رايكم في الفئة السابعة 740

الصيانه مكلف جدا ماانصحك في السيارات الفارهه

ممتازة ما عليها كلام

وعليكم السلام ورحمة الله وبركاته
الفئة السابعة تعتبر الفئة الفاخرة لدى BMW فمن الطبيعي تكون صيانتها مكلفه وقطعها غالية
- هل فيها خرباات أو عيوب مصنعية ؟
ماعندي علم للأمانة
- هل صحيح الكلام انه التيربو بعد ال ١٠٠ الف يبغاله تغيير ؟
مو أكيد بعد 100 الف أتوقع يمشيك أكثر لكن في النهاية لازم تسوي لها صيانة وصيانة التيربو مكلفة
انا عندي قناعة مااشتري سيارة فيها حاجتين:
- تيربو
- قير CVT
وأنصحك بالفئة الخامسة لأنها أكثر إعتمادية وتتحمل الكرف

اذا انت مقرش فلوس
اشترها واذا طفشت بعها بريال وربع
اذا بتدفع دم قلبك
احذر

النهراني
انت مدحت الموتر
هل استخدمت اللي اسمها بي ام
هل استخدمت سياره اوربيييه بوجه عام

مشكورين 
اتمنى نشوف اراء زيادة 

سيارة ما عليها غبار في حالة انها كانت وكالة وراعيها مريش يقدر على 
الصيانة وقطع الغيار .....وممشاها 120؟ نصيحة لوجه الله طيحتها طيحة وبيعتها غبنة

ع حسب السعر والنظافة محد يقدر يعطيك العلم الأكيد

اهم شيء اذا شريتها هل هي نظيفة ؟! 
بعد مشتراها تقدر على صيانتها ؟! 
اذا بغيت تبيعها تهمك قيمة بيعها او تغبنك ؟! 

جاوب على كل سؤال بحذر .. وتعرف اذا تناسبك او تصرف نظر عنها 
والله يوفقنا واياك 

اكثر ناس ملعوب عليهم اللي يشتري سياره فارهه بدون ضمان , ياحبيبي هالنوع من السيارات اول مايخلص الضمان يطيح سعرها النص لان صيانتها مكلفه وعلى كلامك ماشيه 120 يعني انت بتستخدمها الى متى ! صدقني ماتوصل 170 الا وقامت تطلب واذا تبي اقنعك رح للورش المتخصصين واسال عن قط الغيار الاستهلاكيه

(هذي سيارات غير مخصصه للعمل في بلادنا)
عندنا يالله السيارات اليابانيه تعيش
بسبب الاجواء وظروف الخطوط والقياده

و أحد الاشخاص قالي كلام صراحه ممتاز
يقول انا ما فيه امل اشتري سياره ب100 الف فوق

والسبب : اول شيء الخطوط متكسره ومنتهيه ما تروح ثلاث سنين الا والسياره يبغى لها تربيط

ثاني شيء القياده عندنا سيئه جدا يجيك صغير سن متهور او كبير سن ما يعرف يسوق او سواق وغيرهم

ثالث شيء الاجواء عندنا شديده الحر والاتربه الشبه دائمه طوال العام

رابع شيء سياسة القياده عندنا ، حنا صراحه مهملين وقيادتنا شاقه

وغيرها من الامور ..

شوف انا مااعرف عن السياره شي عشان ماافتي من راسي 
لاكن انت اذا وضعك المادي ممتاز وتقدر تتحمل صيانتها وجربتها قبل او استخدمت سياره من فئاته فالقرار النهائي لك 
ومن ناحية اسعار قطع غيارها فهي معروفه ان السيارات البي ام والرنج وغيرها من السيارات هذي قطعها غاليه وغالباً لازم طلبيه 
لاكن قبل ماتسئل عن الخرابات وعن سعر القطع ؟
اسئل عن الورش الي تعرف تصلح البي ام لان الي اشوفه ان مافيه ورش يتقنون اصلاحها بعض الورش  يتعلم ويصلح شي ويخرب الثاني واسعار شغلهم غاليه يستغل الزبون لان الورش الي تخصص بي ام قليله  
جاري معه مرسيدس 2003 لف الرياض كله ماحصل ورشه مثل الناس بعضهم يشتغل فيها ويومين ورجع نفس الخراب وبعضهم يقول خلها عندي وافحصها وتجلس يوم يومين وبالاخير يتصل يقول تعال خذه ماعرفت وش فيها 
والراي النهائي لك انت مقتنع فيها وقادرعلى صيانتها فخذها ترا قطعها غاليه بطاريه فوق الفين ريال وكفرات الى اخره.. 

مَسَـاء الخَـيْـــر على الجميع
قبل شراء السياره يجب تقييم نفسك انت
هل انت من النوع المحافظ واللي رجله خفيفه على الموتر؟
هل انت محافظ على الصيانه اول باول ؟
هل انت من النوع اللي يهتم بتركيب القطع الاصليه او مافرقت؟
هل انت من النوع اللي يسلم سيارته لاي احد ؟
بعد التقييم تقدر تقرر وش تشتري
اما الخرابات فكل السيارات تخرب لكن اذا انت مهمل فابحث عن السياره اللي
تخدمك وتكرف معك وصيانتها متوفره في كل بقاله
واذا انت محافظ فخذ سيارة فارهه مايضر

اما البي ام فانا مستخدم لها لكن عادي مو تيربو سيارة عمليه حلوه
لكن يبغا لها اهتمام ومحافظه
هناك عيب مصنعي في الجنوط الخلفيه دائما تتعرض لكسر
وبعد البحث اكتشفت عدة حلول منها انك تركب للخلفي نفس مقاس الجنط الامامي
الامامي 245 والخلفي 275 ركبها كلها 245 وترتاح للجنوط ال 19
او انك تركب جنوط 18 وترتاح من الكسر ومن صوت الاسفلت تزيد نسبة العزل اذا كان ارتفاع الكفر 50
وسلامتكم

عندي BMW 2013 740 ما يشتغل البلجكتر والشاشات الخلفية وش السبب