متخرج من الثانوي ساعدوني

وعليكم السلام

يالغالي بفضفض بهالوقت صار كل شي متأزم الشركات صارت تفصل السعوديين

والي متوضف حكومي شددو عليهم أنا موضف بشركه ما أمداني أتهنا

ألا وعطوني أنذار بالفصل بدون سبب واضح مع أني ملتزم بالحضور وماغبت أبد

لاكن وش تقول أخر زمن الأجنبي صار يتحكم فينا حنا ياعيال الديره

والحين مالي غير العسكرية لعل وعسى يقبلوني

سؤال أنا عمري 27 يمديني أقدم على العسكرية ولا راحت علي ..؟

والله يرزقنا ويرزقكك من واسع فضله ويغنينا بكرمه عمن سواه امين يارب ..

الله يوفقك ويكتب لك كل خير ، 
اول شي استخر واقرا عن التخصصات والكليات وش الافضل 
ابحث وكثف البحث واسال ، وان شاء الله بتقتنع

انا اشوف هالكليات كلهم قويه ، لكن الشباب يفيدونك اكثر ان شاء الله 

ابوفيصل .. ايه يمديك
العمر الاقصى اتوقع 30 او 31 تقريبا بس ما يقل عنها الاكيد

ابو فيصل خويي قدم في العسكريه وعمره فوق الثلاثين
اكيد يقبلونك

الي اعرفه معهد الاداره دبلومها قوي جدا
ويعادل البكلريوس في بعض الوظايف
مثل البنوك يفضلون معهد الاداره عن الجامعي
بس الكلام التخصص الي بتاخذه وشو هذا
الي يحدد مصيرك اما الكليه او المعهد
ماتستفيد منه لو تاخذ تخصص ماهو مطلوب

التخصص الي بعهد الادارة اخذته سكرتير تنفيذي هل هو كويس لان سمعت انها افضلهم 

شوف هيئة الطيران المدني عندهم تدريب منتهي بالتوظيف
رواتب حلوة

صادق والله ي ابو فيصل انا واحد من الي انفصلو حسبي الله ونعم الوكيل وتوني ببداية عمري وكل ماقدمت على الشركات انلخم مادري وش اقول سبب فصلي مع انهم خلوها استقاله لكن هي فصل بالاساس شوف الحرس الملكي يقبلون لحد عمر 30 بس الطول والوزن شيء مهم عندهم ومشددين عليه

معهد الادارة مو اي احد يدخلو قول الحمد لله لكن عندك ارامكو وسابك يسوو دورات تدرس عندهم وبعد كذا يوظفوك عندهم ،،،، واستخير قبل كل شي ونصييييييحة لاتقعد عاطل وتقول السنة الجاية اقدم لان الافضليه للخريجين الجدد دايما ،،،،،
ودمتممممممممم

السلام عليكم ورحمة الله وبركاته
هي فالعموم الوظائف في قل وشح هالوقت
اللي عنده رأس مال نصيحتي له يبداء يتاجر
لان هذا وقت التجاره اكثر من وقت الوظائف
نعرف وتعرفون ناس كثير تخرجوا من الجامعه وما حصلوا وظائف لا شركات ولا حكوميه
انا ما احطمك لكن هذا شي واقعين فيه حاليا
والشهاده مامنها مظره اذا ما عندك ألتزامات ادرس واذا حصلت وظيفه بعد التخرج ابدأ فالتجاره
الشركات صارت تفصل الموظفين ورواتب الشركات تدبل الكبد قريب لي معه ثانويه متوظف حارس امن ب2700 ريال !
يعني الصراحه راتب ما يستاهل ابدا ولا يسوى الشغل والكرف والارتباط
الله يوفقنا وياك لكل خير هذا اللي اقدر عليه

و عليكم السلام ورحمة الله و بركاته
اول شي اتذكر هذه الاية
﴿ وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ (216)﴾
(سورة البقرة)

حاليا اللي تقدر تسويه تروح لجامعة ام القرى و تستفسر عن سبب الرفض لانه غير مقنع 96 و مدري عن القدرات و التحصيلي
بس راجعهم لانه اكيد في خطأ , لانه اذا فرضنا السنة هذه فيه منافسة قوية على التخصصات الطبية و الهندسية _ يعني افتراضا_
نقول اكيد انقبلت تخصصات ادبية ( شريعة _ عربي ,,)
لكن نصيحتي لك راجعهم مكانهم العزيزية قبل سوق الراجحي

الشي الثاني : المفترض انك قدمت في كل حامعات المملكة اللي عددهم 30 جامعة حكومية _ هذا كان من المفترض لكن اذا ما قدمت
و حسب ما قلت فوق انك جالس تنتظر نتائج و عندك معهد الادارة , قريبي متخرج من معهد الادارة و ما شاء الله حاليا في ساب

استخير و استشير لكن لا تحزن ما تدري اش المكتوب


راجع ام القرى
استخير بخصوص معهد الادارة لان عصفور باليد و لا عشرة ع الشجرة حتى مثلا لو المعهد ما كان من خياراتك او رغباتك
بس هذا اللي حاليا متاح قدم و عندك من الان الين شهر 5 هجري راح يفترح الابتعاث المرحلة 13
و اهم شروطهم : 1- ثانوية 90 و فوق 2- قدرات 90 و فوق 3- تحصيلي 90 و فوق
انت ما شاء الله محقق الشرط الاول باقي لك شرطين اذا نازل فيهم عندك وقت تعيد الاختبارات ثاني مرة و يجي شهر 5 بإذن الله
و انت تكون كملت ترم في معهد الادارة و بنفس الوقت فتح الابتعاث و عندك كل الشروط
ساعتها تستخير و تستشير و الله يوفقك
بس ابدا لا تحزن و ما تدري اش المكتوب


انا شخصيا لو تعرف قصتي تنعجب درست التالي ( مختبرات طبية - حولت جامعة و درست علوم جنائية - جبت معدل عالي رحت طب و بس غير
البطاقة الجامعية و ما درست اتغير رائي و ارجع لعمادة القبول و التسجيل و اغير تخصص صيدلة ( دكتور صيدلي ) و درست ترم و ما عجبني الوضع
و حولت علاج تنفسي قلت بسيط و امراض صدرية و تشخيص سهل بس نفسي ضاقت و درست ترم و اخر شي طب طورائ بكالريوس و الحمدلله الاول على الدفعة

القصة اللي فوق بين 3 جامعات يعني انا بنفسي مني مصدق بس اقول الحمدلله و الخيرة فيما اختاره الله يعني زدت ع نفسي تقريبا 3 سنين
بس كل شي له حكمة و تقدير


و الله يوفقك و ييسر امرك

*****جبت معدل عالي رحت طب و بس غيرت البطاقة الجامعية

الله يوفقك ويسر لك الامور
ان كانك تبي العسكريه
عندي لك وظيفه ان شاء الله انهم بيوظفونك
الرساله مع الرابط
✅ *لخريجي الثانوية العامة*
*تخصص (علمي- شرعي- وإداري)*

*فتح باب التقديم لرتبة “جندي” بالأمن الدبلوماسي للعمل بالسفارات بالخارج وعدد من مدن المملكة*

✅ *لخريجي الثانوية العامة*
*تخصص (علمي- شرعي- وإداري)*

*فتح باب التقديم لرتبة “جندي” بالأمن الدبلوماسي للعمل بالسفارات بالخارج وعدد من مدن المملكة*

‏http://whats4news.com/64465
ــــــــــــــــــــــــــــــــــــــــــ

انا كنت عسكري بالجويه سنتين وعليها ماشفت نفسي فيها وفصلت وقدمت على معهد الاداره العامه ودرست وتخصصي سكرتاريه تنفيذيه 
ويعتبر من افضل التخصصات المطلوبه في سوق العمل ويكفيك معهد الاداره تتخرج من سنة اللغه لغتك طيبه وتخارجك واذا شديت على نفسك ممكن تتقن اللغه 
لكن فالنهايه سوي اللي يعجبك انا الكل من حولي قالو لي انت منت صاحي ومنت في عقلك تترك العكسريه وترجع تدرس!!
 لكن شديت على نفسي وباقي لي تطبيق بعد الصيفيه وتخرج باذن ومن الأوائل  على الدفعه يارب لك الحمد والعمر 25 وماقلت كبير وراحت علي تلاحقت عمري انت تشوف وش تبي وحدد اختيارك ولا تشتت نفسك واذا صملت على شي توكل واقدم فيه واترك كلام الناس على جنب وسو الشي اللي يريحك 
والمعهد من كثر ماهو زين اخوي الصغير خلص الثانوي ومابغيته يتشتت او يهجول فالجامعات ويتخبط 5 سنين وبالنهايه تخصص مشي حالك او متخرج لاسمح الله مقبول خليته برضه يسجل بمعهد الاداره العامه 
لا تضيع فرصة المعهد من يدك والله يوفقك واذا في اي سؤال عن المعهد تحت امرك 

بالنسبه للجبيل الصناهيه تعطيك دبلوم واذاجبت معدل فوق 3.75 تقدر تكمل بكالوريوس وتصير مهندس وشهادتها ممتازه اذا خلصت البكالوريوس وانصحك فيها وتتعلم فيها ممتاز ومااعتقد ان عندهم اختبار عمى الوان

وبالنسبه للمعدل ونظام التكمله لبكالوريوس حاول تقرا عنها لان ممكن طرا شي جديد ع الانظمه تبعهم..والكليه انصحك فيها وخصوصا انهم مايقبلو الى اصحاب النسب العاليه