الانتقال من سيدان الى جيب

تشوفها من الخارج كبيره . لكن لما تسوق عادي ومافيه فرق كبير . بالعكس الرؤيه تشوف السيارات تحتك وتشوف العالم بداخل كل موتر حوالينك هههههههههههههههه .
طبعا هي مرتفعه راح تحس الفرق ان الجيب بالسرعه العاليه يرتفع وينزل اكثر من السياره الصغيره بحكم الارتفاع والوزن والمساعدات اللينه .. انا معي جمس وكورلا وعادي بينهم اخذ هذه ولا لكن راح تعاني اول ايامك بحكم اختلاف المزتر عليك لكن بتتعود وصدقني معد ترتاح الا بجيوب .

والله انه كان معاي جمس قديم سواقته اسهل من فورد فكتوريا

لبا الجيوب والجموس ياشيخ  .. مايحس بهيبتها الا اللي يسوقها

يا اخي السيارات الأمريكي العائلية مثل اكسبيدشن ويوكن مشكلتها سيارات عريضة تزعجك في ركنها في المواقف وفي السير في الشوارع
الضيقة ، ومراياتها بارزة تدق في أي شيء على الجوانب .
مع احد الزملاء سيارة اكسبيدشن موقف سيارته جنب موقف سيارتي ودائماً أعاني مع سيارته عندما تكون واقفة تاخذ جزء
من موقفي غير ان السيارة طويلة تاخذ طول الموقف كاملاً وهذا لا يعطيني الفرصة أخذ لفة كاملة لركن سيارتي بشكل مريح .

بتفرق في صرفية البنزين
ومع اللفات فالخطوط لازم تهدي شوي ماهو مثل السيدان على الدعسه
وبتحصل بعض الفروقات البصيطه اللي تتأقلم معها مع الوقت
والله يوفقنا وياك لكل خير

شوف وانا اخوك...محد يقدر يحكم لك 100%..لانه يعتمد ع اشياء كثيرة...مثل دوامك عدد افراد اسرتك..واهم نققققطة..منطقتك..هل مزدحمه ولا لا

لكن اي سيارة كبيرة..لازم تكون عندك سيارة ثانية صغيرة..مثلا يارس ولا اكسنت ولا كورلا....تكون لمشاوير المدينة ولدوامك...واقل صرفيه

بالعكس من فتره اخذت جيب هونداي ومعي قبلها سيدان وفرق حلو خصوصا بالنزول والركوب

بالسيدان احس اني طالع من حفره

المواقف ,,,, النزول والركوب ,,,, تقديم وترجيع المرتبة ,,,, إستهلاك البنزين ,,,, المطبات والحفر تبي تحس فيها . . . .

في حالة البنشر ,,, فك وتركيب ورفع كفرات الجيوب عذاب لأنهن كبيرة الحجم . . . . .

السرعة في الجيب لو تمشي 160 كأنك على سيدان تمشي 200 من ناحية ( الخطورة والحوصة والإنقلاب ). . . . . .

والا انا صاحب تجربه.     جموس  وصغيرات فوردات بالاصح.   في الخط. تطرب مع الجموس.  في المدينه.  ثقيل.  لكن تتعود عليه
يعني.      

الي يسوق السيارات الكبيرة مايتنازل للصغار الا للتوفير

الي متعود على السيارات الكبيره مايقدر يسوق السيارات الصغيره راح يواجه مصاعب بسبب نزول السياره والرؤيه تكون صعبه لان السياره نازله بعكس السيارات الرفيعه السواقه اسهل ويكون الطريق مكشوف افضل من الصغيره لكن زي ماقالو لازم تتعود فتره على الجيوب لانك متعود على الصغيره واللفات والمنعطفات لازم تهدي وتكون حذر

بتندم انك قضيت عمرك ع سيدان
مافيه مثل الموتر الرفيع

انا اتمنى امتلك جيب او جمس والله انها عز بالخطوط والطرق
تمشي والناس حواليك تحس انك فخم هههههه
كل شي واضح بالطريق وماتهاب احد والسيارات الصغيره تعدي جنبك
تقول مين دوووووول ههههههه
لكن يعيبها شيئين صراحه
الاوله بمواقف عملك او الاسواق يبغالك تكون حذر وصبور ماتزعل احد من اصحاب
السيارات الصغيره او تزعل نفسك ان سيارتك كبيره وبالقوة تحصلها موقف
الثانيه صرفية البنزين كل ماتتجاوز وتدعس لها تشرب بنزين
عكس الصغيرة تعدي بسرعه وماتحس انك خسران
والله ييسرلك وتلقى الشي اللي يعجبك منها
ملحوظة ترا يبغالك تتعود عليها مع الايام ولازم تحسب حساب الناس حوليك

المسألة مسألة تعود مش اكثر, في بلد مثل بلدنا اشوف سيارات الدفع الرباعي اصلح من السيدان اقول لك ليش؟

لأنه شوارعنا الأوربية (طل)  مكحلة بالحفر و المطبات اللي كسرت ظلوعنا و هذي المصايب حرام ادفع ريالات على سيارة سيدان

اخرتها تنحك من تحت بسبة هالبلاوي هذي.  الجيوب افضل حل و آمنة بعد رب العالمين من السيدان.

سيارتي الباث من بعد ما تعودت عليها و على ركوبها و النزول منها صرت لما اركب سيارة سيدان مثل كامري او كورولا صدقني

ركابي تطقطق من  الشدة عليهم وشي يعور صراحة.

توكل على الله وشوف اللي يناسبك, وبعد ما تستلمها خذ فيها جولة منها تمرين و منها تدرس زواياها مع السيارات الثانية.

و مبروك سلف.

اذا كنت متزوج او عندك عائله توديهم وتجيبهم خذلك من هالجيوب
لكن اذا عزابي او مشاويرك اغلبها لحالك فما له داعي الجيوب خلك عالسيدان مريح وسهله سواقته ولايشرب بنزين