أضف سؤال أو موضوع جديد          

شراء المستعمل من شخص اخذها كاش اومن اخذها تقسيط منتهي بالتمل

up 4 down 0
Pro rare 446
قبل 2 سنه و 3 شهر



ملاحظ ان السيارات المعروضه للبيع واصحابها مطلعينها كاش انظف واقل ممشى من الي مطلعينها تقسيط منتهي بالتمليك

ممكن لان المطلعينها تقسيط منتهي بالتمليك يجيهم احساس ان في اي وقت بتنسحب السياره منهم او يصير عليها حادث وترجع السياره للشركه لذالك يحس ان السياره مو له او هو شريك مع شخص ثاني في السياره لذلك يقل عنده المحافظه على السياره ويقول خلني احلل الفلوس الي دافعها

عند البيع ممشى السياره كثير بما اننا في اواخر عام 2017 نحصل المعروضه للبيع وموديلها 2016 تحصلها ماشيه فوق ( 100 او 200 ) تقريبا عكس الي مطلع السياره كاش تحصل في الغالب ممشى السياره تحت (100 أو 50 ) طبعا مو يعني كل من طلع سياره تقسيط منتهي بالتمليك يكون كذا انما الغالبيه ، وايضا ليس كل من طلع السياره كاش فهو محافظ على السياره ولكن الغالبيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك سليم وصايب


up 1 down 1
ابو حسين.......... 1024
قبل 2 سنه و 3 شهر



مو كلهم بعضهم صحيح خصوصا اللي ما دفع دفعة اولى
لكن بعضهم حدته الظروف للبيع



up 0 down 1
meshal alharbi 283
قبل 2 سنه و 3 شهر



بتلاقي في السوق كل شيء

وكلامك سليم الأغلبية من المستأجرين ما في اهتمام بالسيارة

أنا أخذت كامري 2013 أقساط لسنتين ولما خلصت الأقساط كانت ماشية أقل من 30 ألف فما هو شرط كل سيارات التأجير مكروفة


up 2 down 0
أبو عبادة 4803
قبل 2 سنه و 3 شهر



بعضهم بنيه انه يحللها ثم يقبلها على احد وغالبا بدون دفعه
اولى ياخذ سياره اخر موديل با ١٥٠٠ الى ٢٠٠٠ شهريا ماكان يحلم
فيها ابد مثل بعض اصحاب الكادانز الله يهديهم


up 2 down 0
الحربي فهد ١١١ 163
قبل 2 سنه و 3 شهر



فعلا ملاحظ واكثر ناس يكرفون سياراتهم اهم راعين الكوري
اكثر شئ اشوفه بحراج موديلات السنه وماشيه100الف
وبعضهم اكثر هم اصحاب الكوري هونداي
مدري وش السر بعض المرات اقول شكله العداد يحسب
زياده عن الممشى الحقيقي
ﻻن ماهو معقول سياره تمشي بسنه 100الف او اكثر
او يمكن راعيها راعي خطوط بحت ماشاءالله عليه



up 0 down 0
d7ooom777 387
قبل 2 سنه و 3 شهر