البيع و الشراء في سيارات

بتبطي في حلقك.   بع واشتر في التويوتا تمشي او الاكسنتات من ٨ وحول تبيع بسرعه
وبمكسب.   سبق لي ان كنت اخذ من موظفين ارامكوا الكسولين تاهوات وجموس
وكنت اكسب من ٣٠٠٠ الي ٥٠٠٠ بس كانت تقعد شهر الي شهرين
وبعدين مليت ومره دكتوره كانت بتروح كندا وشريت فكتوريا ايام زمان ب ٥٨٠٠٠
بعته على شريطي ب ٦٢٠٠٠ وباعه هو ب ٦٥٠٠٠ بس كان ماشي ٤٠ وشبه جديد
فهي فرص. ناس كسولين او مالهم خلق.    الفاهم منهم يوديه لمعرض.  ويحده
مع اني قد وديت اتش ون.    لمعرض وقعدت شهرين. محد جاها اخذتها طلعتها
بعتها ب ٥٤٠٠٠ وبعد الفحص.  اكشفنا رشه من الوكاله خفيفه خصمت له ٢٠٠٠

المستعمل معاد فيه خير خل في بالك ان التأمين بياخذ منك 1250 على الأقل فاحسب حساب التأمين والنقل عند البيع والشرا لانها تاكل من مكسبك وهي اللي خلت كثير من الشريطية يتركون المستعمل

تشتري سيارة مستعملة بنية البيع والله يجونك 50 واحد يجرب ويفحص والي يشتري واحد واحتمال ماتطلع حتى براس المال تبغى تتخارج

البيع والشراء انت وحظك يوم تكسب ويوم تخسر الي كسبته

شف وانا اخوك هي فيها خساره وربح بعض الاحيان
وعلى حسب السياره

مثال اعطيك تجربه

اكسنتات 2013"جمله 30 قيمت الوحده 7500 ريال
مع نقل الملكيه و التامين تقدر تقول
9500 ريال

9500 +30 =285000 الف

وتبيع الوحده 15000 الف
15000×30 =450000 الف

285000_ 450000 =165000 الف

نعمه 165 الف

واذا ميزانيتك اقل تقدر تشتري
اكسنت 2011 في المعارض
على 9000 وتبيعه هنا في الموقع
على 13500 الف
ربحك 4500 نعمه
والقليل يجيب الكثير وانا اخوك

يارب توفيقك

حمدالله انا نظامي ماتستلم المفتاح الا بعربون
500 ريال

اذا طلع مشكلة في سياره اعطيه عربونه
اذا هون والسياره مافيها شي مايرد له عربونه

ما تصلح والسبب التأمين لازم عند الشراء ب1000 ريال اذا ما عليك حوادث واذا عليك حوادث يزيد المبلغ تقريبا 50%
وارتفاع اسعار نقل الملكيه وكل شوي نظام جديد
وزهد الناس فالسيارات المستعمله
اول اغلب الناس تشتري مستعمل وتبيع وتشتري وشي طبيعي
الان اختلف الوضع اللي مامعه مبلغ الجديد يشتري بالتقسيط
وغير التلاعب والغش والخداع فالبيع وامور كثيره ترد عن هالامر

ابو بدر تصرفك سليم مية بالمية ولكن في حال انك انسان تبيع وتشتري بشكل مستمر يعني اسبوعيا تعرض سيارة سيارتين ماتحصل احد يدفع لك عربون وبعدها يجرب ويفحص نادرا جدا تحصل واحد من عشرة اشخاص الا اذا عرضتها مثلا بالنت والشرط كان واضح صحيح بتقلص من عدد المشترين وبتتأخر البيعة فالاخير يجيك الشخص الي تناسبه الشروط

السيارات ذي تبيعها بخسارة وبالقوة تحصل زبون