أضف سؤال أو موضوع جديد          

تجربتي في تغيير بلف التبخير pcv وحل مشكلة نقص الزيت للكامري

up 29 down 2
splinter cell 142
قبل 11 شهر



السلام عليكم ورحمة الله وبركاته
عندي كامري 2002 امريكي بمكينة 2.4
المكينة صارت تنقص زيت كل ثلاث اسابيع او اسبوعين اعبي ربع او نصف علبة زيت
بعد فترة القى المعيار للنص !
انا امشي فيها كثير علشان الجامعة ممكن كل اسبوع 500-400 كم
مع ان مغير سيفون كل مرة علشان ماينقص كثير
استخدمت زيت لزوجته 10w30

اخوي اقترح علي اغيره لان لقى مقطع لواحد معه هايلوكس غيره وانحلت المشكلة والمكينة ماصارت تنقص
https://www.youtube.com/watch?v=jVW5Tqrk2cM

بحثت عن بلف التبخير بصناعية عرعر مالقيته يقولون ماتلقاه الا بالوكالة
مدري ليش الوكيل ومحلات قطع الغيار ما يتوفر عندهم ممكن لان ماحد يطلبه
وبالصدفه رحت لمحل لقطع الغيار لقيت عنده سوري سألني وش ابي قلت ابي بلف التبخير لان عندي مكينة الكامري تنقص زيت
قالي ماله علاقه ومشكلتك بالشنبر وقام يتفلسف يقول لي خبرة ومدري ايش وقهرني ينصحني اغير قطعه غالية ولا ينصحني اغير قطعه سعرها 60 ريال!
اخوي قالي انا مغير المكينة بنفسي ماكانت تنقص الا بعد كم سنة لذلك توقعنا ان فيه قطعة استهلاكية انتهت مدتها وتحتاج للتغيير
قبل لا ادور بالصناعية بحثت بمواقع اجنبية لقيت مقالات كثيرة ان له علاقه كبيرة بنقص الزيت
مكتوب بنفس المقال مع ان سعره رخيص ماحد يفكر يغيره اول شيء

طلبته من الموقع الاماراتي partsouq لان ماحصلته هنا
اسمه pcv
رقم القطعه 1220428020
للاسف اغلب الناس يهملونه ويمشون 400 و300 الف ويطلعون كلام ان مكينة الكامري تنقص كثير
صارت ماتنقص زيت الحمد لله لليوم
ركبته قبل شهر ماشاء الله
للاسف رحت لكذا ميكانيكي مايعرفون مكانه مدري هم يستهبلون ومايبغوني اوفر ولا كذا يجهلون المعلومه واللي علمهم للميكانيكا ماعلمهم مكانه او فائدته او مستحيل فيه ورشه يفيدك بدون مايربح لان القطعه سعرها رخيص جدا ركبته ب10 ريالات !
الحمد لله قبل ما اجي كنت شايف مقاطع كثيرة وعلمته لمكانه
بس لاحظت ان الباكستاني مستغرب ومايبي يفكه من شافه يقول هذا بلف للمكيف واكثر من واحد يحسبه للمكيف واقولهم للمكينة ويقول مانعرف !









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله تبارك , اهنيك على كفاحك رغم اصرار نصابين الورش ومحلات قطع الغيار

بس تتوقع كل السيارات الي تنقص زيت من نفس البلف ؟


up 3 down 0
7ssom 392
قبل 11 شهر



بالنسبة للي يبي يعرف ان البلف خربان وقفل ومتى يتغير اذا شاف حواليه اثار زيت معناه وجب تغيره 


up 1 down 0
088mansour 773
قبل 11 شهر



ما شاء الله عليك فنان
انصح الجميع بالاعتماد على المواقع الاجنبية بتلاقي عندهم الحلول بارخص الاسعار


up 4 down 0
kaiser007 627
قبل 11 شهر



طيب هل بلف التبخير ذا هو الحل الجذري للمشكله ؟

اعرف واحد معه شاص اصفار وينقص؟ وهو اصفاااااار لا مشى ٣٠٠ ولا ٥٠٠ الف

نوع الزيت اللي يستخدمه 10w30


up 2 down 1
ابو هيثم 7 1925
قبل 11 شهر



حياك
موضوع طيب من رجال طيب 
وبيض الله وجهك


up 2 down 0
باترول 2020 2338
قبل 11 شهر



7ssom
افضلك تغيره لان سعره رخيص ماراح يضرك لو تجرب بدل ماتبدل قطعه غالية راح يفرق معك بالعزم بحثت بقوقل ولقيت له فوائد
اخوي اشترى المكينة من تشليح الكويت قبل 5-6 سنوات ماشيه 100 الف واستخدامه هادي للسيارة مايسرع عليها نهائيا اعلى سرعة يمكن 140 ومايمشي لاخر الطبلون
ما كانت تنقص ماشاء الله
هي مكينة 2007
لكن بعد فترة طويلة صارت تنقص لان بلف التبخير خرب

سعر بلف التبخير بالموقع الاماراتي 7 دولار اخترت ups حتى يشحنونه سريعين جدا بالتوصيل
سعر الشحن 14$
فيه البريد الخليجي او الممتاز واظن فيه فيدكس


up 0 down 0
splinter cell 142
قبل 11 شهر



عندي مشكلة وكتبت عنها موضوع اللي هي ترشيح على وجيه البلوف
ونقص في الزيت شكل مشكلتي في هالبلف
لكن معقولة ما أحصله هنا في الرياض ؟
سيارتي جمس دينالي 2001


up 0 down 0
, وع ـدك متى , 265
قبل 11 شهر



088mansour
صحيح شكرا للمعلومة الله يجزاك خير

ابو هيثم 7
يفضل يأخذها للوكالة يصلحونها ممكن فيها بلاء يمكن انكسر فيها شيء وهم ينقلونها بشركة الشحن
لكن اذا تقصد فكها على يده ومشت حول 100 الف يفضل يغيره لكن المشكلة وين تلقاه لان يعتبر قطعه استهلاكية


up 0 down 0
splinter cell 142
قبل 11 شهر



kaiser007
صحيح خاصة بمشاكل التكييف لان اكثر الورش بس عندهم بدل الكمبروسر والثلاجة وعب فريون
لو تبحث في الانترنت تلقى قطع كثيرة للمكيف كهربائية وغير كهربائية وايضا فيه حلول
https://www.youtube.com/watch?v=o_nThi2BjoQ
https://www.youtube.com/watch?v=b-oETQXoe0g


up 0 down 0
splinter cell 142
قبل 11 شهر



الف شكر ع موضوعك الجميل
كثير اصحاب الكامري 4 سلندر يعانون من نقص الزيت
ان شاء الله يفيدهم الموضوع
بس لو تقدر تنزل صوره لمكان تركيب البلف بنفس السياره الكامري
لانه اكيد في ناس من موضوعك راح ياخذوه
ووقت التركيب راح يتفلسفو عليهم اصحاب الورش
تستاهل الف لايك مبدع


up 0 down 0
tttt35035 835
قبل 11 شهر



شكراً على الموضوع الرائع نحتاج في المنتدى لمثل موضوعك المميز


up 0 down 0
ابوليان1431 352
قبل 11 شهر



عطيك العافيه على الموضوع الرائع 


up 0 down 0
نواف الحربي4 327
قبل 11 شهر



حياك
حبيت اشكرك على هالموضوع لاثاني مرة
عندنا كامري موديل2000 تنقص زيت بشكل كبير
وشفت موضوعك وغيرت بلف تبخير الزيت مع الخرطوش حقة
والحمدالله راح نقص الزيت وبيض الله وجهك



up 0 down 0
باترول 2020 2338
قبل 10 شهر و أسبوع



موضوع رائع يعطيك العافية


up 0 down 0
m-otaibi -3
قبل 6 شهر