شباب نكفون ضيعت بطاقة الأحوال

اللي اعرفه انا عندي النسخه 4 ما اعتقد فيها مخالفة 
ولو كان فيها مبلغ رمزي 
طيب الافضل لك تروح تدورها 
ممكن تحصل و حاول تتأكد و تفحص المكان
و الله يعينك على إجراءات الاستخراج بتطول شوي 
وكل الله و معوض خير باذنه

4 نسخ عدد كبير، عموما أول خطوة وقف البطاقة من ابشر

قبل ماتنزل لاي مكان او قبل ماتقفل السياره تاكد من البوك وجوالك ومفتاح السياره هاذي اشياء اساسيه ولزم تنتبه لها لانها ماهي اول مره تضيع منك

مالك غير تروح إلى الحي نفسه تلف الين تحصله 

اللي حصل حصل خلاص

رح احجز في موقع الاحوال استخراج بدل فاقد لان الموعد ياخذ يمكن اسبوع اسبوعين

قدم ولاعليك وش وش يبون وش بيبسوون يعني بصمتك عندهم ويطلعون لك ثانية وحتى لو فيه غرامة لن تتعدى 50 ريال ماعليك منهم

واذا لقيت بطاقتك الغي الموعد لكن الان احجز عشان ماتتعطل عن كل أمورك

الله يعينك ماتقدر تحجز موعد بأبشر لازم تبلغ اول

اول شئ لازم تروح اقرب مركز شرطه وتبلغ

انها مسروقه وراح يعطونك ورقة عدم تعرض

يعني محد يقدر يوقفك لان معك هذي الورقه

ولاتفتح المواعيد عندك بابشر الا بعد 15يوم من تاريخ ابلاغك

عن فقدان البطاقه عشان كذا استعجل وبلغ

واذا بلغت ولقيت البطاقه مايديك تكنسل البلاغ


واذا جيت تدخل بأبشر في خانتين دائما الناس تلخبط بينهم


وحده بدل تالف هذي اذا البطاقه متوفره عندك بس خربانه او مكسوره

الثانيه بدل فاقد هذي اذا كانت مسروقه او ضايعه

وبدل فاقد ماتحصلها مع ايقونة بدل تالف او اصدار اوتجديد
بتحصلها بمكان ثاني ناسي وشو بالضبط

بالنسبه للغرامه ماادري كان ياخون عليك او لا
بس نظاميا في غرامه بس متى مدري يمكن الرابعه او الخامسه
وقيمتها الف ريال او اقل ناسي كم

بالنسبه الي يقولون مبلغ رمزي ولا50ريال اقولهم ياحليلكم بس
والي يقول اذا حصلتها الغي البلاغ مايمدي طال عمرك
دام انه بلغ خلاص تتسقط القديمه

الله يعينك مفروض اي واحد يلقاها.   يسلمها للاحوال والاحوال.  لديهم الارقام يتصلون. لكن مافيه تنظيم
اذكر يوم.    جاني المصري راعي البقاله قال الهندي حق البلديه لقا  محفظه واخاف اتورط.   قلت جبها.  المهم فتشت ولقيت شريحه
ركبتها في جوالي وكلمت  شخص قلت تعرف فلان  المهم عطيته رقمي.  اتصل صاحب البطاقات
كانت بطاقة الاحوال.  الرخصه. // بطاقة مرور للبحرين//. الخ   والغريب بطاقة عسكريه. كان عريف في الدفاع الجوي
بس يمكن بطاقة مرور البحرين مهيب له او عنده سبب 
المهم واعدته عند البقاله.  جاني ذاك الوجه الودر.  اللي مايستحي.  قال فيها ٤٠٠ ريال. قلت اخذها اللي لقاها ورماها عند الزباله
وانا لقيتها كذا فاضيه ظنك اباخذ ال ٤٠٠ واكلمك. وبعدين والله ياالبطاقات.    اغلا  من ٤٠٠٠ كفايه بس مراجعاتك
والله انه مشى وهو يطالعني كأني ذابحٍ ابوه بدون كلمة شكرا.  قال سيد. المصري صاحب البقاله وهو مستغرب.   الحمدلله انك ماجبت سيرتي
اخس ياهاك الوجه.    

دور لها اليوم وبكره واذا مالقيتها

لازم تسوي بلاغ بالفقدان من ابشر وتكتب تاريخ الفقدان
عشان لو احد اخذها وسوا بها جريمه او شي مراح يجيك شي
وتدخل المواعيد وتحجز موعد وتطبعه وبالاحوال ماياخذ منك نص ساعه اذا جت ع الموعد
ولا تشيل هم النسخ انا نسخه 4 ولا قالو شي قبل كم شهر

وايضا لو سويت بلاغ فقدان من ابشر ولقيت البطاقه خلاص تعتبر تالفه لازم تطلع بدالها
لانو شفت شايب بالاحوال يصايح عليهم يقول البنك موقع معاملاتي والبطاقه معي قال له الموظف بطاقتك تعتبر تالفه وهاذا من حرصنا
عممنا عليها خذلك موعد وطلع جديده مايخذ منك وقت

الغرامة 100 ريال اخوي النسخة 4

لاتقول لهم انها انسرقت ان قبل فتره ضيعت البطاقه 
مع صاحب تكسي ويوم رحت الاحوال عقدوني قالو 
جيب خطاب من الشرطه والله انهم اخروني عشان 
اطلع بدل فاقد شهر واسبوع تقريباً 

لاكن انت قول لهم انك ضيعتها كذا تخلص بسرعه تحجز 
وتتصور وبعد اسبوع او اسبوعين تستلمها 
والغرامه ماتتعدى 100

عادي طلع بدل فاقد 

واذا حصلتها تروح الاحوال تسوي الغاء بلاغ وتكتب تعهد

بالمحافظه عليها 

ماتنلغي مثل ماذكرو الاخوان 

استغرب من الدسلايك الي جاني قلت شكل كلامي غلط
رحت شيكت على وزارة الداخليه وطلع كلامي صحيح
بس في نقطه ماذكرتها الي هي انك تبلغ الاحوال بعدين الشرطه
والغرامه المره مكتوب للمره الرابعه وما فوق 1000ريال
يمكن بعض اداراة الاحوال تمشي وماتعطيك غرامه
اما نظاميا موجوده وانا تاكدت اكثر بسبب الدسلاك قلت يمكن
غلطان بشئ لكن واضح في ناس جاهله وماتفهم يدعس دسلايك
بدون مايبرر ويواجهك
وكل الكلام الي كاتبه مسوي اجراءاته قبل شهرين

أخوي في خانه في أبشر تبليغ عن فقدان بطاقة الهوية

انا معي الخامسه وكلها بدل فاقد ولا مره تجديد ولا احد سالني وين ضيعتها الامر سهالات . انت بس احجز وتوكل وكله ميسر .. السادسه فيهاا سفر للرياض وتحقيق

جزاكم الله خير
ولكن اذا قلت ضاعت بدفع 1000 ريال. وهي انسرقت ماضاعت

ي اخوان بخصوص الهوية نصيحة على نفس البطاقة من الخلف خط لك ورقه يجيك صغير وسجل فيه رقم جوالك لو صار وضاعت راح تلقى ناس فيهم خير راح يتصلون 

معد فيه بلاغ في الشرطه ولا شي 
1- تبلغ عن طريق ابشر وتطبع الورقه حقة البلاغ وتحتفظ فيها
2- تحجز موعد اصدار بطاقه بدل فاقد 
3- تروح الاحوال بصورة البطاقه وورقة البلاغ من ابشر  وتعبي نموذج عندهم طلب اصدار بدل فاقد
4- اذا كانت المرة الرابعة تفقدها تدفع عندهم غرامه 1000 ريال اذا كانت المرة الرابعه تفقدها 
لانهم يقولون المرة الاولى للفقدان مجانا والثانية 100 والثالثة 300 والرابعة واكثر 1000 ريال
5- بعد ماتدفع الغرامة تدخل تتصور عند الموظف ويقولك تعال بعد اسبوعين استلمها او يطبع لك نفس الصورة الاولى في الحال ويسلمك بطاقتك

بالنسبة اذا مسروقه لازم يكون معك تقرير او خطاب من الشرطة يوضح ان محفظتك تعرضت للسرقه وكذا تكون مجاناً اصدار بدل فاقد  

عبدالله الشفيعي
هذي النوعية من الأشكال الي جد تقهر
وتخليك يبطل تعمل خير
يمكن يجيك واحد منفس نفس الي طلع لك