نقل الملكية والاستمارة منتهية - ساعدوني بالحل

لازم تجديد ما تنقل الملكيه بدون تجديد
بالنسبة للتأمين تنقل الملكية حتى لو التأمين منتهي
ولكن ما ادري هل لازم تأمن قبل تجديد الاستمارة او لا ما اعرف النظام بالضبط

لازم تجدد و بعدين تنقل 

ولطالما ما عندك مخالفات امورك سهلة 

التجديد عن طريق أبشر و قبلها تسدد الرسوم في سداد سواء عن الطريق الجوال او عن جهاز صراف و السالفة ما تاخذ وقت و بعدين 

تمر اقرب قسم مرور تسلم الاستمارة القديمة و تاخذ الجديدة و شف لك معرض ينقلها للشخص اللي تبي تبيع له.  و نقل الملكية خلال 24 ساعة

ومعقب المعرض له اتعابه. 

ياخوي الحين الانظمه متعلقه في الانترنت يعني نظام ابشر يعني كل شي بكبيوتر ومايسجلك التامين اذا منتهيه الاستماره في السستم يقولك تبطي تخش ان شاء فهمت من شرحي ولونه كوميدي اشوي لكن حبيت الطف عليك الجو

اخوي خل المشتري يسوي التامين باسمه وانت ادخل ابشر وجدد الاستماره مايحتاج انت تسوي تامين

ما تقدر تبيع سيارة الا بالتجديد .. التأمين اجباري للي بيشتري انت مو ملزوم تأمن لكن اللي بينقلها بأسمه لازم يأمن
عليه رسوم التأمين وانت عليك التجديد بس او عليه التجديد بعد .. على حسب اتفاقكم

الله يجزاكم خير
انا متفق معاه تجديد الاستماره عليه

يعني الان كيف يامن على السيارة وهي باسمي علشان اسوي لها تجديد
هل نروح معرض ونسوي مبايعة وبعدين هو يكمل الاجراءات !!!!

والا مانقدر نسوي مبايعة اصلاً ؟

خل المشتري يسوي تأمين وروح معاه إلى أي معرض عنده نظام
تم بيجدد وينقل الملكيه في نفس الوقت

ياعزيزي انت الان وضعك سليم موترك مفحوص وماعليك مخالفات عشان تعرقلك هالشغلتين ومتفق معه ان التجديد عليه

خلاص انت انتهى دورك الحين تروحون للمعرض يأمنون عليه عشان التجديد ويجدد وينقل بأسمه والتأمين بأسمه وكفى الله المؤمنين القتال