و ش رايكم ربع تويوتا و لا نيسان 2013 ؟

وعليكم السلام
تماسك ديكورات بدي لصالح التويوتا

قوة عزم عزل الهواء راحه رساوة لصالح النيسان

تحمل كلها مصنوعه للبر وللاستخدام الشاق منظر صراحه مدري وش اقولك هذا شيء راجع للذوق يعني مافيه تفوق
او مقياس عشان تسألنا عن المنظر اسأل نفسك عن المنظر وشف وش يعجبك

قطع الغيار مر اقرب قطع لكل واحد وسعر اغلب القطع وتأكد بنفسسسسسك

لكن إذا لك ميول لواحد من هالموترين اقولك اتبع ميولك لان مستحيل ترتاح لو شريت غير اللي تحبه واي عيب فيه
ماراح تتحمله

لكن إذا ماعندك ميول لواحد عن الثاني
رأي فــــتــــك افضل ان بغيت خطوط وان بغيت بر ونصيحه حاول تجربهن قبل تشتري

اولا وقبل كل شي .. مشكله النسيان الازلية بالهربده خلاص انتهت

الحين اي واحد يقولك نيسان يهربد او قير cvt فاشل اعرف ان اخر خبره بالنسيان من عام جد جدي

الجيل الجديد خصوصا ٢٠١٦ وفوق تفادو اغلب المشاكل والعيوب مثل الهربده ومشاكل القير بمواتر السيدان .. رأيي تاخذ ربع النيسان مكينه فتك شوفه مع الدوريات والمرور السري مستحيل ياخذونه عبث

اما ربع التويوتا مااقول فيه شي غير ان شكله شبهه وبقزة ومعروفين الناس اللي ياخذونه

اما ربع التويوتا مااقول فيه شي غير ان شكله شبهه وبقوة ومعروفين نوع الفئة اللي ياخذونه غير كذا مشاكل مكينه الراسين 4.0 كثيرررره من ضمنعا عزمها البارد بالاضافه الى تخبيطها المفاجئ بسبب سقوط مسمار الثلاجه داخل المكينه

اما مكينه الفتك فرق السماء عن الارض لامن ناحيه القوه ولامن ناحيه الجوده والعمليه .. المشكله الوحيده اللي بتواجهك هي صرفيه البنزين وهذي تلقالها حل مع كراجات البرمجه المشهوره مثل كراج التويجري واسعارهم تبدأ من ٧٠٠ ريال الى ١٥٠٠

ابو هيثم
تقول اللي
الحين اي واحد يقولك نيسان يهربد او قير cvt فاشل اعرف ان اخر خبره بالنسيان من عام جد جدي
الجيل الجديد خصوصا ٢٠١٦ وفوق تفادو اغلب المشاكل والعيوب مثل الهربده ومشاكل القير بمواتر السيدان
...
اجل عام 2016 قبل سنه وليس من عام جدي
............
رأيي التويوتا ربع كلن يعرفه رساوه 0 راحه0 بنزين شفط
هذاك اول يكسب ويمسك فلوسه الان
ابدا خساره في خساره وكلامي عن ناس اعرفهم تخوبرو فيه
الان بعد البنزين ماحد يفكر به ابدا لانه خساره
واحد من الشباب شاريه15 وكاله او شبه وكاله
بعد سنه كرهه
يقول اذا عزمت عند احد اخذ موتر غير اروح فيه
واذا شافني احد انفشلت
وغير مريح وبنزين شفط
ولايشيل عائله حتى ماتقدر تشيل عليه حرمه من العائله
عرضه بالمعارض يادوب 70 الف جابها
.
النيسان
مريح راسي واغلب ملاكه اهل صيد وكبار
لاكن شفط بنزين وهربده
..................................
اذا براسك جيب البرادو افضل واحسن

مسمار الثلاجة تفادوا هذه المشكلة ولا عاد صارت موجودة من بعد 2012
بالنسبة للبنزين الربع التويوتا أوفر لك في البنزين من النيسان ، وعزمه كويس إلى يقول عزمه ما هو كويس لا يزعجنا بهذا
الكلام هذا عن تجربتي الشخصية عزم ممتاز جداً وإذا أخذت رفرف يكون مريح أفضل من السلق ورساوة أفضل ، بالنسبة
للمبيعات الحكومية أتحدى يا ابو نيسان أن تثبت لي أن مبيعات النيسان أكثر من مبيعات التويوتا ، لاحظ قطاعات الأمن سياراتهم
التويوتا الربع منتشرة وما تطفى ، صحيح المرور السري ماخذين الربع النيسان لكن ما يشتغل مثل ما يشتغل الربع التويوتا إلي
عليه الشعار الرسمي ، بالنسبة للشبهه وخلاف ذلك هذا يعود لشخصية من يقوده وليست السيارة تحدد من أنا حتى يقال أني
شبهه ، تصرفاتك وما تعمل من إضافات على السيارة هي من تجعلك شبهه أو انسان محترم ، ولا تنسى كذلك فيه درباوية
كثير ما يفضلون إلا الربع النيسان وما يفعلونه من تفريغ للدبة وتغيير الهوك الخلفي ، بالهوك الطويل الذي يسبب خطورة
لمن يمشي وراك وهذا ما نجده إلى عند أصحاب الربع النيسان ، أيضاً نقطة أخيرة ترى الديكورات الداخلية فاتحة وبيج في
التويوتا وسوداء وكحلي في النيسان .

بالنسبة للبنزين ، أنا مشيت على الربع تويوتا 480 كيلو وولعت لمبة البنزين ومشته 500 كيلو وعبيت بنزين ، القيادة كانت طلوع
ونزول وكثرة تبديل النمر ، يمكن لو أنا ماشي بسرعات متقاربة كان يوفر أكثر ، يعني معدل المشي 500 كيلو
إلي مجرب النيسان يعلمنا كم يمشيه الفل .

رفيقي معه ربع نيسان 2009
يتردد عليه دوام يقول صرف صرف بشي كبير
واخذ اكسنت علشان الدوام

لا تتبع رأي ابو هيثم لانه رأي متعصب واضح اجل تخبط المكينة بسبب مسمار يطيح :) !!!!!

ياكار ١٠ هو صادق وقد خبرني واحد في الصناعية ميكانيكي قال انتبه من المسمار اللي فالثلاجة وفعلا خبرت زميلي راعي الجيب وقلت له انتبه وقال هو لا عادي يمكن اشاعة مادار شهر الا ومكينته مخبطة والله الشاهد على كلامي 

عيب في موديلات ٢٠١٠ وفوق ماادري عن الموديلات الجديدة 

على كلامكم كلها عيوب كبار من بنزين و هربده و تخبيط + حززية فتك و ربع
حيرتوني !!!

يا car 10 اجل صار تعليقي تعصب واضح !!! اجل وش تقول عن التعليقات الثلاث اللي بعدي اولهم جاك وقلب الكلام فوق حدر يبي يطلعك غلطان بالغصصصب .. المضحك المبكي واضح اللي يبي يسب النيسان ولا يدري وش يقول اخر شي قال خذلك قرادو ترى النيسان يهربد ههههههههههههههه !! يامسلم ماتشوفي كاتب ان مشكله الهربده انتهت واللي يقولك يهربد اعرف ان خبرته بالنسيان من عام جدي .. اقولك تيس تقول احلبه

الثاني جايك مهاجم وارفع وانزل واتحدى واهايط كأن أحد سابه شخصيا ماكأنه شايف تعليق يختلف معاه بالراي ؟؟ والا بس علشانهم متعصبين لمحبوبتك التويوتا صرت تشوف تعليقهم عاديه هههههههههه هذي مشكله اللي مايشوف الا بعين وحده

ثاني شي اذا ماعندك خبره بمشاكل جيوب التويوتا لا تقعد تزعجنا بالتطبيل لها بكل تعليق .. سبحان الله انا اخذتها قاعده اي واحد يطبل لشركه ويخسف بشركه منافسه اعرف ان ماعنده سالفه .. وبامكانك تدخل على مواضيعه واذا ماعنده تابع تعليقاته راح تكتشف ان الخبره الميكانيكيه عنده صفر وماغير يردد كلام يسمعه ولايدري وش السالفه زيه زي البوق الناعق لا اكثر ولا اقل (( مافيه شركه سيارات بالعالم كل سياراتها ناجحه ولا فيه شركه كل سياراتها فاشله ))

اخوي شغال بأمن الطرق وكان مثلك مايداني النيسان وبعد ماجابو دفعه الجيوب السريه اقتنع فيه واشتراه وكان معه شاص قبل على فكره .. وليش ماتكرف كثر التويوتا ام شعار رسمي ابي افهم ؟ بالعكس ممكن تنكرف اضعاف مضاعفة لانها سريه وتصيد المخالفين بسهوله وهذا الهدف منها اصلا بعكس المخالفين اللي اذا شافو جيب الدوريه بالشعار الرسمي يايهدي من سرعته ياينحاش .. انا اتوقع انك جايب هالفكره لانك ساكن بمدينه ونادر تشوف السري كثر ماتشوف جيوب بالشعار الرسمي .. لا يالحبيب الجيوب موجوده لكن ماتفرقها عن السيارات العاديه لانها على اسمها سري ويمكن تنتبه لوحده وماتدري عن ٢٠

وبعدين فيه فرق عن اللي يحكم على ديرته الصغيره وبين اللي ساكن بمدينه رئيسية مثل الرياض وجده والدمام .. وبين اللي اغلب وقته خطوط ويشوفها دايم .. بعدين جيوب النسيان مع الامن العام كانت موجوده قديما قبل ٢٠ سنه او اكثر بعدين انقطعت ورجعت بموديلات ١٦ و ١٧ فمافيه مجال تقارن بين سيارتين وحده تورد للدوله بشكل متواصل والثانيه مقطوعه ومارجعت الا من سنتين .. طبعا المشكله مشكله وكيل لا اكثر ولا اقل والا فسر لي ليش مااخذوها الا بعد ماصار بترومين وكيل رسمي للنيسان .. لعلمك النيسان صار له ٤ وكلاء اخر ٨ سنين بترومين والعيسى وقبلهم الجبر والحمراني

اما سالفه العزم لا يابوي عزمه بارد بالطلوع ابو مكينه الراسين ٤٠٠٠ ومافيه مجال تقارنه بقوة المكينه ام راس واحد ٤٥٠٠ .. انا مجرب الشاص ٢٠١٤ وهو نفس الربع .. اذا تقصد بالخط انا معك افضل لكن اذا مايشرف وجهي بالبر وش ابي فيه .. غير كذا اذا تفكيرك عن الدرباويه اجل على لاتشتري الهايلوكس ولاتنصح فيها احد ابد ؟؟؟ ببساطه لانها مركوبهم الاول .. فرق بين واحد يبعد عن موتر مشتهر انه للتفحيط والدرفت مثل الكوابرس ولو شراه مايأثر على سمعته لان الناس عارفين انه عاقل .. وبين موتر يدمر سمعه راعيه ويسود وجهه عند الرجال لانه معروف من ياخذه واي فئه بالمجتمع.. لابارك الله بموتر ينزل من قدري واحترامي عند الناس واذا شافوني اسوقه قالو هذا ******

ملاحظه: انا مااتهم احد بشرفه وابرأ لله من هذا الشئ وصار لي 5 سنوات بالمنتدى ماقد تدخلت بالاعراض والشرف من اي ناحيه ولله الحمد .. هذا تنبيه بسيط علشان طبل التويوتا اذا قرى هالتعليق وعجز يلقاله رد مايجي ويقلب الكلام ويفهمه ويصنفه على كيفه

اخوي سمح لنفترض ان الهربده موجوده ( افتراض بس )

عطني تعريف للهربده هل تقصد الديكورات ؟ العضلات ؟ اذا هي على كذا ماسألت نفسك ليش جيوب ربع النيسان من موديلات ٩٠ عايشه الى الحين حتى لو بدلو مكاينها بمكاين الكزس ٤٠٠ او مكاين الامريكي LS1 بالنهايه عضلاته وديكوراته هي نفسها وتكرف لها ٢٧ سنه .. طيب في اسوأ الاحوال نقول بدت تتفكك ترى كل السالفه تربيط وجلد مقصات ماراح تكلفك ولا ٥٠٠ ريال يارجل خلنا نقول ٢٠٠٠

الشي الثاني سالفه الصرفيه وقلت لك حلها بالبرمجه و تاخذ من ٧٠٠ الى ١٥٠٠ يعني قل من الف ريال الى ٣٥٠٠ ويرجع الموتر مثل الجديد

ولا انك تخوبر بتخبيط مكاين وبلاوي وعزم ضعيف .. يارجل مافيه مقارنه نهائيا بين مكينه الفتك ٤٨٠٠ وبين مكينه الربع ام ٤٠٠٠ اللي المفترض انها تكون اقوى (( لانها راسين )) لكن مدري وشلون صارت اضعف ؟ اسأل حقين التويوتا لعلك تجد اجابه

ابو هيثم واضح تعصبه الشديد للنيسان ، ماشي النيسان كويس ولا قلنا فيه شيء ، لكن مسألة انك تدعي أن الربع تويوتا عزمه
ما هو كويس فهذا الكلام مردود عليك ، عزم وتسارع جيداً جيداً هذا عن تجربتي الشخصية مقارنة بسيارة نافارا معي من أول
وهي نيسان كما تعلم ، التسارع والفزة لاحظتها أفضل من النافارا مع النافارا لا بأس عزمها طيب لكن لاحظت الجيب أفضل
بالنسبة لمسألة الادعاء بالتخبيط ومسمار الثلاجة هذا ممكن يكون عيب في موديلات معينة وليس في جميع السيارات وإلا كان
ما شفنا سيارة ربع أو شاص إلا وهي مخبطة ويا كثرها مع الناس وما شفنا احد اشتكى من هذه المسألة ، الخلاصة أقول
الربع والشاص التويوتا تضل سيارات قوية ومعروفة بتحملها وأكبر دليل على هذا سيارات الجيوش والمليشيات المسلحة
أكثر سيارات يستخدمونها وهي دائماً تتصدر المشهد في نشرات الأخبار ولا أحد ينكر هذا الشيء ، هل لو كانت سيارات سيئة
ومكاينها تخبط بسرعة هل ستكون منتشرة بهذا الشكل ؟

ي النهراني الحين لو تشوف واحد يقارن عزم مكينه الصني بمكينه الافالون وش بتقول عنه !! اسألك بالله ؟

نفس الشي انت تقارن مكينه ٤ سلندر ب ٦ سلندر .. اجل انا بجيب هايلوكس وبقارنها بعزم ربع النسيان وبجلس اسب الهلي واقول عزمها فاشل وارفع بالنيسان دام هذي سواتك ههههههههههه .. لو انك جربت عزم وتسارع الربع او الشاص مكينه ٤٥٠٠ كان عرفت قصدي وماجلست تمدح مكينه ٤٠٠٠ اللي عندك

ثاني حاجه شكلك تقصد الجيش السعودي وقوات درع الجزيره الله يحفظهم ويسدد رميهم .. ترى الشاص محد يعرفه الا ابناء الصحراء اللي هم دول الخليج الست بالاضافه لليمن والعراق ومعهم دول القرن الافريقي السودان والصومال وارتيريا واثيوبيا .. واخر حاجه دول المغرب العربي ليبيا وتونس والجزائر والمغرب .. هذي ١٦ دوله فقطط من اصل ٢٤٤ دوله بالعالم تعرف الشاص .. من وين جايب معلومه انه مستخدم بجميع جيوش دول العالم !! شكلك خالط بين الشاص والهمر هههههههههههه

ياولد اتحدى اذا كان الاوربيين والامريكان يستخدمونه او يعرفونه اصلا

بالنسبه ل ابو هيثم  انتبه لاتدخل في ذمه الناس وتراك تقول كلام بيعقبك الله فيه يوم تقول الربع التويوتا معروفه الفئة اللي ياخذونه وانا عارف قصدك زين انتبه لكلامك