أضف سؤال أو موضوع جديد          

المخالفات المرورية.. سؤال؟

up 5 down 1
محمد بن احمد1 47
قبل 5 سنه و 4 شهر



ياشباب انا جتني رسالة تم قيد مخالفة موقف خاطئ في تاريخ 
كذا كذا، الغريب ان في هذا التاريخ انا كنت مسافر.
في هذا التاريخ وقبل ماروح المطار بساعة استخدمت السيارة 
في الحارة فقط ومتأكد اني وقفت السيارة بشكل صحيح. 
- السؤال هل فيه موقع يلطلعلي مكان المخالفة على الخريطة؟
جربت موقع وزارة الداخلية يطلعلي المدينة: (خ) ومافي خريطة ولا اي تفاصيل.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تطبيق ابشر يطلع الخارطة


up 1 down 1
ابو عبدالله احمد 3530
قبل 5 سنه و 4 شهر



تطبيق ابشر او إنك تروح المرور وتشرح لهم الوضع وهم يعلموك بالتفصيل


up 0 down 1
my2016 27
قبل 5 سنه و 4 شهر



ممكن المخالفه جاتك بالغلط يعني المفروض انها تتسجل علا شخص ثاني لاكن جات عليك بالغلط


up 2 down 1
bo3wes 97
قبل 5 سنه و 4 شهر



لا تدور لا خريطة ولا شي روح اقرب صراف سدد ووكل امرك لله قبل لا تدبل عليك والله دام تسجلت في الحاسب ما تنزل الا بالسداد صارت عليه قبل في سرعة ب ٥٠٠ ريال ورحت قدمت اعتراض قال لي حق ساهر في خطا واضح بس لاتسدده خليها راجعنا اسبوعين وتعال وراجعتهم قال ماعليك حتى لو تدبلت راح تنحذق ماعليك المهم تدبلت وحنا نفس الموال أخذت أربعة اشهر وفي الاخير سددته مدبله ب ٩٠٠ ريال والله ان المخالفة فبه خطا وهم معترفين حسبنا الله ونعم الوكيل


up 10 down 0
ابو0جوري 32
قبل 5 سنه و 4 شهر



عندنا هندي بالعمل طلع لديرته سفر ورجع بعد رمضان وعليه مخالفة ساهر سرعة (500 ريال ) المشكلة هو بالشرقية وخارج المملكة وسيارته واقفة قدام ماتحركت والمضحك المبيكي المخالفة في جدة !!!



راجعهم في مكتب المرور (مرور المنطقة الشرقية) يوم كامل مراجعات وأنتظار حتى يتأكد بالصور أنها سيارته ولا أستفاد شي قالو له روح لجدة !!!


أظطر مجبر أنه يسددها خوفآ من التدبيل



نظام ساهر وأبشر لماذا لاتكون مربوطة بشبكة موحدة ؟؟ لماذا معاملتنا بطيئة وفيها تقصير وأهمال في مكاتب الأمن ؟؟


up 1 down 1
th_otaibi 338
قبل 5 سنه و 4 شهر



مهم صاحين.   مره جتني مخالفتين وحده من ساهر على فورد سددتها.  ١٥٠
اخذ اللفه اللي معه الماركيز بدون مايوقف.  مكتوب.  نظام الطريق او شي من هالقبيل
وبعدين جتني رسالة مخالفه سيارتي الاسكاليد.  طيب وش هي مدري
اظن من باشر.      لان مش مكتوب الرصد الالي
انا نظامي جدا.   الا الحزام ما اربطه.  قلت يمكن صورني واحد 
الغريب الي الان مانزلت المخالفه.       من ٤ شهور.   غريبين


up 0 down 0
عبدالله الشفيعي 1440
قبل 5 سنه و 4 شهر



ابو جوري و otaibi والله شئ محزن ويقهر اننا ماعندنا نظام قوي يحفظ حق المواطن، في ثغرات وتشتت و عشوائية. 
المهم ان المخالفة هذه أعتقد انها من نظام باشر ومافي اي طريقة انها تطلع في تطبيق ابشر او على اي موقع. مافي الا انك تروحلهم وتقدم اعتراض خطي وبعدها تتوقع، و تتسقط من النظام. على فكرة أكثر مخالفات باشر عشوائية.  


up 0 down 0
dell2012 1043
قبل 5 سنه و 4 شهر



انا كنت طالع من جدة الى المدينة شوية والاقي تفتيش امن طرق اخذ الرخصة والاستمارة واقلة ايش في قال انت مسرع 148 وانا والله مثبت السرعة على 120 طول الخط وحلفت له وانا والله صادق واعطاني قسيمة والله شي يقهر 


up 0 down 0
msns 103
قبل 5 سنه و 4 شهر



يا جماعة الخير من زمان وأنا اغدر بإنه ( جميع الانظمة المعمول بها بدون حصر لاسمائها بدون إستثناء  ) 
هي نظام جبايه يعني ( حصد أموال ) حق باطل كذب تزوير تلفيق رشاوي نصب احتيال لف دوران مو مشكلة 
أهم شيء انت تستلم راتب او عاطل تدفع غصباً عنك .. لكن ما لنا الا واحد احد ( حسبي الله عليهم ونعم الوكيل )


up 2 down 0
nasser1430 873
قبل 5 سنه و 4 شهر



تعديل **
(( من زمان وأنا أغرّد ))


up 0 down 0
nasser1430 873
قبل 5 سنه و 4 شهر



ذكرتني بعسكري خالفني بـ 300 ريال مشبه على سيارتي . . . .

رحت آشتكي للمرور قالوا خلاص نتصل عليك . . . .

وأسبوعين ياذيبان ساحبين علي وكان عندي عامل إنتهت إقامته فرحت للجوازات . . . .

عشان أجددها وأكيد لازم ماتكون عليك مخالفات . . . .

وعلمتهم القصة وقلت أنا مشتكي والمخالفة غير صحيحة . . . .

قالوا مالنا دخل سدد المخالفات المسجلة عليك وإلا ترى نبي نطبق عليك غرامة تأخير تجديد 500 ريال . . . .

حسبنا الله ونعم الوكيل ياولد قلت لكم أنا مشتكي العسكري قالوا مالنا دخل . . . . .

وطرقن على الخشم رحت وسددت المخالفة . . . . .

قلت أسدد 300 أحسن من إني أسدد 500 . . . .

وكنت بوقتها عاطل بعد . . . . . الكلام ذا قبل 10 سنوات . . . . .


up 0 down 0
خارج الوسط الرياضي 102
قبل 5 سنه و 4 شهر



عشان كذا آقول سدد بس وإنت مبتسم . . . . خل إبتسامتك شاقة وجهك ومن الإذن للإذن . . . . وقول حسبي الله ونعم الوكيل

صدقني ليطلعون لك ألف سبب وسبب . . . .

مو أنت اللي تسوق يمكن أخوك ,,, أنت كذاب ماكنت مسافر ,,, المخالفة قبل ماتسافر ,,,

لين يطلع التدبيل وإذا طلع وثبتت المخالفة أو صار لك موضوع يلزمك تسديد المخالفات

وربي لتندم إنك ماسددتها من أول شيء


up 0 down 0
خارج الوسط الرياضي 102
قبل 5 سنه و 4 شهر