أخلاق الطريق 1 التجاوز من اليمين

كلام سليم واظن معظمكم وصله. مقطع يتحدث فيه احد الشباب من على كرسي متحرك.  يقول تخرجت ظابط.  وخطبت. وشريت سياره
اكتملت فرحتي بتخرجي وشراء سياره جديده.  وخطيبه    ثم.       صحيت بعد ٦ ايام وانا في المستشفى عاجز عن الحركه
كان عندي فورد.   وعطيته  ولد يقرب لي   وقبل يسوق عطيته نصايح.      منها لاتنشغل بالواتساب.   اول حادث وتذكرون هنا.  حدثتكم عنه
شمع في فورد.  لانه انشغل عن السواقه.  بسيطه.      ثاني حادث راح السياره تالف وفكه الله من موت 
لانه كذلك لم يسمع النصح.    سرعه.  وتجاوز.   وعدم انتباه.       تندم بعد ايش بعد ماتنشل  او تكسر.   او وهذا اقل الخساير.  تفقد سيارتك
التي تغنيك عن الناس.   الي متى ونحن لانتعظ.  الي متى ياشباب واتكلم بجد.  الي متى هذا الاستهتار بارواحكم وارواح غيركم 
البارح واحد معه قوطي.   مدري وش هي من سرعه. داخل المدينه يتلاعب بالسياره.  فقع قلبي مابينه وبين صدامي الا سنتيمترات.   وانا محمل
وراعين وحريم.   يعني لو دق صدامي حاصت السياره وانقلبت
وكلنا نذكر. التاهو بالرياض اللي راعي افالون سكران دقه من ورى وقلب من فوق الكبري وماتت مرته والشغاله وهو.  واصيب بعض ابناءه
بس اطرحوا راعي الافالون.         رحم الله الاطفال سعود الغامدي واخيه الاصغر.   يمشون. وجاك احد اخوتنا المصريين. مسرع في شارع
يعج بمحلات السباكه  يعني مزدحم في شارع الامير نايف //٤٢//. سابقا.     حاول يتفادى الاطفال ما امداه.  ماتوا الاطفال. وهو ضرب الجسر
واظنه مات.       وش اعد وش اخلي
انت يامن تقرأ ما اكتبه.   الكارثه لاتستأذك.       احذر.     ليست السرعه شطاره.    تريد ان تختصر دقائق قد تكلفك حياتك او تخسر عافيتك
لاحول ولاقوة الا بالله.         والله حوادث السيارات لدينا.  معظمها.   خطأ بشري.    تسافر وتسرع وكفراتك قديمه  ولاتفكر ان الاطار بينفجر

هو غلط لكن بعض السواقين حمار . ماسك اليسار ومهدي وما تبي ترفع ضغط وتدق بوراي وازعاج وتنزل عقلك وقلة ادب . من اول ان كان مافيه احد يميني اخذ يمين واتجاوزه وارجع .

وعليكم السلام ورحمة الله وبركاته
كثير من الناس وبالذات بذا المنتدى
مايعترف بطريقة سواقته انها غلط ومتهور
والمشكله كلهم من فئة الشباب مع ذلك معطينك
وضعية الشايب انهم مؤدبين بالقياده وحترمين الطريق هههههه
سو الي تبي بس لاتكذب علينا وعلى نفسك وتسوي انك مثالي
عشان كم لايك ونقطه
طبعا كلامي يخص فئة 5% بالمنتدى اما 95% على عيني وراسي
محترمين ومحشومين من الكلام الي فوق



ابعترف وقليل الي يعترف بذا المنتدى ان انا من الناس الي يتجاوزن
من اليمين اي نعم اتجاوز من اليمين
السبب امة محمد الي تمسك النص واليسار ويمشي على بيض
لو كل واحد يتقيد بسرعة المسار كان ماشفنا احد يتجاوز
من اليمين

ابشرحها بطريقه افضل
اللحين وانا وانت رايحين للدوام على طريق الدائري الشمالي
بحكم انه طريق دوامي
الطريق 4مسارات اليسار مقدر امسكه بسبب الي يسرعون
النص ما اقدر امسكه بسبب الي يمشون بطيء السرعه
حقت الشارع 120وهم ماشين بالنص 80
انا بذي الحاله وين اذلف معه ماعندي الا المسار اليمين
الي هو قبل مسار التريلات امشي فيه وانا ماخذ راحتي لدرجة انه
فاضي محد يسوق فيه مدري وش السبب

بتقولي غلطان تمشي 100الى 110 باليمين
اقولك وش تبيني اسوي اذا الي ماسكين النص
يمشون 80مثل سرعة التريلات واليسار
مليار يمشون كيف اتجاوز وامشي
هو لو الي بالنص بس يمشون باليمين قبل مسار التريلات
كان محد يشتكي من الي يتجاوز من اليمين
بس مشكلتهم يمسكون النص ويمشي80ويزعل اذا
احد تجاوزه من اليمين ههههه
ان كان تبيها بالنظام حتى الي يمشي بالنص 80غلطان
عنده اليمين اذا يبي يمشي بذي السرعه

طبعا كلامي مخصص على الي يمشي 90الى
110 باليمين ماقصد الي يجيك من اقصى
اليسار الى اقصى اليمين على سرعته120 او اكثر
ويشق مرايت سيارتك شق لا هذا يستاهل
غرامه وسجن وجحلد بعد

اصلا مسار اليمين سالك اكصر من مسار اليسار
اليمين خدمات واليسار يكون في سواق معاه سيارة كبيرة من جمس او سيكويا
وماشي 60 ولا هو داري عن الطبخة
المفروض اللي يمشي 60 في خط اليسار توقيف 3ايام واذا كررها تسحب منه الرخصة لمدة سنة

ولا يهونون اللي يمشون ٨٠ في شارع سرعة ١٢٠
وفيه ناس مهدية تدخل مسار اليسار وتسبب ارباك سير او بعض الاحيان حادث

احيانا اتضطر اتجاوز من اليمين
بعد سالكي الطرق بل اغلبهم يمشي باليسار40
واذا كشحت له يزعل وبعضهم يكبس فرامل بوجهك
واذا كانت سيارة كبيره او حتى صغيره وفارهه انسى يفتحلك
الحل التوعية وزيادة الثقافة المرورية 
ووضع حد ادنى واعلى لكل مسار اذا تم تجاوزه يرصد مخالفه فورا

مره ع طريق الدمام ماشي وقدامي موتري كع فرامل وحذف يمين الا طلع راعي تورس امريكي اعتقد معه لوحات دوبلماسيه ماسك اقصى اليسار وماشي  مدري ٦٠ او ٤٠ حولها واكشح له ويكع فرامل بوري عالي كل ماله يعاند يوم تجاوز من يمينه يناظر فيني تقول ماكل حلاله 

طيب ايش الحل مع شخص ماسك اليسار ومعطل ام الطريق بالاخص انا دوامي يبعد عن البيت 100 كيلو ! ومن ضمنها خط سريع
الحل ياتطلع على الخط الاصفر او تتجاوز على اليمين

اي شعب على وجه الارض ما ينفع معه الا قوة النظام وبس 
من منكم يذكر قبل اكثر من عشر سنوات كان الدايري بالرياض 
كان المسار الايسر فيه خط اصفر وكان فيه تجاوزات من الشباب 
الطائش تسببوا في حوادث كثيرة  لحد ما ألغوه بعدها اختفت التجاوزات ١٠٠٪ 
واختفت تقريباً الحوادث .. وكان وقتها بداية تفعيل المرور السري .

المشكلة مو بجهل وعدم ثقافة مستخدمي الطريق من ابناء البلد ((( والاجانب والغرباء )))
الحل هو بالضرب بيد من حديد على كل مخالف .. مثل ما هو صاير بالامارات
 

ذيك المره في الدائري الشرقي الساعه 2 ونص بالليل والناس رقود نايمين دوامات راح للمطار انزل خالي مادريت الى ذا الي شاطفني من اليمين ومطفي الانوار الله ستر علينا شكله منحاش من دوريه

كلامك صحيح بس اذا حصلت واحد غشيم واحصلهم كثير بخط سريع وكأنه يتمشى على الكورنيش
وماسك اليسار او النص ولما ابيه يروح يمين اكبس له العالي او ادق بوري يضغط الفلشر والاشارات يمين ويسار يعني ما بتحرك وش الحل معه

سويتها قبل سنه الله لايعيدها تجاوزت من يمين الا ذاك الشايب ويلف يبي الصرافه وانا اصدمه لاكن الحمدلله جات خفايف وتوبه ماعاد اقرب اليمين نهائياً! والله يكفينا وياكم شر هالحوادث يارب

دعوة علمني اياه الوالد

وهي : اللهم جيرنا من ساعة الغفلة يا رب.  مرة في عام 2009 و في الخبر كنا انا و الوالد الصبح بالسيارة مشينا من الدمام للخبر

الا و ابوي ناظر كورولا قديم اظن 2004 أو 2005 سايقها يفقد السيطرة عليها و خش يمين و يسار وآخرتها دق في جدار

النفق و والله من هول المنظر قدامي حسيت قلبي طاح في رجولي و الحمد لله رب العالمين الوالد قدر يتفاداه والا كان ممكن ندعمه.

للأسف دول الخليج متقدمين اكثر منا في القوانين المرورية تحصل فيها مخالفات و سرعات عالية بس مو مثل عندنا.

والله عندنا نسب مرعبة في الوفيات و الاعاقات الله لا يبلانا.

في اول اسبوع من عام 2015 فقدت زميل لي في العمل في حادث على طريق الدمام قدام قصر الخليج و كانت معاه كورولا 

و ماهي سيارته, كانت السيارة مستأجرتها الشركة عندنا من آيفيس.

هذه يسمونها الغشامة طال عمرك . . . . .

1- يطوف من يمين وهو يمشي 200

2- ماسك يسار ويمشي 20

3- عند الإشارة 3 مسارات تلقاه 5 - 6 مسارات لأنه عجزان الحبيب يوقف آخر واحد إلا لازم آجي قدام

مادري هو فيه عرض سينما قدام وحنا ماندري ؟؟؟؟؟؟؟

4- عند الإشارة يجي من أقصى اليمين طايف 20 سيارة ثم يعترض قدام الإشارة وهذا يدل على قلة الأدب والتربية وعدم الإحترام

5 - فيه شيء يضحكني دائماً .. يجوني بعض الزملاء ويقولون لي أنت تسرع إذا مشيت 160 على ( الطريق السريع )

وآتفاجئ فيهم إنهم بوسط ( حارة ) بين البيوت على شوارع ماتمشي أكثر من 20 تلقاهم يمشون 60 و 70 !!!!!!!

بالنسبة المئوية أنا زادت السرعة عندي بالطريق السريع بنسبة 25 %

لكن أنت الحين زادت السرعة عندك بوسط الحي بنسبة 66 %

يعني الحين من هو اللي طلع المسرع ومن هو اللي طلع الغشيم ومن هو اللي يتعرض للخطر أكثر ؟؟؟؟؟؟؟؟

تصحيحاً زادت السرعة عندك بوسط الحي بنسبة 200 %

سبب التجاوز هم الغشمان الي ماسك اليسار ومعطل الخط

خط جدة مكة المسار الايمن للمسرعين والايسر للسواقين والعوايل قلبنا اليابان خخخ

البارح وانا بالدايري الشمالي كنت ماسك الوسط وتجاوزني راعي سوناتا من اليمين ودخل بمساري والله يا اخوان لو ما مسكت فرامل والله ستر وشفته من بدري ومتابعه كان شالني معه يبي يتجاوزني ونص سيارته جنبي !
يقالك الحين طاره وهو بغى يذبحنا الله يهديه

درس مانساة ... وايت امامي حاولت اتجاوزه من اليمن وتراجعت في اخر لحظه؟؟ المفجأه انه كان مغطي على بنقالي
راكب سيكل؟؟ لو تجاوزت في تلك اللحظه 100% انهيت حياته

والله ما يغثك الا الي متمسك بالمسار اليسار ثواني اذا ما فك لي مجال اخذ يمين واتعدى واهم شيء الانتباه وامورك تمام