هل يشملني التامين ؟

إذا عندك تأمين شامل .. يتوجب وجود تقرير حادث

أما ضد الغير ماعندي فكرة بالإجراءات

اولاً الحمدلله على سلامتك

ثانياً سبق ان حصل لي نفس ماحصل معك بالتمام ، ومانقول غير حسبنا الله ونعم الوكيل في كل مستهتر في ارواح الناس ، وبالنسبه للتامين اللي حصل معي عند اقرب نقطه تفتيش خبرته باللي حصل وكان الوقت متاخر وماهم عارفين وش يسوون ، اقولهم ابي تقرير ومن هالامور ، يدقون علي المسؤل عنهم ويكلمني يقولي تعالي بكرا الصباح نعطيك الحين ماعندنا ، قلت ياشيخ ! تبيني ارجع امسك خط لكم عشان اخذ تقرير ، قال الا ان كان عندك احد بديرتك يسنعك ! كذا قالي بالحرف الواحد ، الوكاد اول ماوصلت اخذت لي كفر وجدعته في الطريق ودقيت على التامين وجا شاف الضرر وصورها ، ياخي احيان حقك مايجي الا بالطقيق ، 

كم تتوقع تكلفة الاصلاح وكم نسبة التحمل في شركة تامينك
اذا كانت مقاربة لنسبة التحمل فصلح بدون مطالبه
لانك بتدفع نسبة تحمل وبتتسجل عليك ويرفعون سعر التجديد اذا جيت تجدد

اذا تامينك شامل ماراح تستفيد لانه عندك شيء غثيث اسمه رسوم التحمل وقيمتها 2000 ريال في الغالب ولاتقل عن ذالك ,
بتدفع الرسوم لعدم وجود الطرف الثاني ومن هذا القبيل .
فاصلحها ولا تتعب نفسك

اذا موترك ماخذه من الراجحي تامينه اذا تكافل
وسجل التقرير الخطا عليك 100%
هنا بتدفع تحمل 3000ريال
واذا موترك له اكثر من سنه بتدفع نسبة 10%
من قطع الغيار
عن تجربه لي دفعت 3000 ونسبة القطع لان الخطا علي

طيب هنا الخطأ ليس عليه في هذه الحاله

الحين كلامك ناقص عن سيارتك

نبي نعرف هل هي ايجار منتهي بالتمليك والا باسمك 

لان في فرق بين الاثنين

اذا باسمك

ارجع نفس المكان ودق ع المرور ويجيك ويسوي تقرير وتاخذه وتسوي تقدير القطع وكل شي

وتروح البلدية او الامانه وترفع الاوراق لهم ويعوضونك بشرط تتابعهم وتجلس لهم 

اما اذا ايجار منتهي بالتمليك ماراح يجيك ريال 

لان السياره مو باسمك