أضف سؤال أو موضوع جديد          

الانتقال من سيدان الى جيب

up 4 down 0
hmhs1987 180
قبل 2 سنه و 10 شهر



السلام عليكم افكر باقتناء جيب تاهو او يوكون او اكسبديشن وهي اول سيارة من هذا الحجم لي معتاد على السيدان حاليا معي كامري وقبلها فورد
ماهي المصاعب الي بحصلها خاصة اني اول مرة بمتلك هذا الحجم هل بتورط في المواقف ؟ او زوايا الرؤية ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تشوفها من الخارج كبيره . لكن لما تسوق عادي ومافيه فرق كبير . بالعكس الرؤيه تشوف السيارات تحتك وتشوف العالم بداخل كل موتر حوالينك هههههههههههههههه .
طبعا هي مرتفعه راح تحس الفرق ان الجيب بالسرعه العاليه يرتفع وينزل اكثر من السياره الصغيره بحكم الارتفاع والوزن والمساعدات اللينه .. انا معي جمس وكورلا وعادي بينهم اخذ هذه ولا لكن راح تعاني اول ايامك بحكم اختلاف المزتر عليك لكن بتتعود وصدقني معد ترتاح الا بجيوب .


up 6 down 1
مستريح البال 1 1781
قبل 2 سنه و 10 شهر



والله انه كان معاي جمس قديم سواقته اسهل من فورد فكتوريا


up 5 down 0
mohammed.199 94
قبل 2 سنه و 10 شهر



لبا الجيوب والجموس ياشيخ  .. مايحس بهيبتها الا اللي يسوقها


up 2 down 1
ماجــد غير 28
قبل 2 سنه و 10 شهر



يا اخي السيارات الأمريكي العائلية مثل اكسبيدشن ويوكن مشكلتها سيارات عريضة تزعجك في ركنها في المواقف وفي السير في الشوارع
الضيقة ، ومراياتها بارزة تدق في أي شيء على الجوانب .
مع احد الزملاء سيارة اكسبيدشن موقف سيارته جنب موقف سيارتي ودائماً أعاني مع سيارته عندما تكون واقفة تاخذ جزء
من موقفي غير ان السيارة طويلة تاخذ طول الموقف كاملاً وهذا لا يعطيني الفرصة أخذ لفة كاملة لركن سيارتي بشكل مريح .


up 3 down 1
النهراني 271
قبل 2 سنه و 10 شهر



بتفرق في صرفية البنزين
ومع اللفات فالخطوط لازم تهدي شوي ماهو مثل السيدان على الدعسه
وبتحصل بعض الفروقات البصيطه اللي تتأقلم معها مع الوقت
والله يوفقنا وياك لكل خير


up 1 down 0
ابوناصر 454 658
قبل 2 سنه و 10 شهر



شوف وانا اخوك...محد يقدر يحكم لك 100%..لانه يعتمد ع اشياء كثيرة...مثل دوامك عدد افراد اسرتك..واهم نققققطة..منطقتك..هل مزدحمه ولا لا

لكن اي سيارة كبيرة..لازم تكون عندك سيارة ثانية صغيرة..مثلا يارس ولا اكسنت ولا كورلا....تكون لمشاوير المدينة ولدوامك...واقل صرفيه




up 3 down 0
salih-m 384
قبل 2 سنه و 10 شهر



بالعكس من فتره اخذت جيب هونداي ومعي قبلها سيدان وفرق حلو خصوصا بالنزول والركوب

بالسيدان احس اني طالع من حفره


up 3 down 0
296
قبل 2 سنه و 10 شهر



المواقف ,,,, النزول والركوب ,,,, تقديم وترجيع المرتبة ,,,, إستهلاك البنزين ,,,, المطبات والحفر تبي تحس فيها . . . .

في حالة البنشر ,,, فك وتركيب ورفع كفرات الجيوب عذاب لأنهن كبيرة الحجم . . . . .

السرعة في الجيب لو تمشي 160 كأنك على سيدان تمشي 200 من ناحية ( الخطورة والحوصة والإنقلاب ). . . . . .


up 2 down 0
خارج الوسط الرياضي 99
قبل 2 سنه و 10 شهر



والا انا صاحب تجربه.     جموس  وصغيرات فوردات بالاصح.   في الخط. تطرب مع الجموس.  في المدينه.  ثقيل.  لكن تتعود عليه
يعني.      


up 1 down 0
عبدالله الشفيعي 1438
قبل 2 سنه و 10 شهر



الي يسوق السيارات الكبيرة مايتنازل للصغار الا للتوفير


up 2 down 0
يارب توفيقك 2014 1665
قبل 2 سنه و 10 شهر



الي متعود على السيارات الكبيره مايقدر يسوق السيارات الصغيره راح يواجه مصاعب بسبب نزول السياره والرؤيه تكون صعبه لان السياره نازله بعكس السيارات الرفيعه السواقه اسهل ويكون الطريق مكشوف افضل من الصغيره لكن زي ماقالو لازم تتعود فتره على الجيوب لانك متعود على الصغيره واللفات والمنعطفات لازم تهدي وتكون حذر


up 1 down 1
كارينو 568
قبل 2 سنه و 10 شهر



بتندم انك قضيت عمرك ع سيدان
مافيه مثل الموتر الرفيع



up 1 down 1
امير الاصيل 1714
قبل 2 سنه و 10 شهر



انا اتمنى امتلك جيب او جمس والله انها عز بالخطوط والطرق
تمشي والناس حواليك تحس انك فخم هههههه
كل شي واضح بالطريق وماتهاب احد والسيارات الصغيره تعدي جنبك
تقول مين دوووووول ههههههه
لكن يعيبها شيئين صراحه
الاوله بمواقف عملك او الاسواق يبغالك تكون حذر وصبور ماتزعل احد من اصحاب
السيارات الصغيره او تزعل نفسك ان سيارتك كبيره وبالقوة تحصلها موقف
الثانيه صرفية البنزين كل ماتتجاوز وتدعس لها تشرب بنزين
عكس الصغيرة تعدي بسرعه وماتحس انك خسران
والله ييسرلك وتلقى الشي اللي يعجبك منها
ملحوظة ترا يبغالك تتعود عليها مع الايام ولازم تحسب حساب الناس حوليك


up 1 down 0
ابو عبدالله احمد 3475
قبل 2 سنه و 10 شهر



المسألة مسألة تعود مش اكثر, في بلد مثل بلدنا اشوف سيارات الدفع الرباعي اصلح من السيدان اقول لك ليش؟

لأنه شوارعنا الأوربية (طل)  مكحلة بالحفر و المطبات اللي كسرت ظلوعنا و هذي المصايب حرام ادفع ريالات على سيارة سيدان

اخرتها تنحك من تحت بسبة هالبلاوي هذي.  الجيوب افضل حل و آمنة بعد رب العالمين من السيدان.

سيارتي الباث من بعد ما تعودت عليها و على ركوبها و النزول منها صرت لما اركب سيارة سيدان مثل كامري او كورولا صدقني

ركابي تطقطق من  الشدة عليهم وشي يعور صراحة.

توكل على الله وشوف اللي يناسبك, وبعد ما تستلمها خذ فيها جولة منها تمرين و منها تدرس زواياها مع السيارات الثانية.

و مبروك سلف.


up 1 down 0
بدر الباثفايندري 1096
قبل 2 سنه و 10 شهر



اذا كنت متزوج او عندك عائله توديهم وتجيبهم خذلك من هالجيوب
لكن اذا عزابي او مشاويرك اغلبها لحالك فما له داعي الجيوب خلك عالسيدان مريح وسهله سواقته ولايشرب بنزين



up 0 down 0
bmw z4 1429
قبل 2 سنه و 10 شهر