سعر البنزين

انت لما تروح محطة تعبي تقوله عبي
10 لتر او 10 ريال
مافي احد عندنا يقوله عبي باللتر
وحسبتك صحيحه اذا اخذناها باللتر
واذا قلنا عبي 13 لتر يطلع حسابك 9.75
يمكن ماعنده 0.25 هلله عشان يرجعها لك

اذا بتحسبها صح مثلا بتعبي 10 ريال 91
يعطيك 13.3333333333 لتر بالضبط


اليوم الاستاذ حسن كتبي نزل ع قناته
في اليوتيوب موضوع يخص تعبئة البنزين

تابعه وراح تستفيد

القضد من الموضوع يا عزيزي
لو تعبي ب 10 ريال كم لتر يعطيك
مثل ماتفضلت 13.3333333333 او اقل
انا من ناحيتي اعبي ب 10 ريال ولكن ماقد وصلت ل 13.3333333333 لتر وهاذا اللي اقصده

اخي انا اعبي ويصير 13 لتر
لكن فيه نقطة بعض المناطق او طرق السفر يكون سعر التر زائد بشي بسيط انت ركز على سعر التر واحسب

بعض الشركات نظامها تعبي بالتر
مثلا اعبي 50 لتر 91 تطلع 37.50 ريال

مثلا تعبي ب 38ريال تطلع 50 لتر و66ملي تقريبا


انا من عادتي اذا عبيت فل ومسدس المضخه وقف اوتماتيك
اقول له وقف لازم يترك مجال للهواء وباقي لي كم هلله اتركه وامشي مو لازم اخليه يكمل الريال

ياخوي الله يصلحك أنت تتكلم من جد ولا تمزح ؟

ربع ريال ما تفرق مع أي شخص أيش ما كان وضعه المادي

ولو أعبي ب 40 ريال يكون خسارتي ريال وعشانه تبغاني ارج العامل ولا اناقش موضوع بهذا السخف !

المصيبه تعرف أيش ؟

أنك تقول أن الربع ريال ضربه على الراس ههههههههههههههههه

الله يهديك بس ..

عن نفسي مطنوخ ماني مثلكم ههههههه
دائما اعبي فل واذا الحساب 29 ريال
والمحطه دائما اعبي منها اعطيه 30ريال
الريال واحد هديه للعامل
استفيد بالاخره اجر واستفيد بالدنيا اذا جيت اعبي
مره ثانيه يجيني يركض ويعرف نظامي الي هو
طقه وحده المسدس والبنزين 91
مايحتاج اشرحله كل ماجيت اعبي
ريال راحد منها صدقه ومنها يحفظ شكلك وسيارتك
والمطلوب منه بدل مااشرحله نوع البنزين وكم طقه
وفوقها يجيك بسرعه يسحب على الباقين
واذا ماعندك فلوس يمشيك تسحب وترجع له

اما اجلس اذله على هلل سلامات ههههههه

المهم الي بيسوي مثلي عليه بمحطات ادريس
عمالهم هنود ممتازين وطيبين لابعد درجه
عكس بعض المحطات يجيك منفس وزعلان
لو تعطيه بطاقة الصراف ماتملي عينه
تجيه المره الثانيه يجحدك

بالنسبة ل نظام المحطات صراحه بدائية جدا المفروض المحطات تتعامل بالشبكة او يكون عندك رصيد عن طريق صراف مشحون وتشحن ويخصم من الرصيد من دون ما تدفع ريال 

والله انا في محطه في حي الريان شرق الرياض
عبيت .....والعداد انا اعرفه يعني لما اعبي ب 20
اعرف وزنيته....المهم ....عبيت ب 20 ما وصل للحد .....
قلت اعطني علبه ...وعب لي لتر .....والله انهم لاعبين في الوزنيه
وطلع اللتر بقيمة اعلى ....المهم دقيت ع المدير وقلت له
تعاال عمالك حراميه ....وجلس يصرف انا بعيد ....مشغول
ويكلم العامل قال زيده ( يعني انا )ب 10 ريال
ويزدوني ب 10 ......قلت له والله ان ما عدلت الوزنيه لابلغ فيك
واجي اليوم الثاني والله يا شباب وهم وازنينها صح وعبيت لتر
وهو موجود طلع تمااااام .....وجلست انصح فيه ...يا اخي خافوا الله ...واذكّّره
بقول الله ::::
( ويل للمطففين ...الذين اذا اكتالوا على الناس يستوفون ...
واذا كالوهم او وزنوهم يخسرون ...الا يظن أولئك انهم مبعوثون)