أضف سؤال أو موضوع جديد          

محتار بين صني وأكسنت

up 2 down 1
khalid24 57
قبل 4 سنه و 10 شهر



السلام عليكم

يا أخوان افيدوني وش الأفضل من ناحية الجودة وتحمل وكرف . الصني حصلت نص فل ب 33 ألف صناعة هندية والمكينة 1.5 لتر وما أدري هل المكينة والقير مصنوعة في الهند أو في اليابان وتتميز أنها واسعة من الداخل لكن متخوف من بلد الصنع في الهند ويعيبها درايش هندل في الخلف. أكسنت أصغر في الحجم وما أدري عن قير CVT متخوف منه الصراحة ولكن تتميز بشكل أجمل ومواصفات أفضل والسعر 38 الف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كشكل ومواصفات وصيانه الاكسنت وماعليك بالقير السياره عليها ضمان وكل الشوارع اكسنت والcvt تحسن كثير عن اول المهم المواظبه على تغير زيت القير اما الصني تتميز بشي واحد وهو بروده المكيف


up 5 down 2
camaro28 813
قبل 4 سنه و 10 شهر



شاكر مرورك وافادتك اخوي camaro28


up 1 down 0
khalid24 57
قبل 4 سنه و 10 شهر



لو انا بمكانك باخذ اكسنت وانا مغمض


up 1 down 1
برق الحيا 88 614
قبل 4 سنه و 10 شهر



اسعارك نااااااااااار
الصني بالحراج اسعارها على 28الف
والاكسنت على 33الف
وكلهم اصفار بالرياض


up 3 down 1
d7ooom777 391
قبل 4 سنه و 10 شهر



الصني ستاندر ب 28 والنص فل ب 31 بطاقة جمركية
الاكسنت ستاندرد ب 34 والنص فل 36 بطاقة جمركية

أنا حطيت السعر شامل النقل والتأمين


up 2 down 0
khalid24 57
قبل 4 سنه و 10 شهر



لو انا باخذ اكسنت بدون ما افكر
الصني غبية احسها جاية بالطول ومافيها عرض
لدرجة حتى تكاية مافيها


up 2 down 1
monjed salih 211
قبل 4 سنه و 10 شهر



انا ارشح الاكسنت لأسباب كثيرة, لكن اذا عاجبتك الصني خذها ولا تفكر في بلد صناعتها, ماتفرق يعني لو أصلا ما أحد عن المصنع اللي في الهند راح تشوف مستخدمين يملكوها 7 سنين ويبيعوها وهم يشكروا فيها ولا أحد عرف انها هندية. الشئ الثاني قير CVT القير موجود من 3 سنين ولا احد اشتكى منه وفي ناس عندهم أكسنت ولا يعرفوا ان قيرها وانا مره استأجرتها يومين ورجعتها وما عرفت الا بعد فترة عن القير وهيونداي حطوا القير في أكثر السيارات مبيعا علشان يوصلهم الfeedback في اسرع وقت وقبل مايجربوه في سياراتهم الاخرى.


up 2 down 1
dell2012 1043
قبل 4 سنه و 10 شهر



شيكت على اسعار الصني حصلتها على 30الف 2017
و2016 على 27 الف
الاسعار اتوقع بدون النقل والتامين واللوح لاني ماقريت التفاصيل
ووالاسعار بالموقع يعني لو تروحله ويشوفك صامل ينقص من قيمتها


up 1 down 0
d7ooom777 391
قبل 4 سنه و 10 شهر



الافضل اكسنت قطعها رخيصه وعمليه  انصحك ب اكسنت وتحصلها نص فل ب 33ونص بطاقه 


up 1 down 0
mm.2015 155
قبل 4 سنه و 10 شهر



أي معرض يبيع اكسنت نص فل ب 33 ونص ؟



up 0 down 0
khalid24 57
قبل 4 سنه و 10 شهر



إذا أخذت الاكسنت راح تفتقد مكيف الصني الثلاجة


up 2 down 0
business to consumer 1163
قبل 4 سنه و 10 شهر



الصني افضل 
سعر اقل - مساحه المقاعد الخلفيه والشنطه اوسع بفرق واضح!

مكيف الصني افضل من مكيف الاكسنت معروف مكيف الصني
مايحتاج مدح !

اذا ماتفرق معك خذ الاكسنت مع العلم تكيف الكوري بشكل عام
ضعيف ومايجمل مع الحر . 




up 2 down 0
الـتاجر الـكبير 726
قبل 4 سنه و 10 شهر



معي صني 2016 وجربت اكسنت 2015 اتوماتيك 
ومن تجربتي شفت ان الصني افضل من الاكسنت بمرااحل 
من ناحية تكييف ووسع ورساوة وسعر مقابل المواصفات 
والخيار لك 
انا من النوع الي مايهمني شكل السيارة فاشوف انه عادي 


up 1 down 1
مجرد متصفح 656 141
قبل 4 سنه و 10 شهر



طبعا الصني يدون تفكير واصلا غلط كبير انك تقارن الصني بالاكسنت الصني مساحة تكييف رساوة لكن تعال شوف الاكسنت لو تجاوزتك تريلا اتوقع بتتقلب يلعب فيه الهواء من خفته


up 1 down 1
جمايكا 2
قبل 4 سنه و 10 شهر



بهالقيمة بتلاقي التيما 2014 نظيفة بالسوق ومامشت كثير وبتلاقي اقل بعد
خذ لك موتر يعزك ويشرفك وكلها نفس الصرفية اربعة سرندل
ابعد عن الاكسنت والصني اللي لو تمر جنبك تريله طلعك هواها خارج الشارع


up 1 down 2
سند10 1161
قبل 4 سنه و 10 شهر



كل خباز بينمدح الخبر الي معه الي معهم صني بيحس انه سيارته لكزس LS والي معهم اكسنت يتوقع انه معاه بنتلي 


شف ياخوي انت لاتهتم لكلام فلان وعلان انت الي بتسوق السياره مب هم 

رح اقرب مكتب تاجير وخذ صني يوم وخذ اكسنت يوم وشف الي ترتاح له 


up 1 down 1
عبد العزيززز 191
قبل 4 سنه و 10 شهر



الاكسنت أفضل لأنها تتصنع ببلدها كوري الأصل والصناعة بينما الصني بعدها لأنها تتصنع خارج بلدها يعني يابانية بس تتصنع بالصين


up 0 down 2
rashidy 355
قبل 4 سنه و 10 شهر



عفوا تتصنع بالهند**


up 0 down 1
rashidy 355
قبل 4 سنه و 10 شهر