وين اكبر حراج سيارات بالرياض

بالرياض ما فيه غير موقعين :
معارض النسيم وهو الاكبر - يقع شرق الرياض على طريق خريص
معارض الشفا وهو متوسط - يقع جنوب الرياض في حي الشفا
وكلها حولها شقق تقدر تسكن فيها وبالسيارة او التاكسي تقدر توصل لها .
والاسعار اسأل اهل المعارض يفيديونك ..

تبي النظيف واللي يبي يبيع رح للنسيم
تبي الدرادع وخرد الشريطية رح للشفا

حراج النسيم اكبر 

ومن ناحية الشقق كثيره. 
ومن الشقه للمعارض. تركب ب١٠ريال. 
بشارع الاربعين وشارع احمد بن حمبل 
كلها حول المعارض بالنسيم 

تبي سيارات سيدان وهايلكسات ودداسن وطقتها تحصلها في الشفاء افضل تبي جيوب وشيصان وجموس رح النسيم

النسيم افضل للي يبي يشتري جديد
الشفا افضل للي يبي يشتري مستعمل

بخصوص الاسعار الجديد ما فيه نزول ماسك سعره
المستعمل فيه نزول خفيفه لكن ماهو مثل ما تقوله الناس فالمجالس
يعني بعض الناس يبالغ في نزول الاسعار ثم اذا نزلت المعارض تتفاجئ انها مجرد سوالف
والبيع والشراء فيه ركود في جميع السلع