار والامطار والظروف الجويه القاسيه ماعمره اشتكى الباب . ايضا لاحظت كثييير يذمون بالشركه بالمواقع وحتى مندوبهم اللي كلمته يقول انفال سيئه سبحان الله ... واتوقع هذي لعبه مندوبين المنافس شركه الموسى للاسف...تجربتي كشفتهم واتوقع كثير مرو بالمعاناه. ممكن شخص يجي ويقول انها حاله فرديه ارد عليه واقول حاله فرديه تراجع الشركه كل شهرين او 3 شهور؟ ؟. ايضا يفترض ان الشركه اذا صادقين يغيرون لي السستم كامل او يدرسون وش الاسباب. اللي متاكد منه ان اغلب ابواب كراج الموسى بالمنطقه تخرب والناس تقلبها يدوي لقله الاستخدام وماراح يدفعون لهم كل شوي مبلغ وقدره. وهذا اللي متاكد منه بسبب سوء جوده هذه الشركه ... اتمنى الحذر وبالتوفيق للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


من أمن العقوبة ... أساااااااااااااااااااااااء الأدب ... للأسف ... أمثالهم في البلد اكثر من الكثير ... وجدوا أرضاً خصبة لألاعيبهم وخبثهم ... 


up 0 down 0



الان يااخوان فيه انضمه صارمه وقوانين اذا ماجو بالطيب يجون بالغصب الكلام موجه للمتلاعبين ......الموسى او اي شركه ثانيه اللي يتلاعب معاك وزاره التجاره فاتحين ابوابهم شكوى وبس وكان الله غفور رحيم


up 0 down 0
ابوحلا777
قبل 11 شهر